നടിയെ ആക്രമിച്ച കേസില് അതിജീവിതയ്ക്കും ദിലീപിനും ഇന്ന് നിര്ണായകം. മെമ്മറി കാര്ഡിലെ ഹാഷ് വാല്യു മാറിയതില് അന്വേഷണം ആവശ്യപ്പെട്ടുള്ള ഹര്ജിയില് ഹൈക്കോടതി ഇന്ന് വിധി പറയും. അന്വേഷണം കോടതി മേല്നോട്ടത്തില് വേണമെന്ന് അതിജീവിത ആവശ്യപ്പെട്ടിട്ടുണ്ട്.കേസുമായി ബന്ധപ്പെട്ട നിര്ണായക ദൃശ്യങ്ങള് ഉള്പ്പെട്ട മെമ്മറി കാര്ഡിന്റെ ഹാഷ് വാല്യൂ വിചാരണ കോടതിയുടെ കസ്റ്റഡിയിലിരിക്കെ മാറിയെന്ന ഫോറന്സിക് റിപ്പോര്ട്ടിന് പിന്നാലെയാണ് ഇതില് അന്വേഷണം ആവശ്യപ്പെട്ട് അതിജീവിത ഹൈക്കോടതിയെ സമീപിച്ചിരുന്നത്. കഴിഞ്ഞ വര്ഷം നല്കിയ ഹര്ജിയിലാണ് ഇന്ന് വിധിയുണ്ടാകുക. ജസ്റ്റിസ് കെ ബാബുവിന്റെ ബെഞ്ചാണ് വിധി പറയുക.മെമ്മറി കാര്ഡ് പരിശോധിച്ചത് ആരാണെന്ന് കണ്ടെത്തണമെന്ന് ഉള്പ്പെടെ ഹര്ജിയിലൂടെ അതിജീവിത ആവശ്യപ്പെട്ടിരുന്നു. മെമ്മറി കാര്ഡിലുള്ള സ്വകാര്യ ദൃശ്യങ്ങള് പുറത്തുവരുമോ എന്ന ആശങ്ക തനിക്കുണ്ടെന്നും അതിനാലാണ് ഇക്കാര്യത്തില് അന്വേഷണം വേണമെന്ന് ആവശ്യപ്പെടുന്നതെന്നും അതിജീവിത വ്യക്തമാക്കിയിരുന്നു. മെമ്മറി കാര്ഡിലെ ദൃശ്യങ്ങള് സുരക്ഷിതമാണെന്ന് ഉറപ്പുവരുത്തണമെന്ന് സര്ക്കാരും കോടതിയെ അറിയിച്ചിരുന്നു. എന്നാല് വിചാരണ നീട്ടിക്കൊണ്ടുപോകാനാണ് നടിയുടെ ശ്രമമെന്നും ഹര്ജി തള്ളണമെന്നുമായിരുന്നു ദിലീപ് കോടതിയോട് ആവശ്യപ്പെട്ടിരുന്നത്.
Related News
നിരപരാധിത്തങ്ങളുടെ ഘോഷയാത്ര തീർത്ത് മഅ്ദനി കേരളത്തിലേക്ക് വരും;സലാഹുദ്ധീൻ അയ്യൂബി
നിരപരാധിത്തങ്ങളുടെ ഘോഷയാത്ര തീർത്ത് മഅ്ദനി കേരളത്തിലേക്ക് ഉടന് വരുമെന്ന് മഅ്ദനിയുടെ മകന് സലാഹുദ്ധീൻ അയ്യൂബി. കൂടെ നിന്നവർക്കും പ്രാർത്ഥിച്ചവർക്കും പ്രയത്നിച്ചവർക്കും നന്ദിയും കടപ്പാടും അറിയിക്കുന്നതായും അയ്യൂബി ഫേസ്ബുക്കില് പങ്കുവെച്ച വിഡിയോയിലൂടെ പറഞ്ഞു. മഅ്ദനിയുടെ അറസ്റ്റും നാടുകടത്തലും എഴുതി തയ്യാറാക്കിയ തിരക്കഥയുടെ ഭാഗമെന്ന് മകൻ സലാഹുദ്ധീൻ അയ്യൂബി പറയുന്നു. ബംഗളൂരു കേസിലും മഅ്ദനി കുറ്റവിമുക്തനായി തിരിച്ചുവരും. പുതിയ കർണാടക സർക്കാർ സഹായകരമായ ഇടപെടൽ നടത്തുമെന്ന് കരുതുന്നു. മഅ്ദനിയെ നാട്ടിലെത്തിക്കേണ്ടത് അത്യാവശ്യമാണ്. ആരോഗ്യനില വഷളായിക്കൊണ്ടിരിക്കുകയാണെന്നും വിഡിയോയിലൂടെ സലാഹുദ്ധീൻ അയ്യൂബി പറഞ്ഞു. […]
