തമിഴ്മീഡിയം സര്ക്കാര് സ്കൂളില് പ്രാഥമിക വിദ്യാഭ്യാസം നേടി ഐ.ഐ.ടിയില് നിന്നും പി.എച്ച്.ഡി വരെ നേടി ഇപ്പോള് ഐ.എസ്.ആര്.ഒയുടെ തലപ്പത്തെത്തിയയാളാണ് കൈലാസവടിവു ശിവന്. രാജ്യത്തിന്റെ അഭിമാനമായ ചന്ദ്രയാന് 2 ദൗത്യത്തിന്റെ തലപ്പത്തുള്ളയാളും കെ ശിവന് തന്നെ. കഷ്ടപ്പാടുകള്ക്ക് പഞ്ഞമില്ലാത്ത കുട്ടിക്കാലമാണ് സഹപ്രവര്ത്തകര്ക്കിടയില് ‘ഉറങ്ങാത്ത ശാസ്ത്രജ്ഞന്’ എന്ന് വിളിപ്പേരുള്ള കെ.ശിവനെ രൂപപ്പെടുത്തിയത്. കേരള അതിര്ത്തിയോട് ചേര്ന്നുള്ള കന്യാകുമാരിയിലെ തരക്കന്വിളയില് കര്ഷകകുടുംബത്തിലാണ് കെ ശിവന് ജനിച്ചത്. ഗ്രാമത്തിലെ തമിഴ് മീഡിയം സ്കൂളില്പ്രാഥമിക വിദ്യാഭ്യാസം. അക്കാലത്തൊന്നും ചെരിപ്പ് ധരിച്ചിരുന്നില്ല നാഗര്കോവില് ഹിന്ദു കോളജില് […]
