എറണാകുളം നോർത്ത് പറവൂരിൽ ഓടികൊണ്ടിരുന്ന കാറിന് തീ പിടിച്ചു. പറവൂർ ഭാഗത്ത് നിന്നും ആലുവ ഭാഗത്തേയ്ക്ക് പോയ കാറിനാണ് തീപിടിച്ചത്. ഇന്ന് ഉച്ചയ്ക്ക് ആയിരുന്നു സംഭവം. കാറിന്റെ മുൻ വശത്ത് ഷോർട്ട് സർക്യൂട്ട് മൂലമാണ് തീപിടിച്ചത്. ഫയർ ഫോഴ്സ് എത്തി തീ അണയ്ക്കുകയായിരുന്നു. അപകടത്തിൽ ആർക്കും പരുക്കില്ല.
Related News
കാറില് നിന്ന് ഇറങ്ങിയോടിയിട്ടും രക്ഷപ്പെടാനായില്ല; ഇടുക്കിയില് സഞ്ചാരിയെ കാട്ടാന ചവിട്ടിക്കൊന്നു
ഇടുക്കി മറയൂര് ചിന്നാറില് വിനോദസഞ്ചാരിയെ കാട്ടാന ചവിട്ടിക്കൊന്നു. തമിഴ്നാട് പുതുക്കോട്ട സ്വദേശി അക്ബര് അലിയാണ് മരിച്ചത്. രാത്രി 10 മണിയോടെയാണ് സംഭവം നടന്നത്. വനാതിര്ത്തിയിലൂടെ കാറില് സഞ്ചരിക്കുമ്പോള് കാട്ടാനയെ കണ്ടതിനെത്തുടര്ന്ന് അക്ബര് കാറില് നിന്നിറങ്ങി ഓടുകയായിരുന്നു. എന്നാല് ഇതിനിടെ പിന്നാലെയെത്തി ആന ആക്രമിക്കുകയായിരുന്നു. മറയൂരിലേക്ക് വിനോദസഞ്ചാരത്തിനെത്തിയ മൂന്നംഗസംഘത്തില് ഒരാളാണ് അക്ബര് അലി. വനപാലകരും പൊലീസും സംഭവസ്ഥലത്തെത്തിയിട്ടുണ്ട്.
കടുവാ ശല്യം; കുറുക്കന്മൂലയില് സുരക്ഷ ഏര്പ്പെടുത്തി പൊലീസ്; കടുവയെ തെരയാന് കുങ്കിയാനകളെ എത്തിക്കും
കടുവയിറങ്ങിയ വയനാട് കുറുക്കന്മൂലയില് സുരക്ഷ ഏര്പ്പെടുത്തി പൊലീസ്. കുട്ടികള്ക്ക് സ്കൂളില് പോകാന് സംരക്ഷണം ഉറപ്പുവരുത്തുമെന്ന് പൊലീസ് അറിയിച്ചു. വീടുകളില് പാല്, പത്ര വിതരണ സമയത്ത് പൊലീസും വനംവകുപ്പും ജനങ്ങള്ക്ക് സുരക്ഷയൊരുക്കും. രാത്രി സമയത്ത് ജനങ്ങള് പുറത്തിറങ്ങരുതെന്ന് വനംവകുപ്പ് അധികൃതര് നിര്ദേശം നല്കി. കുറുക്കന്മൂലയില് വൈദ്യുതി തടസപ്പെടില്ലെന്ന് ഉറപ്പുവരുത്തണമെന്ന് കെഎസ്ഇബിക്ക് നിര്ദേശമുണ്ട്. പ്രദേശത്ത് കാടുകയറി മൂടിക്കിടക്കുന്ന സ്ഥലങ്ങള് വെട്ടിത്തെളിക്കാന് റവന്യൂവകുപ്പിനും നിര്ദേശം നല്കിയിട്ടുണ്ട്. കടുവയെ തെരയാന് പ്രത്യേക പരിശീലനം നേടിയ കുങ്കിയാനകളെ കുറുക്കന് മൂലയില് എത്തിക്കാനാണ് വനംവകുപ്പിന്റെ ശ്രമം. […]
മിൽമ പാലിന്റെ വില ഉടൻ വർദ്ധിപ്പിച്ചേക്കും
സംസ്ഥാനത്ത് മിൽമ പാലിന്റെ വില ഉടൻ വർദ്ധിപ്പിച്ചേക്കും. വില വർദ്ധനവ് അനിവാര്യമാണെന്ന് കാണിച്ച് മിൽമ ഫെഡറേഷൻ സർക്കാരിനെ സമീപിച്ചു. കാലിത്തീറ്റയടക്കമുള്ളവയുടെ വില വർദ്ധിച്ചത് ചൂണ്ടിക്കാട്ടിയാണ് മില്മ ആവശ്യം ഉന്നയിക്കുന്നത്. അവശ്യസാധനങ്ങളുടെ വില വർദ്ധനവിൽ പൊറുതിമുട്ടുന്നതിനിടെയാണ് മിൽമ പാലിന്റെ വില വർദ്ധിപ്പിക്കാനൊരുങ്ങുന്നത്. കാലിത്തീറ്റ, പിണ്ണാക്ക്, ചോളമടക്കമുള്ളവയുടെ വില ഗണ്യമായി കൂടിയ സാഹചര്യത്തിൽ വില വർദ്ധിപ്പിക്കാതെ മുന്നോട്ടു പോകാനാകില്ലെന്നാണ് മിൽമയുടെ നിലപാട്. വില വർദ്ധിപ്പിക്കുക അല്ലെങ്കിൽ സർക്കാർ ഇൻസെന്റീവ് അനുവദിക്കുകയെന്നത് മാത്രമാണ് പോംവഴിയെന്ന് മിൽമ ചൂണ്ടിക്കാട്ടുന്നു. നിരക്കു വർദ്ധന സംബന്ധിച്ച് […]