ആരോഗ്യമന്ത്രിയുടെ ഓഫീസിന് നേരെ നടന്നത് ഗൂഢാലോചന; പിന്നിൽ ചില വ്യക്തികളും മാധ്യമങ്ങളും; മുഖ്യമന്ത്രി
എൽഡിഎഫിന്റെ കുടുംബയോഗങ്ങൾക്ക് കണ്ണൂരിൽ തുടക്കമായി. മുഖ്യമന്ത്രി പിണറായി വിജയൻ യോഗം ഉദ്ഘാടനം ചെയ്തു. ധർമ്മടം മണ്ഡലത്തിലാണ് ആദ്യ കുടുംബയോഗം നടക്കുന്നത്. ആരോഗ്യമന്ത്രിക്കെതിരെ വ്യാജ പ്രചാരണങ്ങൾ നടത്തുന്നുവെന്ന് മുഖ്യമന്ത്രി പറഞ്ഞു.(Pinarayi Vijayan against attack over veena george) ആരോഗ്യമന്ത്രിയുടെ ഓഫീസിന് നേരെ നടന്നത് ഗൂഢാലോചനായാണ്. ചില വ്യക്തികളും മാധ്യമങ്ങളും വാർത്ത സൃഷ്ടിച്ചുവെന്നും മുഖ്യമന്ത്രി പറഞ്ഞു. പിന്നിലെ സൂത്രധാരനെ കൈയോടെ പിടികൂടി. ഹരിദാസ് ഗൂഢാലോചയുടെ ഭാഗമാണ്. ആരോഗ്യവകുപ്പിന്റേത് മികച്ച പ്രവർത്തനം. കെട്ടിച്ചമയ്ക്കലുകൾ ഇനിയും ഉണ്ടാകും. Read Also: സംസ്ഥാനത്ത് […]
ജനസംഖ്യ രജിസ്റ്ററില് വിവരങ്ങള് നല്കാതെ പ്രതിഷേധിക്കണമെന്ന് അഖിലേഷ് യാദവ്
ജനസംഖ്യ രജിസ്റ്ററില് വിവരങ്ങള് നല്കാതെ പ്രതിഷേധിക്കണമെന്ന് എസ്.പി അധ്യക്ഷന് അഖിലേഷ് യാദവിന്റെ ആഹ്വാനം. ലക്നൌവില് സമാജ് വാദി പാര്ട്ടി പ്രവര്ത്തകരെ അഭിസംബോധന ചെയ്യുമ്പോഴാണ് അഖിലേഷ് യാദവിന്റെ പരാമര്ശം. എന്.പി.ആറും എന്.ആര്.സിയും പാവപ്പെട്ട വര്ക്കും ന്യൂനപക്ഷങ്ങള്ക്കും എതിരാണെന്നും അഖിലേഷ് യാദവ് പറഞ്ഞു. ജനസംഖ്യ രജിസ്റ്റര് തയ്യാറാക്കാനായി ഉദ്യോഗസ്ഥര് വീട്ടിലേക്കെത്തുമ്പോള് തെറ്റായ വിവരം നല്കി പ്രതിഷേധിക്കണമെന്ന എഴുത്തുകാരി അരുന്ധതി റോയിയുടെ വിവാദ പരാമര്ശത്തിന് ശേഷമാണ് അഖിലേഷിന്റെ ആഹ്വാനം. എന്.പി.ആറില് വിവരങ്ങള് നല്കാന് ഞാന് ഉദ്ദേശിച്ചിട്ടില്ല നിങ്ങളും അങ്ങനെ ചെയ്യുമോയെന്ന് പാര്ട്ടി […]