കോവിഡ് മാനദണ്ഡം ലംഘിച്ച് മദ്യവിരുന്നു സല്ക്കാരങ്ങള് നടത്തിയതിൽ ബ്രിട്ടീഷ് പ്രധാനമന്ത്രി ബോറിസ് ജോൺസണെതിരെ അന്വേഷണ റിപ്പോർട്ട് . .ലോക്ഡൗൺ കാലത്ത് ചടങ്ങ് നടത്തിയത് വലിയ വീഴ്ചയെന്നാണ് കാബിനറ്റ് സമിതി നടത്തിയ അന്വേഷണ റിപ്പോർട്ടിലുള്ളത്. റിപ്പോർട്ടിന് പിന്നാലെ സംഭവത്തിൽ മാപ്പ് പറഞ്ഞ് ബോറിസ് ജോൺസൺ രംഗത്തെത്തി. സ്യൂ ഗ്രേയുടെ നേതൃത്വത്തിലുള്ള കാബിനറ്റ് സമിതി നടത്തിയ അന്വേഷണത്തിലാണ് ബോറിസ് ജോൺസണെതിരായ ഗുരുതര കണ്ടെത്തലുകൾ. ലോക്ഡൗൺ നിലനിൽക്കെ പ്രധാനമന്ത്രി സത്കാരങ്ങൾ നടത്തിയത് ഗുരുതര വീഴ്ചയാണെന്നാണ് റിപ്പോർട്ടിലുള്ളത്. ഇതോടെ ബ്രിട്ടീഷ് പാർലമെന്റില് ബോറിസ് ജോൺസന്റെ രാജിയാവശ്യം ശക്തമായി.. സ്വന്തം പാർട്ടിയിലെ എം.പിമാരടക്കം രാജിയാവശ്യപ്പെട്ട് രംഗത്തെത്തി. എന്നാൽ രാജിയില്ലെന്ന് ബോറിസ് ജോണ്സൺ ആവര്ത്തിച്ചു. പകരം മാപ്പ് അപേക്ഷിക്കുന്നതായും വിഷയം കൈകാര്യം ചെയ്യുന്നതിൽ തെറ്റ് പറ്റിയെന്നും ബോറിസ് ജോൺസൺ പറഞ്ഞു. രാജി വയ്ക്കാത്ത പ്രധാനമന്ത്രിയുടെ നടപടി നാണം കെട്ടതാണെന്ന് പ്രതിപക്ഷം തുറന്നടിച്ചു. ബോറിസിന്റെ രാജി ആവശ്യപ്പെട്ടുള്ള ജനകീയ പ്രതിഷേധങ്ങളും ശക്തമാണ്. കഴിഞ്ഞ വർഷമാണ് ലോക്ഡൗൺ മാനദണ്ഡങ്ങൾ ലംഘിച്ച് പ്രധാനമന്ത്രിയുടെ ഔദ്യോഗിക വസതിയിലും സർക്കാർ മന്ദിരങ്ങളിലും നിരവധി പേർ പങ്കെടുത്ത 11ലധികം സത്കാര ചടങ്ങളുകൾ നടന്നത്.
