കഴിഞ്ഞ ദിവസമായിരുന്നു ആലിയയുടെ വീട്ടിലെ ജോലിക്കാരി റാഷിദ ഷെയ്ക്കിന്‍റെ പിറന്നാള്‍
വീട്ടുജോലിക്കാരിയുടെ പിറന്നാള്‍ ആഘോഷിച്ച് ആകെ പുലിവാല്‍ പിടിച്ചിരിക്കുകയാണ് ബോളിവുഡ് നടി ആലിയ ഭട്ട്. പിറന്നാള്‍ കേക്ക് മുറിച്ച് ആഘോഷിച്ചെങ്കിലും വീട്ടുജോലിക്കാരി നീട്ടിയ കേക്ക് ആലിയ നിരസിച്ചതാണ് സോഷ്യല്‍ മീഡിയയുടെ വിമര്‍ശനങ്ങള്‍ക്ക് കാരണമായത്.
കഴിഞ്ഞ ദിവസമായിരുന്നു ആലിയയുടെ വീട്ടിലെ ജോലിക്കാരി റാഷിദ ഷെയ്ക്കിന്‍റെ പിറന്നാള്‍. ആലിയ മറ്റ് കുടുംബാംഗങ്ങളും ചേര്‍ന്ന് കേക്ക് ആശംസാ ഗാനം പാടിയാണ് റാഷിദയുടെ ജന്‍മിനം ആഘോഷിച്ചത്. എന്നാല്‍ റാഷിദ കേക്ക് നീട്ടിയപ്പോള്‍ താന്‍ ഡയറ്റിലാണെന്ന് പറഞ്ഞ് അത് നിരസിക്കുകയാണ് ചെയ്തത്. ഇതാണ് സോഷ്യല്‍ മീഡിയയെ ചൊടിപ്പിച്ചത്. എന്തൊരു നാടകമെന്നായിരുന്നു ചിലരുടെ കമന്‍റ്. പാര്‍ട്ടികളില്‍ പോയി മദ്യപിക്കുന്നതിന് കുഴപ്പമില്ല കേക്ക് കഴിക്കുന്നതിനാണ് കുഴപ്പം,അവരോട് സ്‌നേഹമുണ്ടെങ്കില്‍ കുറച്ചെങ്കിലും കഴിക്കാമായിരുന്നുവെന്നാണ് വിമര്‍ശം.
അതേസമയം ആലിയയുടെ മാതാപിതാക്കള്‍ക്കൊപ്പം കേക്ക് മുറിക്കുന്ന മറ്റൊരു വീഡിയോ റാഷിദ ഇന്‍സ്റ്റഗ്രാമില്‍ പങ്കുവച്ചിട്ടുണ്ട്. സംവിധായകന്‍ മഹേഷ് ഭട്ടും ഭാര്യ സോണി റസ്ദാനുമാണ് വീഡിയോയിലുള്ളത്. കേക്ക് മുറിച്ച ശേഷം മഹേഷിന്‍റെ വായില്‍ വച്ച് കൊടുക്കുന്നുമുണ്ട് റാഷിദ.
