ആലുവ എയര്പോര്ട്ട് റോഡില് വിരണ്ടോടിയ പോത്ത് പരിഭ്രാന്തി സൃഷ്ടിച്ചു. റോഡിലൂടെ സ്കൂട്ടറില് പോകുകയായിരുന്ന ആളെ വണ്ടിയില് നിന്ന് പോത്ത് ഇടിച്ചിട്ടു. താഴെ വീണ ഇദ്ദേഹത്തെ പോത്ത് ആക്രമിക്കാന് ശ്രമിക്കുന്നതിന്റേയും നാട്ടുകാര് പോത്തിനെ ഓടിക്കാന് ശ്രമിക്കുന്നതിന്റേയും ദൃശ്യങ്ങളും പുറത്തെത്തിയിട്ടുണ്ട്.പോത്തിനെ പിടിച്ചുകെട്ടാന് ശ്രമിച്ച ആളുകളേയും പോത്ത് ആക്രമിക്കാന് ശ്രമിച്ചു. സമീപത്തുകൂടി വാഹനങ്ങളിലും കാല്നടയായും സഞ്ചരിച്ചിരുന്ന ആളുകള്ക്ക് നേരെ പോത്ത് പാഞ്ഞടുത്തു. കുറച്ച് സമയം ആളുകളില് സംഭ്രമം പരത്തിയ ശേഷമാണ് ഒടുവില് പോത്ത് കീഴടങ്ങിയത്. ഇപ്പോള് സ്ഥിതിഗതികള് ശാന്തമായി.ക്രിസ്മസ്- പുതുവത്സര ആഘോഷങ്ങളുടെ ഭാഗമായി ഇറച്ചി ആവശ്യത്തിനെത്തിച്ച പോത്താണ് രക്ഷപ്പെട്ട് റോഡിലൂടെ വിരണ്ടോടിയത്. റോഡിന് നടുക്ക് പോത്ത് നിലയുറപ്പിക്കുകയും ഇരുചക്ര വാഹനയാത്രികനെ ആക്രമിക്കുകയുമായിരുന്നു. പോത്ത് പരിഭ്രാന്തി പരത്തിയതോടെ അല്പനേരം റോഡില് ഗതാഗതതടസ്സവുമുണ്ടായി.
Related News
കിഫ്ബിയിൽ ആദായനികുതി വകുപ്പിന്റെ പരിശോധന, പരിശോധനയിൽ അസ്വാഭാവികതയില്ലെന്ന് കിഫ്ബി
കിഫ്ബിയിൽ ആദായനികുതി വകുപ്പ് പരിശോധന നടത്തുന്നു. കരാറുകാരുടെ വിവരങ്ങളാണ് ആദായനികുതി വകുപ്പ് ശേഖരിക്കുന്നത്. കരാറുകാരുടെ നികുതി അടവുമായി ബന്ധപ്പെട്ടാണ് പരിശോധന. പരിശോധനയിൽ അസ്വാഭാവികത ഇല്ലെന്ന് കിഫ്ബി അധികൃതർ പറഞ്ഞു. കിഫ്ബി നിലവിൽ വന്ന ശേഷമുള്ള പണമിടുപാടുകളും രേഖകളുമാണ് ആദായ നികുതി സംഘം പരിശോധിച്ചതെന്ന് കിഫ്ബി അക്കൗണ്ട്സ് ആൻഡ് അഡ്മിനിസ്ട്രേറ്റീവ് വിഭാഗം ഓഫീസർ ചന്ദ്രബാബു പറഞ്ഞു.
ഉത്തരവ് നേരത്തെ ഇറക്കും; ശമ്പള പരിഷ്കരണം ഏപ്രിൽ മുതല് നിലവിൽ വരുമെന്നും ധനമന്ത്രി
ശമ്പള പരിഷ്കരണ ഉത്തരവ് നേരത്തെ ഇറക്കുമെന്ന് ധനമന്ത്രി തോമസ് ഐസക്. തെരഞ്ഞെടുപ്പ് പെരുമാറ്റച്ചട്ടം നിലവിൽ വന്നാൽ ഉത്തരവിറക്കാൻ കഴിയാത്തിനാലാണ് നേരത്തേ ഉത്തരവ് ഇറക്കുന്നത്. ഏപ്രിൽ മുതലായിരിക്കും ശമ്പള പരിഷ്കരണം നിലവിൽ വരിക. ബജറ്റിന്റെ മറുപടി പ്രസംഗത്തിൽ 498 കോടിയുടെ പുതിയ പദ്ധതികളും ധനമന്ത്രി പ്രഖ്യാപിച്ചു. ശമ്പള പരിഷ്കരണം ഏപ്രില് ഒന്നുമുതല് നടപ്പില് വരുത്താനുള്ള നടപടിക്രമങ്ങളാണ് സര്ക്കാരിന്റെ ഭാഗത്തുനിന്നുള്ളത്. ശമ്പളപരിഷ്കരണം ബജറ്റില് പ്രഖ്യാപിച്ചതിന് പിന്നാലെ പ്രതിപക്ഷം വന് വിമര്ശനമാണ് ഉയര്ത്തിയിരുന്നത്. തെരഞ്ഞെടുപ്പ് പ്രഖ്യാപനം വന്നാല് ഈ ഉത്തരവ് ഇറക്കാന് […]
പ്രതിവർഷം അഞ്ച് ലക്ഷം പേർക്ക് തൊഴിൽ; വൻ വാഗ്ദാനങ്ങളുമായി പശ്ചിമ ബംഗാളിൽ തൃണമൂൽ കോൺഗ്രസിൻറെ പ്രകടനപത്രിക
പ്രതിവർഷം അഞ്ച് ലക്ഷം തൊഴിൽ ഉൾപ്പെടെ വൻ വാഗ്ദാനങ്ങളുമായി പശ്ചിമ ബംഗാളിൽ തൃണമൂൽ കോൺഗ്രസിൻറെ പ്രകടനപത്രിക. തന്റെ ജീവിതം മുഴുവൻ ബംഗാളിലെ വികസനത്തിനുവേണ്ടി ഉഴിഞ്ഞു വച്ചതെന്നും മമത ബാനർജി പറഞ്ഞു. പ്രധാനമന്ത്രി നരേന്ദ്രമോദി നാളെ ബംഗാളിൽ നടക്കുന്ന തെരഞ്ഞെടുപ്പ് റാലിയിൽ പങ്കെടുക്കും. മാ, മതി, മനുഷ് എന്നിവക്ക് നന്ദി അർപ്പിച്ചു കൊണ്ടാണ് മുഖ്യമന്ത്രി മമതാ ബാനർജി നിർണ്ണായക തെരഞ്ഞെടുപ്പിൽ പാർട്ടിയുടെ പ്രകടന പത്രിക പുറത്തിക്കിയത്. സ്ത്രികൾ, കർഷകർ, വിദ്യാർത്ഥികൾ എന്നിവർക്കാണ് പ്രകടനപത്രികയിലെ പ്രധാന പരിഗണന. പ്രതിവർഷം 5 […]