ബിഹൈന്‍ഡ് വുഡ്‌സ് അവാര്‍ഡ് വേദിയില്‍ മികച്ച നടിക്കുള്ള പ്രത്യേക പുരസ്കാരം സ്വീകരിക്കാന്‍ എത്തിയതാണ് നടി മഞ്ജു വാര്യര്‍. മലയാളത്തില്‍ എന്ന പോലെ തമിഴിലും തന്റെ വ്യക്തിപ്രഭാവം പടര്‍ത്തിയതിന്റെ തെളിവാണ് ഈ പുരസ്കാരം. ധനുഷ് ചിത്രം അസുരനിലെ പ്രകടനത്തിനാണ് മഞ്ജു പുരസ്കാരം കരസ്ഥമാക്കിയത്.
പരിപാടി ആങ്കര്‍ ചെയ്യാന്‍ നിന്നതാകട്ടെ പ്രമുഖ നടനും സംവിധായകനുമായ പാര്‍ത്ഥിപന്‍. മഞ്ജുവിന്റെ ഒരു ആരാധകന്‍ കൂടിയാണ് ആദ്ദേഹം. പുരസ്‌കാര സമര്‍പ്പണത്തിനിടെ അക്കാര്യം മഞ്ജുവിനെ അറിയിച്ചിട്ടേ പാര്‍ത്ഥിപന്‍ അവരെ സ്റ്റേജില്‍ നിന്നും പോകാന്‍ അനുവദിച്ചുള്ളൂ.
ഒരു നല്ല ആസ്വാദകയ്‌ക്കേ നല്ലൊരു അഭിനേത്രിയാവാനും കഴിയൂ എന്നാണ് പാര്‍ത്ഥിപന്‍ മഞ്ജുവിനെപ്പറ്റി പറഞ്ഞത്. പാര്‍ത്ഥിപന്‍ സംവിധാനം ചെയ്ത ‘കതൈ, തിരക്കഥെയ്‌, വാസനം, ഇയക്കം’ കണ്ട് മഞ്ജു വാര്യര്‍ ഒരു രാത്രി അദ്ദേഹത്തെ ഫോണ്‍ ചെയ്ത് സിനിമ കണ്ടെന്നും, നന്നായിരുന്നെന്നും പറഞ്ഞു. പക്ഷെ അതേ താന്‍ തന്നെ സംവിധാനം ചെയ്ത ‘ഒത്ത സെരുപ്പ്‌ സൈസ് 7’ കണ്ടിരുന്നെങ്കില്‍ മഞ്ജു വിളിച്ചേനെ എന്നും പാര്‍ത്ഥിപന്‍.
എന്നാല്‍ താന്‍ ആ സിനിമ കണ്ടിരുന്നെന്നും, ഫോണ്‍ നമ്ബര്‍ നഷ്‌ടമായതിനാലാണ് വിളിക്കാന്‍ സാധിക്കാതെ പോയതെന്നും മഞ്ജു. ഫോണ്‍ നമ്ബര്‍ അല്ല, ഫോണ്‍ തന്നെ തരാമെന്ന് പറഞ്ഞ പാര്‍ത്ഥിപന്റെ കമന്റ് വേദിയില്‍ കൂടിയിരുന്നവരെയും മഞ്ജുവിനെയും ഒരുപോലെ പൊട്ടിചിരിപ്പിച്ചു. വീഡിയോ ചുവടെ.
