പത്തനംത്തിട്ട പെരുന്തേനരുവി ഡാമിന്റെ ഷട്ടർ കഴിഞ്ഞ ദിവസം രാത്രിയില് സാമൂഹ്യ വിരുദ്ധര് തുറന്ന് വിട്ടു. ചൊവ്വാഴ്ച രാത്രി പത്തരയോടെണ് സംഭവം. ജില്ലാ കലക്ടര് ഡാം സുരക്ഷ എഞ്ചിനീയറോടും തഹസില്ദാറോടും റിപ്പോര്ട്ട് തേടി. വൈദ്യുതി നിലയം സ്ഥിതി ചെയ്യുന്ന കുടമുരട്ടികരയിലെ സമീപവാസി റോയിയാണ് ഡാമിൽ നിന്ന് വെള്ളം ഒഴുകുന്നത് കണ്ടത്. തടയണ വരുന്നതിന് മുമ്പ് കടത്തിന് വേണ്ടി ഉപയോഗിച്ചിരുന്ന വള്ളവും കത്തിച്ചിട്ടുണ്ട്. വറ്റിക്കിടന്നിരുന്ന നദിയിലൂടെ വെള്ളം ഒഴുകുന്നത് കണ്ടതിനെ തുടര്ന്ന് റോയി കെ.എസ്.ഇ.ബി ജീവനക്കാരനെ വിവരം അറിയിക്കുകയും അരമണിക്കൂറിന് […]
Kerala
പ്രചരണം ഊര്ജ്ജിതമാക്കാതെ യു.ഡി.എഫ്; സീറ്റ് വിവാദം കേരള കോണ്ഗ്രസിനെ പ്രതിസന്ധിയിലാക്കുന്നു
ജോസഫ് വിഭാഗത്തിന്റെ സമ്മർദ്ദത്തിന് വഴങ്ങില്ലെന്ന് വ്യക്തമാക്കുമ്പോഴും ആത്മവിശ്വാസക്കുറവാണ് മാണി ക്യാമ്പിൽ പ്രകടമാകുന്നത്. പ്രചരണരംഗത്ത് സജീവമാകാന് മാണി നിര്ദ്ദേശം നല്കിയെങ്കിലും പരസ്യമായി വോട്ട് ചോദിച്ച് രംഗത്തിറങ്ങന് തോമസ് ചാഴികാടന് സാധിച്ചിട്ടില്ല. എതിര് സ്ഥാനാര്ത്ഥികള് പ്രചരണം ഊര്ജ്ജിതമാക്കിയിട്ടും ചുവരെഴുത്തുകളിലേക്ക് മാത്രം ഒതുങ്ങുകയാണ് യു.ഡി.എഫ് ക്യാമ്പ്. കണ്വെന്ഷനുകളടക്കം നടത്തി ഇടത് സ്ഥാനാര്ത്ഥി മുന്നോട്ട് പോവുകയാണ്. ഔദ്യോഗികമായി സ്ഥാനാര്ത്ഥി പ്രഖ്യാപനം നടത്തിയില്ലെങ്കിലും പി.സി തോമസും സജീവമായി വോട്ട് തേടല് ആരംഭിച്ചു കഴിഞ്ഞു. എന്നാല് സ്ഥാനാര്ത്ഥിയെ പ്രഖ്യാപിച്ചിട്ടും യു.ഡി.എഫ് ക്യാമ്പില് കാര്യമായ പ്രവര്ത്തനം ഒന്നും […]
വെള്ളാപ്പള്ളിക്കെതിരെ കോൺഗ്രസ് ആലപ്പുഴ ജില്ലാ നേതൃത്വം
വെള്ളാപ്പള്ളി നടേശനെതിരെ കോൺഗ്രസ് ആലപ്പുഴ ജില്ലാ നേതൃത്വം. വെള്ളാപ്പള്ളിയുടെ പ്രസ്താവനയോടെ എ.എം ആരിഫ് ആരുടെ സ്ഥാനാർത്ഥിയാണെന്ന് വ്യക്തമായെന്ന് ഡി.സി.സി പ്രസിഡന്റ് എം.ലിജു പറഞ്ഞു. വെള്ളാപ്പള്ളിയുടെ വീട്ടിൽ ചേർന്ന മിനി ക്യാബിനറ്റിലെ തീരുമാനപ്രകാരമാണ് ആരിഫിനെ സ്ഥാനാർത്ഥി ആക്കിയതെന്നും ലിജു ആരോപിച്ചു. ഇരിക്കുന്ന സ്ഥാനത്തിന്റെ മഹത്വം വെള്ളാപ്പള്ളി മനസിലാക്കുന്നില്ലെന്നും സ്വന്തം പ്രവർത്തി കൊണ്ട് അദ്ദേഹം ശ്രീ നാരായണീയരെ അപമാനിക്കുകയാണെന്നും ലിജു പറഞ്ഞു.
