India

ദേശീയ മെഡിക്കല്‍ ബില്‍ നടപ്പാക്കാനുള്ള കേന്ദ്ര സര്‍ക്കാര്‍ നീക്കത്തില്‍ പ്രതിഷേധിച്ച് ഡോക്ടര്‍മാര്‍ നാളെയും മറ്റന്നാളും രാജ്യ വ്യാപകമായി പണി മുടക്കും. ബില്ലിലെ അപാകതകള്‍ പരിഹരിക്കണമെന്നാണ് ഡോക്ടര്‍മാരുടെ പ്രധാന ആവശ്യം. സർക്കാർ സ്വകാര്യമേഖലകളിലെ മുഴുവൻ ഡോക്ടർമാരും പണിമുടക്കിൽ പങ്കെടുക്കുമെന്ന് സമരത്തിന് ആഹ്വാനം ചെയ്ത ഇന്ത്യൻ മെഡിക്കൽ അസോസിയേഷൻ നേതൃത്വം അറിയിച്ചു. ദേശീയ മെഡിക്കൽ കമ്മീഷൻ ബിൽ ലോകസഭയിൽ പാസാക്കിയതിൽ പ്രതിഷേധിച്ചാണ് പണിമുടക്ക്. മൂന്ന് ദശാംശം അഞ്ച് ലക്ഷം വ്യാജ ഡോക്ടര്‍മാര്‍ക്ക് ലൈസന്‍സ് ലഭിക്കാന്‍ ബില്ല് കാരണമാകുമെന്ന ഗുരുതരമായ ആരോപണത്തോടെയാണ് […]

സ്ത്രീകളുടെ അഭിമാനം സംരക്ഷിക്കുന്നതാണ് മുത്തലാക്ക് ബില്ലെന്ന് കേന്ദ്ര നിയമമന്ത്രി രവിശങ്കര്‍ പ്രസാദ് പറഞ്ഞു. നേരത്തെ ലോക്സഭ പാസാക്കിയ ബില്‍‍ രാജ്യസഭയിലും പാസാക്കാനാകുമെന്നാണ് കേന്ദ്രസര്‍ക്കാറിന്‍റെ പ്രതീക്ഷ. ബില്ലിനെ എതിര്‍ത്ത ജെഡിയു രാജ്യസഭയില്‍ നിന്ന് ഇറങ്ങിപ്പോയി. ജെഡിയു അടക്കം മൂന്ന് പാര്‍ട്ടികൾ വോട്ടെടുപ്പില്‍ നിന്ന് വിട്ടുനില്‍ക്കുമെന്നാണ് സൂചന. വൈഎസ്ആര്‍ കോണ്‍ഗ്രസ് എതിര്‍ത്ത് വോട്ട് ചെയ്തേക്കും.

ജയ് ശ്രീറാം വിളിക്കാത്തതിനാല്‍ നാലംഗ സംഘം 17 കാരനായ മുസ്‍ലിം ബാലനെ തീ കൊളുത്തിയെന്ന് പരാതി. ഉത്തര്‍പ്രദേശിലെ ചണ്ടൌലി ജില്ലയില്‍ ഞായറാഴ്ച്ച രാത്രിയാണ് സംഭവം. ഗുരുതരമായി പൊള്ളലേറ്റ ഖാലിദിനെ ആശുപത്രിയില്‍ തീവ്ര പരിചരണ വിഭാഗത്തില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. എന്നാല്‍ കേസില്‍ ദുരൂഹതയുണ്ടെന്നാണ് പൊലീസ് പറയുന്നത്. “ഞാന്‍ ദുധാരി പാലത്തിലൂടെ നടന്ന് വരുമ്പോള്‍ നാല് പേര്‍ എന്നെ തട്ടിക്കൊണ്ട് പോയി. അതില്‍ രണ്ട് പേര്‍ എന്‍റെ കൈ രണ്ടും കൂട്ടിക്കെട്ടി. മൂന്നമത്തെയാള്‍ എന്‍റെ ദേഹത്ത് മണ്ണെണ്ണ ഒഴിച്ച് […]

