പാലയിൽ നവകേരള യാത്രയുടെ ഫ്ലക്സ് ബോർഡിൽ കരിഓയിൽ ഒഴിച്ച കേസിൽ ഒരാൾ പിടിയിൽ. ഇന്നലെ രാവിലെയാണ് സംഭവം. പാലാ പ്രവിത്താനം സ്വദേശി ജയിംസ് പാമ്പയ്ക്കൽ ആണ് പൊലീസ് കസ്റ്റഡിയിലായത്. കരി ഓയില് ഒഴിക്കുന്നതിന്റെ സിസിടിവി ദൃശ്യങ്ങള് ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതിയെ പിടികൂടിയത്.നവകേരള സദസിന് വേദിയൊരുങ്ങുന്ന മുന്സിപ്പല് സ്റ്റേഡിയത്തിനു മുന്നിലെ റിവര് വ്യൂ റോഡില് സ്ഥാപിച്ചിരുന്ന ഫ്ലക്സ് ബോര്ഡിലാണ് കരി ഓയില് പ്രയോഗം. നേരത്തെ ഇവിടെ സ്ഥാപിച്ചിരുന്ന ഫ്ളക്സ് ബോര്ഡുകള് നശിപ്പിക്കപ്പെട്ടിരുന്നു. ഇതേ തുടര്ന്ന് സിപിഎം പൊലീസില് പരാതിയും നല്കി. ഇതിനു പിന്നാലെയാണ് മുഖ്യമന്ത്രിയുടെ ചിത്രം പതിച്ച ബോര്ഡുകളില് കരിഓയില് ഒഴിച്ചത്.ഇക്കഴിഞ്ഞ മാർച്ചിൽ സിപിഐഎം സംസ്ഥാന സെക്രട്ടറി എം വി ഗോവിന്ദൻ നയിച്ച ജനകീയ പ്രതിരോധ ജാഥയുടെ പാലാ കൊട്ടാരമറ്റം ബസ് ടെർമിനലിലെ സ്വീകരണ വേദി തകർക്കുമെന്ന് ബോംബ് ഭീഷണി മുഴക്കി കത്തെഴുതിയതിനും ഇയാളെ പൊലീസ് അറസ്റ്റ് ചെയ്തിരുന്നു.
Related News
സമരമുഖമായി സെക്രട്ടറിയേറ്റ്; ഉദ്യോഗാർഥികളുടെ സമരം ഇന്നും തുടരും
സർക്കാർ നിയമനം ആവശ്യപ്പെട്ട് ഉദ്യോഗാർഥികളുടെ സമരം സെക്രട്ടറിയേറ്റിന് മുന്നിൽ ഇന്നും തുടരും. എൽ.ജി.എസ്, സിവിൽ പൊലീസ് ഓഫീസർ റാങ്ക് ലിസ്റ്റിൽ ഉൾപ്പെട്ടവരാണ് ഇന്നും സമരം നടത്തുക. ഉദ്യോഗാർഥികൾ ആത്മഹത്യാ ഭീഷണി ഉൾപ്പടെ ഉയർത്തിയ സാഹചര്യത്തിൽ സെക്രട്ടറിയേറ്റ് പരിസരത്ത് പൊലീസ് വിന്യാസവും കൂട്ടിയിട്ടുണ്ട്. സർക്കാരിൽ നിന്ന് നീതി ലഭിച്ച ശേഷമെ സമരം അവസാനിപ്പിക്കുകയുള്ളൂവെന്ന നിലപാടിലാണ് ഉദ്യോഗാർഥികൾ. ഈ സർക്കാരിന്റെ അവസാന കാലത്ത് തങ്ങൾക്ക് അനുകൂല തീരുമാനവും റാങ്ക് ഹോൾഡേഴ്സ് അസോസിയേഷൻ പ്രതീക്ഷിക്കുന്നുണ്ട്. പല റാങ്ക് ലിസ്റ്റുകളുടെയും കാലാവധി സർക്കാർ […]
കലാ-സാഹിത്യ സൃഷ്ടികളുടെ പ്രസിദ്ധീകരണത്തിന് മുൻകൂർ അനുമതി; വിവാദ സർക്കുലർ പിൻവലിച്ചു
കലാ-സാഹിത്യ സൃഷ്ടികൾ പ്രസിദ്ധീകരിക്കും മുമ്പ് വിദ്യാഭ്യാസ ഉപഡയറക്ടറുടെ മുൻകൂർ അനുമതി വാങ്ങണമെന്ന വിവാദ ഉത്തരവ് വിദ്യാഭ്യാസ വകുപ്പ് പിൻവലിച്ചു. പൊതു വിദ്യാഭ്യാസ സെക്രട്ടറിയുടേതാണ് നടപടി. വിദ്യാഭ്യാസ വകുപ്പിന്റെ വിവാദ ഉത്തരവ് പുറത്ത് വന്നതോടെ സെൻസറിംഗിനാണ് സർക്കാർ ശ്രമമെന്ന് കലാ-സാംസ്ക്കാരിക പ്രവർത്തകർ വിമർശനം ഉയർത്തിയിരുന്നു. സർക്കാർ ഉദ്യോഗസ്ഥർക്കും അധ്യാപകർക്കും കലാ, സാംസ്കാരിക രംഗങ്ങളിൽ പ്രവർത്തിക്കുന്നതിന് മുൻകൂർ അനുമതി വേണമെന്നും അതിനായുള്ള അപേക്ഷകൾ പൊതുവിദ്യാഭ്യാസ സെക്രട്ടറിക്ക് സമർപ്പിക്കണം. ഓരോ സൃഷ്ടികളും പ്രസിദ്ധീകരിക്കുന്നതിന് മുമ്പ് പൊതുവിദ്യാഭ്യാസ ഡയറക്ടർക്ക് അപേക്ഷ നൽകണം. അപേക്ഷക്കൊപ്പം […]
പ്രളയത്തെ അതിജീവിച്ച വിജയം ; എസ്.എസ്.എല്.സി വിജയ ശതമാനത്തിൽ പത്തനംതിട്ട മുന്നില്
പ്രളയം തകർത്ത പത്തനംതിട്ട ജില്ലയാണ് ഇത്തവണ എസ് എസ് എൽ സി വിജയ ശതമാനത്തിൽ മുന്നിൽ. 99.33 ശതമാനം വിദ്യാര്ത്ഥികള് ജില്ലയില് നിന്നും ഉപരിപഠനത്തിന് യോഗ്യത നേടി. ചിട്ടയായ പ്രവർത്തനത്തിലൂടെയാണ് ജില്ല ഈ നേട്ടം നേടിയത്. നാടിനെ നടുക്കിയ പ്രളയത്തിൽ രണ്ടാഴ്ച്ച കാലത്തോളമാണ് പത്തനംതിട്ട ജില്ലയിലെ സ്കുളുകൾ അടഞ്ഞുകിടന്നത്. പല സ്കുളുകളും ദുരിതാശ്വാസ ക്യാമ്പുകളായി. ഇതിനെയെല്ലാം അതീജീവിച്ചാണ് കുട്ടികൾ അഭിമാന നേട്ടം കൊയ്തത്. 10852 വിദ്യാര്ത്ഥികളാണ് ജില്ലയില് നിന്നും എസ്.എസ്.എല്.സി പരീക്ഷ എഴുതിയത്. ഇതില് 10780 പേര് […]