രാഹുല് ഗാന്ധി കേരളത്തില്; യു.ഡി.എഫിന്റെ തെരഞ്ഞെടുപ്പ് പ്രചരണങ്ങള്ക്ക് തുടക്കം കുറിക്കും
യു.ഡി.എഫിന്റെ തെരഞ്ഞെടുപ്പ് പ്രചരണങ്ങള്ക്ക് ഇന്ന് രാഹുല് ഗാന്ധി തുടക്കം കുറിക്കും. വൈകിട്ട് നാല് മണിക്ക് കോഴിക്കോട് കടപ്പുറത്ത് വെച്ചാണ് പരിപാടി. കോണ്ഗ്രസിന്റെ സ്ഥാനാര്ത്ഥി പട്ടിക സംബന്ധിച്ച് രാഹുല് കേരള നേതാക്കളുമായി ആശയവിനിമയം നടത്തുന്നുണ്ട്. യു.ഡി.എഫ് നേതാക്കള്ക്ക് പുറമേ മുസ്ലീംലീഗ് സ്ഥാനാര്ത്ഥികളും വേദിയിലെത്തും. കഴിഞ്ഞ തവണ ലഭിച്ച 12 സീറ്റ് വര്ദ്ധിപ്പിക്കുകയെന്ന ലക്ഷ്യം വെച്ചാണ് യു.ഡി.എഫ് ലോക്സഭ തെരഞ്ഞെടുപ്പിലേക്ക് ഇറങ്ങുന്നത്. കോണ്ഗ്രസിന് സ്ഥാനാര്ത്ഥികളായിട്ടില്ലെങ്കിലും ഘടകക്ഷികളെല്ലാം സ്ഥാനാര്ത്ഥികളെ പ്രഖ്യാപിച്ച് ഇലക്ഷന് ചൂടിലെത്തിക്കഴിഞ്ഞു. മലപ്പുറത്തെ യു.ഡി.എഫ് സ്ഥാനാര്ത്ഥി പി.കെ കുഞ്ഞാലിക്കുട്ടിയും പൊന്നാനിയിലെ […]
സ്ക്രീനിങ് കമ്മിറ്റിയില് ധാരണയായ മണ്ഡലങ്ങളില് പ്രചരണം തുടങ്ങാന് കോണ്ഗ്രസ് നിര്ദേശം
ഔദ്യോഗിക പ്രഖ്യാപനം വൈകുമ്പോഴും സ്ക്രീനിങ് കമ്മിറ്റിയില് ധാരണയായ മണ്ഡലങ്ങളില് പ്രചരണം തുടങ്ങാന് കോണ്ഗ്രസ് നിര്ദേശം. ഇതിനെ തുടര്ന്ന് ധാരണയായ മണ്ഡലങ്ങളില് ഹൈക്കമാന്ഡ് നിര്ദേശത്തിന്റെ അടിസ്ഥാനത്തില് പരസ്യ പ്രചരണം തുടങ്ങി. കേരളത്തില് ചില മണ്ഡലങ്ങളിലെ കോണ്ഗ്രസ് സ്ഥാനാര്ഥികളുടെ കാര്യത്തില് അന്തിമ ധാരണ ഇനിയും വന്നിട്ടില്ല. പക്ഷേ മറുപക്ഷത്ത് എതിരാളികള് സ്ഥാനാര്ഥി പ്രഖ്യാപനവും കഴിഞ്ഞ് മണ്ഡല പര്യടനവും തുടങ്ങി. ഈ സാഹചര്യത്തിലാണ് കെ.പി.സി.സി നേതൃത്വവുമായി കൂടിയാലോചിച്ച് നേതാക്കള്ക്കിടയില് ധാരണ രൂപപ്പെട്ട മണ്ഡലങ്ങളില് പ്രഖ്യാപനത്തിന് കാത്ത് നില്ക്കാതെ പരസ്യ പ്രചരണം തുടങ്ങാനുള്ള […]
