സ്വിറ്റസർലണ്ടിലെ പ്രമുഖ കലാസാംസ്കാരിക സംഘടനയായ കേളി നടത്തുന്ന കലയുടെ മാമാങ്കമായ കേളി കലാമേള ജൂൺ ഏഴ് ,എട്ട് , തീയതികളിൽ സൂറിച്ചിൽ വെച്ച് നടക്കുന്നു … .ഇന്ത്യൻ അനുഷ്ടാന കലകളെ രണ്ടാം തലമുറക്ക് പകർന്നു കൊടുക്കുന്ന മഹത്തായ ധർമ്മമാണ് കേളി വര്ഷങ്ങളായി ചെയ്യുന്നത് .
ഇന്ത്യക്ക് പുറത്തുനടക്കുന്ന ഏറ്റവും വലിയ യുവജനോൽസവമായ ഈ കലാമാമാങ്കത്തിൽ ലോകത്തിലെ വിവിധ രാജ്യങ്ങളിൽ നിന്നുള്ള മത്സരാർഥികൾ പങ്കെടുക്കുന്നു .മികച്ച സംഘാടന പാടവത്തോടെ കലാമേള ഒരു വൻ വിജയമാക്കിതീർക്കുവാൻ വിവിധ കമ്മിറ്റികൾ രൂപീകരിച്ച് പ്രവർത്തനം നടത്തുന്നു ..
സ്വിറ്റ്സർലൻഡിലെ ഇന്ത്യൻ എംബസിയുടെയും സുര്യ ഇന്ത്യയുടെയും സഹകരണത്തോടെ നടത്തപെടുന്ന ഈ കലാമേള പ്രവാസി മലയാളികൾക്കെന്നും ഉത്സവലഹരി പകരുന്നു . കലാമേളയിൽ ലോകത്തിന്റെ വിവിധ ഭാഗങ്ങളിൽ നിന്നായി നൂറുകണക്കിന് കലാസ്നേഹികൾ പങ്കെടുക്കുന്നു..സൂറിച്ച് സ്വിറ്റ്സർലൻഡിൽ Gemeindesaal Blatten, Blattenweg 12 , 8634 Hombrechtikon ൽ മത്സരങ്ങൾക്ക് തിരശീല ഉയരും.
എല്ലാ ഇനങ്ങളിലെയും ഒന്നും രണ്ടും മൂന്നും സ്ഥാനക്കാർക്ക് സർട്ടിഫിക്കറ്റുകളും ട്രോഫികളും നൽകുന്നതാണ്. അതിനുപുറമെ, സൂര്യ ഇന്ത്യ കലാതിലകം അല്ലെങ്കിൽ കലാപ്രതിഭ ട്രോഫി പോലുള്ള പ്രത്യേക അവാർഡുകളും മികച്ച പ്രകടനം കാഴ്ചവയ്ക്കുന്ന കലാകാരന് ഫാദർ ആബേൽ മെമ്മോറിയൽ ട്രോഫിയും സർട്ടിഫിക്കറ്റും ലഭിക്കും.
നൃത്തേതര ഇനങ്ങളിലെ ഓവറോൾ ചാമ്പ്യനുള്ള ആബേൽ മെമ്മോറിയൽ ട്രോഫിയും സർട്ടിഫിക്കറ്റും, നൃത്ത ഇനങ്ങളിലെ ഓവറോൾ ചാമ്പ്യനുള്ള കേളി കലാരത്‌ന ട്രോഫിയും സർട്ടിഫിക്കറ്റും, മാധ്യമ പരിപാടികൾക്കുള്ള ജനപ്രിയ അവാർഡുകൾ (ഫോട്ടോഗ്രാഫി, ഷോർട്ട് ഫിലിം, ഓപ്പൺ പെയിന്റിംഗ്), മികച്ച പ്രകടനം കാഴ്ചവച്ച കുട്ടിക്ക് ബാലപ്രതിഭ, മികച്ച പ്രകടനം കാഴ്ചവച്ച സബ് ജൂനിയറിന് ബാലതാരം, മികച്ച പ്രകടനം കാഴ്ചവച്ച ജൂനിയറിന് യുവപ്രതിഭ, മികച്ച പ്രകടനം കാഴ്ചവച്ച സീനിയർമാർക്ക് യുവതാരം എന്നിവ യഥാക്രമം ലഭിക്കുന്നതാണ്.
ഇത്തവണത്തെ ഈസ്റ്റർ ദിനങ്ങൾ സ്കൂൾ അവധിയോടു ഒന്നിച്ചു വന്നതിനാൽ ഒത്തിരി കുടുംബങ്ങൾ അവധിക്കാലഘോഷങ്ങൾക്കായി യാത്രയിൽ ആണ് . പലരുടെയും അഭ്യർത്ഥനകൾ മാനിച്ചുകൊണ്ട് 20-) മത് കേളി കലോത്സവത്തിന്റെ രെജിസ്ട്രേഷൻ മെയ് 12 വരെ നീട്ടിയിരിക്കുന്നതായി എക്സിക്യൂട്ടീവ് അംഗങ്ങൾ അറിയിക്കുകയുണ്ടായി . കേളി പ്രസിഡന്റ് ദീപയും എക്സിക്യൂട്ടീവ് അംഗങ്ങളും കലാമേള കൺവീനർമാരായ പയസ് പാലാത്രക്കടവിലും & ബിബു ചേലക്കലും ഇതുവരെയുള്ള എല്ലാ സഹകരണങ്ങൾക്കു നന്ദിയും, ഇനി വരാൻ പോകുന്ന കലാമേളയ്ക്കും എല്ലാവരുടെയും പിന്തുണയും അഭ്യർത്ഥിച്ചു .
എക്സിക്യൂട്ടീവ് കമ്മിറ്റിക്കും കേളി കലാമേള കമ്മിറ്റിക്കു വേണ്ടിയും PRO സുബി ഉള്ളാട്ടിൽ
