യുവനടി മിയ ജോർജിന്റെ പേരിൽ വ്യാജ അക്കൗണ്ട് വഴി കുപ്രചരണങ്ങള്‍ എത്തിയതോടെ പ്രതികരണവുമായി താരം രംഗത്ത്. മിയ സിനിമ സംവിധാനം ചെയ്യാന്‍ പോവുകയാണെന്നും സിനിമയിലേക്ക് താരങ്ങളെ ക്ഷണിക്കുന്നുവെന്നുമുള്ള വിവരങ്ങളാണ് സോഷ്യല്‍ മീഡിയയിലൂടെ പ്രചരിച്ചത്. സംഭവം വൈറലായതോടെ മിയ രംഗത്തെത്തെത്തുകയായിരുന്നു. താന്‍ അങ്ങനെയൊരു കാര്യത്തെക്കുറിച്ച്‌ അറിഞ്ഞിട്ടില്ലെന്നും മിയ വെളിപ്പെടുത്തി .
തന്റെ പേരിൽ വെരിഫൈഡായ ഒരു ഫേസ്ബുക്ക് അക്കൗണ്ട് മാത്രമേ ഉള്ളുവെന്നും മറ്റ് അക്കൗണ്ടുകളിൽ നിന്ന് വരുന്ന മെസേജുകൾക്ക് താൻ ഉത്തരവാദിയല്ലെന്നും താരം കുറിച്ചു. വ്യാജ അക്കൗണ്ട് വച്ച് നടത്തിയ ചാറ്റുകളുടെ സ്ക്രീൻ ഷോർട്ടും താരം ഫേസ്ബുക്കിൽ പങ്കുവച്ചിട്ടുണ്ട്.