“വടകരയില് രമ യു.ഡി.എഫ് സ്ഥാനാര്ഥിയാകണം; കെ.എം ഷാജി
വടകരയില് കെ.കെ രമ യു.ഡി.എഫ് സ്ഥാനാര്ഥിയാകണമെന്ന് ആഗ്രഹിക്കുന്നുവെന്ന് മുസ്ലിം ലീഗ് നേതാവ് കെ.എം ഷാജി. രാഷ്ട്രീയ കൊലപാതകങ്ങൾ കേരളമൊട്ടാകെ ഈ തെരഞ്ഞെടുപ്പിൽ പ്രതിഫലിക്കുമ്പോൾ അതിന്റെ ഏറ്റവും വലിയ ജീവിക്കുന്ന ഇരയായ കെ.കെ രമയെക്കാൾ രക്തക്കൊതിയന്മാരെ വിറളിപിടിപ്പിക്കാൻ മറ്റാർക്ക് കഴിയും? ഇരയും വേട്ടക്കാരനും തമ്മിലുള്ള ജനാധിപത്യ പോർക്കളത്തിന് അരങ്ങൊരുങ്ങട്ടെ എന്നാഗ്രഹിക്കുന്നു. തീരുമാനം കോൺഗ്രസ്സിന്റേതാണ്. കാത്തിരിക്കുന്നുവെന്ന് ഷാജി ഫേസ്ബുക്ക് പോസ്റ്റില് വ്യക്തമാക്കി.
അനധികൃത സ്വത്ത് സമ്പാദന കേസ്: കെ.ബാബുവിന്റെ ഹരജി തള്ളി
അനധികൃത സ്വത്ത് സമ്പാദന കേസില് നിന്ന് ഒഴിവാക്കണമെന്ന മുന് മന്ത്രി കെ.ബാബുവിന്റെ ഹരജി മൂവാറ്റുപുഴ വിജിലന്സ് കോടതി തള്ളി. ടി.എയും ഡി.എയും ഉള്പ്പടെയുള്ള വരുമാനം വിജിലന്സ് കണക്കാക്കിയിട്ടില്ലെന്ന് ബാബുവിന്റെ അഭിഭാഷകന് വാദിച്ചു. എന്നാല് ഇക്കാര്യം തെളിവുകള് പരിശോധിച്ച ശേഷം മാത്രമേ പരിഗണിക്കാന് കഴിയൂ എന്ന് കോടതി വ്യക്തമാക്കി. വിജിലന്സ് കോടതി നടപടിക്കെതിരെ ബാബു ഹൈക്കോടതിയെ സമീപിക്കും. കെ.ബാബു വരവില് കവിഞ്ഞ് 25 ലക്ഷം രൂപ സമ്പാദിച്ചെന്നായിരുന്നു വിജിലന്സിന്റെ കുറ്റപത്രം. എന്നാല് യാത്രാചെലവായി ലഭിച്ച 40 ലക്ഷം രൂപ […]
കേരള കോണ്ഗ്രസ് വിട്ട് മുന്നണിയില് തുടരുമെന്ന സൂചന നല്കി പി.ജെ ജോസഫ്
കേരള കോണ്ഗ്രസ് വിട്ട് മുന്നണിയില് തുടരുമെന്ന സൂചന നല്കി പി.ജെ ജോസഫ്. ജോസഫ് ഗ്രൂപ്പ് പുനരുജ്ജീപ്പിക്കേണ്ടി വന്നാല് പിന്തുണ നല്കണമെന്ന് പി.ജെ ജോസഫ് കോണ്ഗ്രസ് നേതാക്കളുമായുള്ള കൂടിക്കാഴ്ചയില് ആവശ്യപ്പെട്ടു. അങ്ങനെ വന്നാല് ഉണ്ടാകുന്ന കൂറുമാറ്റ കുരുക്ക് ഒഴിവാക്കാന് കോണ്ഗ്രസ് കെ.