Related News
‘കൊവിഡിനെതിരെയുള്ള പോരാട്ടം ശക്തമാക്കിയില്ലെങ്കിൽ 20 ലക്ഷം പേർ മരിക്കും’; ലോകാരോഗ്യ സംഘടന
ആഗോളതലത്തിൽ കൊവിഡിനെതിരെ കർക്കശ പോരാട്ടം നടത്തിയില്ലെങ്കിൽ മരണ സംഖ്യ രണ്ട് ദശലക്ഷമാകുമെന്ന് ലോകാരോഗ്യസംഘടന. ലോക രാഷ്ട്രങ്ങൾ വൈറസിനെതിരെ ഒറ്റക്കെട്ടായി പ്രവർത്തിച്ചില്ലെങ്കിൽ പത്ത് ലക്ഷത്തോളം പേർ കൂടി കൊവിഡിനിരയാകുമെന്ന് ലോകാരോഗ്യസംഘടന മുന്നറിയിപ്പ് നൽകി. ആഗോള തലത്തിൽ കൊവിഡ് മൂലമുള്ള മരണങ്ങൾ പത്ത് ലക്ഷത്തിനടുത്തെത്തി നിൽക്കുന്ന സാഹചര്യത്തിലാണ് ലോകാരോഗ്യസംഘടനയുടെ എമർജൻസീസ് ഡയറക്ടർ മൈക്കൽ റയാൻ വെർച്വൽ വാർത്താസമ്മേളനത്തിൽ ഇക്കാര്യം വ്യക്തമാക്കിയത്. 20 ലക്ഷം പേർ കൊവിഡിനെ തുടർന്നു മരിക്കുന്നുവെന്നത് നമുക്ക് സങ്കൽപിക്കാൻ പോലും കഴിയാത്ത സംഖ്യയാണ്. എന്നാൽ, കൂട്ടായ പ്രവർത്തനമില്ലെങ്കിൽ […]
മുന്നൂറോളം പേര് മൂന്ന് ദിവസമായി മലേഷ്യയിലെ വിമാനത്താവളത്തില്
മലേഷ്യയില് നിന്നും നാട്ടിലേക്ക് മടങ്ങാനായി കോലാലംപൂര് വിമാനത്താവളത്തിലെത്തിയ ഇന്ത്യാക്കാരുടെ ദുരിതം തുടരുന്നു. വൈകീട്ട് 5 മണിക്കുള്ളില് ഇന്ത്യയിലേക്ക് മടങ്ങാനായില്ലെങ്കില് വിമാനത്താവളത്തില് നിന്ന് പുറത്ത് പോകണമെന്ന് വിമാനത്താവള അധികൃതര് ഇവര്ക്ക് മുന്നറിയിപ്പ് നല്കി. മൂന്ന് ദിവസമായി ഇവര് വിമാനത്താവളത്തില് കുടുങ്ങി കിടക്കുകയാണ്. മലേഷ്യയില് നിന്ന് രാജ്യത്തേക്കുള്ള യാത്രയ്ക്ക് ഇന്ത്യ വിലക്കേര്പ്പെടുത്തിയിരുന്നു. ഇതോടെയാണ് മൂന്ന് ദിവസമായി സ്ത്രീകളും കുട്ടികളുമടക്കം മൂന്നൂറോളം ഇന്ത്യക്കാര് കോലാലംപൂര് എയര്പോര്ട്ടില് കുടുങ്ങിയത്. ഇവരെ ഇന്ത്യയിലേക്ക് എത്തിക്കാന് വിമാന കമ്പനികള് തയ്യാറായിരുന്നെങ്കിലും കേന്ദ്ര സര്ക്കാര് അനുമതി നല്കിയില്ല. […]
കോവിഡ് 19; ലോകാരോഗ്യ സംഘടന മുന്നറിയിപ്പ് നല്കാന് വൈകിയെന്ന് സ്വതന്ത്ര പാനല്
ലോകത്ത് കോവിഡ് വ്യാപനം രൂക്ഷമാകാന് കാരണം കൃത്യസമയത്ത് നടപടികളെടുക്കാത്തതും തെറ്റായ തീരുമാനങ്ങളുമാണെന്ന് ഇൻഡിപെൻഡന്റ് പാനൽ ഫോർ പാൻഡമിക് പ്രിപേർഡ്നസ് ആൻഡ് റെസ്പോൺസ് (ഐ.പി.പി.പി.ആർ) റിപ്പോർട്ട്. അൽപം കാര്യക്ഷമത കാട്ടിയിരുന്നെങ്കിൽ 3.3 ദശലക്ഷത്തിലേറെ പേർ മരിക്കുന്നതും ആഗോള സമ്പദ്വ്യവസ്ഥ തകിടം മറിയുന്നതും ഒഴിവാക്കാമായിരുന്നെന്ന് സ്വതന്ത്ര പാനലിന്റെ റിപ്പോർട്ടില് പറയുന്നു. വൈറസ് വ്യാപനം നേരിടുന്നതിനു മാർഗങ്ങളില്ലാതിരുന്നതും ഏകോപനമില്ലായ്മയും മാനവരാശിയെ വൻദുരന്തത്തിലേക്കാണ് തള്ളിവിട്ടത്. അടിയന്തര സാഹചര്യം മനസിലാക്കുന്നതിൽ പല രാജ്യങ്ങളും പരാജയപ്പെട്ടു. ലോകാരോഗ്യ സംഘടന മുന്നറിയിപ്പ് നൽകാൻ വൈകിയെന്ന ആരോപണവും റിപ്പോര്ട്ടിലുണ്ട്. […]