സ്വിറ്റസർലണ്ടിലെ സിറോ മലബാർ കമ്മ്യൂണിറ്റി കൂട്ടായ്മയുടെ സമ്മേളനമായ ഐൻസീഡൽ തീർത്ഥാടനം മെയ് മുപ്പതിന് ,ഒരുക്കങ്ങളെല്ലാം പൂർത്തിയായി . ആത്മീയ സമ്മേളനത്തിന് നേതൃത്വമേകാൻ എത്തിച്ചേർന്ന തട്ടിൽ പിതാവിന് ഹൃദ്യമായ സ്വീകരണമേകി .പ്രോഗ്രാമിന്റെയും ആദ്യമായി നടത്തുന്ന പ്രേദക്ഷിണത്തിന്റെയും ക്രെമീകരണങ്ങൾ..

ഐന്‍സീഡല്‍ മരിയന്‍ തീര്‍ത്ഥാടന കേന്ദ്രത്തിലേക്കുള്ള വാര്‍ഷിക തീര്‍ത്ഥാടനം മെയ് 30 – ന് നടക്കും. ഈ ആത്മീയ സംഗമത്തിന് സീറോ മലബാര്‍ സഭയുടെ അധ്യക്ഷന്‍ മേജര്‍ ആര്‍ച്ചുബിഷപ് മാര്‍ റാഫേല്‍ തട്ടില്‍ പങ്കെടുക്കും .

സ്വിറ്റ്സർലൻഡിലെ ഏറ്റവും പ്രശസ്തമായ മരിയൻ തീർത്ഥാടന കേന്ദ്രമാണ് ഐൻസീഡൽ (Einsiedeln Abbey). സൂറിച്ചിൽ നിന്ന് ഏകദേശം 40 മിനിറ്റ് മാത്രം യാത്രാദൂരത്തിൽ സ്ഥിതി ചെയ്യുന്ന ഈ ബെനഡിക്ടിൻ ആശ്രമം, നൂറ്റാണ്ടുകളായി ക്രൈസ്തവ വിശ്വാസികളുടെ പ്രധാന പ്രാർത്ഥനാ കേന്ദ്രമാണിത് .എല്ലാവർഷവും സൂറിച്ചിൽ നിന്നും സീറോ മലബാർ കമ്മ്യൂണിറ്റി തീർത്ഥാടനം നടത്തിവരുന്നു .

ഈ വര്ഷം മെയ് 30 നു ദേവാലയത്തിലെ ആഘോഷമായ വിശുദ്ധ കുര്‍ബാനയ്ക്ക് മേജര്‍ ആര്‍ച്ചുബിഷപ് മാര്‍ റാഫേല്‍ തട്ടില്‍ മുഖ്യകാര്‍മ്മികത്വം വഹിക്കും. യൂറോപ്പിലെ അപ്പോസ്‌തോലിക് വിസിറ്റേറ്റര്‍ ബിഷപ് മാര്‍ സ്റ്റീഫന്‍ ചിറപ്പണത്ത് സഹകാര്‍മ്മികനാകും. സ്വിറ്റ്സര്‍ലന്‍ഡിന്റെ വിവിധ ഭാഗങ്ങളില്‍ നിന്നുള്ള നൂറുകണക്കിന് വിശ്വാസികള്‍ക്കൊപ്പം പ്രാദേശിക മിഷനുകളിലെ വൈദികരും സന്യാസിനികളും ഈ ആത്മീയ സംഗമത്തില്‍ പങ്കെടുക്കും.

വിശുദ്ധ കുർബാനയുടെ സമാപനത്തിൽ ആദ്യമായി പള്ളിക്ക് പുറത്തുകൂടി ഒരു പ്രദക്ഷിണം ഉണ്ടായിരിക്കും . പൊതു പ്രോഗ്രാമിൻ്റെയും പ്രദീക്ഷണത്തിൻ്റെയും ക്രമീകരണം ഇപ്രകാരമാണ്_

മെയ് 30. ശനിയാഴ്ച:
1.00 pm: ജപമാല, ആരാധന.
1.30 pm: ദിവ്യ ബലി.
3.30 pm: പ്രദക്ഷിണം.

വിശുദ്ധ കുർബാനയ്ക്ക് ശേഷം മാതാവിൻ്റെ കപ്പേളക്കു മുന്നിൽ ഒരുമിച്ചുകൂടി എത്രയും ദയയുള്ള മാതാവേ എന്ന ഗാനമാലപിച്ചതിനുശേഷം പ്രധാന കവാടത്തിലൂടെ പുറത്തേക്ക് കടക്കുന്നു. മുന്നിൽ സ്വർണക്കുരിശ്. രണ്ട് തിരികളുടെ അകമ്പടിയോടെ. ശേഷം രണ്ടു ലൈനായി ആദ്യ കുർബാന സ്വീകരിച്ച കുട്ടികൾ, CML അംഗങ്ങൾ, യുവജനങ്ങൾ, യൂണിഫോം ധരിച്ച അമ്മമാർ, അവർക്ക് പിന്നിൽ സമൂഹം, മാതാവിൻ്റെ രൂപം, വൈദീകർ, തിരികളുടെയും മേൽക്കട്ടിയുടെയും അകമ്പടിയോടെ സഭാതലവൻ റഫേൽ തട്ടിൽ പിതാവും മറ്റു പിതാക്കന്മാരും.

പ്രദക്ഷിണം പ്രധാന കവാടത്തിലൂടെ പുറത്തേക്ക് കടന്നു Kloster Platz വലതുവശത്തുകൂടി, താഴെയുള്ള മാതാവിൻ്റെ ഗ്രോട്ടോയ്ക്ക് മുന്നിൽകൂടി വലo വെച്ചു ഒരു റൗണ്ട് പൂർത്തിയാക്കിയതിന് ശേഷം നടുവിലുളള സ്ഥലത്ത് സമ്മേളിക്കുന്നു. മാതാവിൻ്റെ ലുത്തിനിയ പ്രദിക്ഷണ സമയത്ത് എല്ലാവരും ചേർന്നു ആലപിക്കുന്നു. സമാപനത്തിൽ Segne du Maria പാടിയതിനു ശേഷം വലിയ പിതാവ് നൽകുന്ന സമാപനാശിർവാദം.

തുടർന്ന് ഗ്രൂപ്പ് ഫോട്ടോ. Youth Tableu, youth song. Grand Awake flyer release. Refreshment.

സമാപനം.
………………………………
ഈ തീർഥാടനത്തിൽ പങ്കെടുത്തു, കൂട്ടായ്മയും ആത്മീയ ഉണർവും പരിശുദ്ധ മാതാവിൻ്റെ പ്രത്യേക അനുഗ്രഹങ്ങളും പ്രാപിക്കാനുമുള്ള ഈ സുവർണാവസരം പ്രയോജനപ്പെടുത്താൻ നമ്മുടെ സ്വിസ് സമൂഹത്തിലുള്ള ഓരോരുത്തരെയും വളരെ പ്രത്യേകമായി സ്വാഗതം ചെയ്യുന്നു.