ലോക രാജ്യങ്ങളെ ഭീതിയിലാഴ്ത്തി കൊറോണ അതിന്റെ താണ്ഡവം തുടരുകയാണ് . ചൈനയിലെ വുഹാനില്‍ നിന്ന് ആരംഭിച്ച്‌ ഇപ്പോള്‍ ഏകദേശം നൂറ്റിഅറുപതിന് മുകളില്‍ രാജ്യങ്ങളില്‍ കൊറോണ വൈറസ് വ്യാപിച്ചിരിക്കുകയാണ്. കായിക താരങ്ങള്‍ക്കും, അഭിനേതാക്കള്‍ക്കും എല്ലാം കൊറോണ ബാധിച്ചിട്ടുണ്ട്. ഇപ്പോഴിതാ മലയാളികളുടെ പ്രിയ നടി മമത മോഹന്‍ദാസ് ഹോം ഐസലേഷനില്‍ ആണെന്നാണ് വാര്‍ത്ത .
കൊറോണ വ്യാപനം നടക്കുന്ന സമയത്ത് താരം വിദേശത്തുനിന്ന് നാട്ടിലേക്ക് യാത്ര ചെയ്തിരുന്നു. ഈ സാ ഹചര്യത്തില്‍ രോഗ ലക്ഷണങ്ങള്‍ ഇല്ലെങ്കിലും വിദേശയാത്ര കഴിഞ്ഞ് 14 ദിവസം എങ്കിലും നിര്‍ബന്ധമായും ഹോം ഐസലോഷനില്‍ കഴിയണം. ഈ നിര്‍ദ്ദേശം അംഗീകരിച്ചാണ് താരം ഇപ്പോള്‍ കൊച്ചിയിലെ വീട്ടില്‍ ഐസലേഷനില്‍ കഴിയുന്നത്. അമേരിക്കയിലെ ലോസ് എഞ്ചല്‍സില്‍ നിന്ന് 17 നാണ് താരം കൊച്ചിയില്‍ എത്തിയത്. താരം തന്നെയാണ് ഇക്കാര്യം സോഷ്യല്‍ മീഡിയയിലൂടെ അറിയിച്ചത്. മാസ്‌ക് ധരിച്ച്‌ വീട്ടില്‍ നില്‍ക്കുന്ന ഒരു ചിത്രവും താരം പങ്കുവച്ചിട്ടുണ്ട്.