നാളെ ചേരുന്ന നേതൃയോഗത്തില്‍ അജണ്ടയില്‍ ഇല്ലെങ്കിലും കോണ്‍ഗ്രസ് അധ്യക്ഷ പദവി വിഷയം ഉന്നയിക്കാനുറച്ച് നേതാക്കള്‍. എ.ഐ.സി.സി ജനറല്‍ സെക്രട്ടറിമാരും സംസ്ഥാനങ്ങളുടെ ചുമതലയുള്ള നേതാക്കളുമാണ് യോഗം ചേരുക. അധ്യക്ഷ പദത്തിലേക്ക് ഇല്ലെന്ന് അറിയിച്ചെങ്കിലും പ്രിയങ്ക ഗാന്ധി തീരുമാനം പുനപരിശോധിക്കണമെന്നാണ് ആവശ്യം. മെയ് 23നാണ് തെരഞ്ഞെടുപ്പ് പരാജയത്തിന്റെ ഉത്തരവാദിത്തമേറ്റെടുത്ത് അധ്യക്ഷ പദവി രാജിവെക്കുന്നതായി രാഹുല്‍ ഗാന്ധി അറിയിച്ചത്. ജൂലൈ 3ന് ഔദ്യോഗികമായി രാജി പ്രഖ്യാപിച്ച രാഹുല്‍ കത്ത് ട്വീറ്റ് ചെയ്തു. എന്നാല്‍ ഇപ്പോഴും രാജി ബോധ്യപ്പെടാത്ത സാഹചര്യമാണ് മുതിര്‍ന്ന നേതാക്കള്‍ക്കിടയില്‍. […]

പ്രധാനമന്ത്രി നരേന്ദ്രമോദി പങ്കെടുത്ത ഡിസ്കവറി ചാനല്‍ പരിപാടിയുടെ ടീസര്‍ ഇറങ്ങിയതോടെ പ്രതിഷേധം ശക്തമാക്കി പ്രതിപക്ഷം. പുല്‍വാമ ഭീകരാക്രമണ സമയത്ത് ചിത്രീകരിച്ച പരിപാടിയുടെ ഷൂട്ടിങ് വിവരങ്ങള്‍ പുറത്ത് വിടണമെന്ന് കോണ്‍ഗ്രസ് ആവശ്യപ്പെട്ടു. അടുത്തമാസം 12ന് രാത്രി 9 മണിക്കാണ് പരിപാടിയുടെ പ്രക്ഷേപണം. ഡിസ്കവറി ചാനലിലെ മാന്‍ വേഴ്സസ് വൈല്‍ഡ് എന്ന പ്രശസ്ത സാഹസിക ഷോയിലാണ് പ്രധാനമന്ത്രി നരേന്ദ്രമോദി പങ്കെടുത്തത്. ഷോയുടെ അവതാരകനായ ബെയര്‍ ഗ്രില്‍സാണ് ട്രെയിലര്‍ പുറത്ത് വിട്ടത്. കാലാവസ്ഥ വ്യതിയാനം, വന്യജീവി സംരക്ഷണം എന്നിവയിലെ ബോധവല്‍ക്കരണമാണ് ഉത്തരാഖണ്ഡിലെ […]

മദ്യലഹരിയില്‍ കടിച്ച പാമ്പിനെ തിരിച്ച് കടിച്ച് ഉത്തര്‍പ്രദേശ് സ്വദേശി. മദ്യലഹരിയിലാണ് യുവാവിന്‍റെ പ്രവര്‍ത്തി. വിഷബാധയേറ്റ രാജ്കുമാർ ഗുരുതരാവസ്ഥയിൽ ആശുപത്രിയിൽ ചികിത്സയിലാണ്. ഞായറാഴ്ച രാത്രി വീട്ടില്‍ വച്ചാണ് രാജ്കുമാറിനെ പാമ്പ് കടിച്ചത്. എന്നാല്‍ കടിച്ചപ്പോള്‍ തന്നെ ഇത് രാജ്കുമാര്‍ അറിഞ്ഞിരുന്നില്ല. ശേഷം പാമ്പ് കടിയേറ്റെന്ന് തിരിച്ചറിഞ്ഞ രാജ്കുമാര്‍ മദ്യലഹരിയില്‍ തിരിച്ചുകടിക്കുകയായിരുന്നെന്ന് രാജ്കുമാറിന്‍റെ അച്ഛന്‍ പറഞ്ഞു. രാജ്കുമാറിനെ വിദഗ്ദ ചികിത്സക്കായി മറ്റൊരു ആശുപത്രിയിലേക്ക് കൊണ്ടു പോകാന്‍ നില്‍ക്കുകയാണ്. മകനെ ചികിത്സിക്കാന്‍ പണം തന്‍റെ പക്കല്‍ ഇല്ലെന്നും രാജ്കുമാറിന്‍റെ അച്ഛന്‍ പറയുന്നു.