എം മാണിയില് സമ്മര്ദം ചെലുത്തണമെന്ന് പി.ജെ. ജോസഫ് ആവശ്യപ്പെട്ടു. മാണി എല്.ഡി.എഫിലേക്ക് പോകുന്നത് തടഞ്ഞതിലുള്ള പ്രതിഷേധ നടപടിയായാണ് കോട്ടയം സീറ്റ് നിഷേധിച്ചതെന്ന് ജോസഫ് കോണ്ഗ്രസ് നേതാക്കളെ അറിയിച്ചു. കോട്ടയം സീറ്റില് ഉമ്മന്ചാണ്ടി മത്സരിച്ച് ഇടുക്കി സീറ്റ് […]
കെവിന് കേസിലെ കുറ്റപത്രം കോടതി സ്വീകരിച്ചു
കെവിൻ കേസിൽ പ്രോസിക്യൂഷന് സമര്പ്പിച്ച കുറ്റപത്രം കോട്ടയംഅഡീഷണല് സെഷന്സ് കോടതി അംഗീകരിച്ചു. കൊലക്കുറ്റം ഗൂഡാലോചന അടക്കമുളള പത്ത് വകുപ്പുകൾ ചുമത്തിയ കേസിൽ ആകെ 14 പ്രതികളാണുള്ളത്. നരഹത്യ ഒഴിവാക്കണമെന്ന പ്രതിഭാഗത്തിന്റെ ആവശ്യം കോടതി തള്ളി. പ്രതിഭാഗത്തിന്റെയും വാദിഭാഗത്തിന്റെയും വിശദമായ വാദം കേട്ടതിന് ശേഷമാണ് കോട്ടയം അഡീഷണല് സെഷന്സ് കോടതി നാല് പൊലീസ് സമര്പ്പിച്ച കുറ്റപത്രം അംഗീകരിച്ചത്. കൊലപാതകം ഗൂഡാലോചന തട്ടിക്കൊണ്ട് പോയി തടങ്കലില് വയ്ക്കല്,ഭവനഭേദനം എന്നിങ്ങനെ പത്ത് വകുപ്പുകളാണ് ചുമത്തിയത്. വിചാരണയ്ക്ക് മുന്പ് കൊലപാതകം, നരഹത്യ എന്നീ […]
കരമനയില് നിന്ന് ഇന്നലെ തട്ടിക്കൊണ്ടുപോയ യുവാവിന്റെ മൃതദേഹം കണ്ടെത്തി
തിരുവനന്തപുരം കരമനയില് നിന്ന് ഇന്നലെ തട്ടിക്കൊണ്ടുപോയ യുവാവിന്റെ മൃതദേഹം കണ്ടെത്തി. കരമന സ്വദേശി അനന്ദു ഗിരീഷാണ് മരിച്ചത്. സംഭവത്തില് നാല് പേര് പൊലീസ് കസ്റ്റഡിയിലാണ്.കൊഞ്ചിറവിള സ്വദേശികളായ ബാലു, ശരത്ത്, ബനീഷ് ,ഷിബു, റോഷന്, സുമേഷ് എന്നിവരാണ് തട്ടിക്കൊണ്ടുപോയതെന്ന് പൊലീസ് പറഞ്ഞു. കൊഞ്ചിറവിള ക്ഷേത്രത്തിലെ ഉത്സവത്തിനിടെയുണ്ടായ സംഘര്ഷമാണ് തട്ടിക്കൊണ്ടുപോകലിന് കാരണമായതെന്നും പൊലീസ് പറഞ്ഞു.











