യൂറോപ്പിലെ യുവതലമുറയിലെ പ്രശസ്ത ക്യാമറാമാനും ,അഭിനേതാവുമായ സിമ്മി കൈലാത് തന്റെ ക്യാമറയിലൂടെ സ്വിറ്റസർലാൻഡിലെ അതി മനോഹരമായ പ്രകൃതി ഭംഗികൾ പകർത്തി, നിരവധി മ്യൂസിക് ആൽബങ്ങളിലും , ഷോർട്ഫിലിമിലും കൂടാതെ അനേകായിരം ഫോളോവെഴ്‌സ് ഉള്ള സ്വിസ്സ് അച്ചായൻ എന്ന യൂട്യൂബ് വ്‌ളോഗിലൂടെ ഏറെ സുപരിചിതനുമായ സ്വിറ്റ്സർലൻഡ് ,ബേണിലെ റോജനും ഭാര്യ ഡോളി പോളും ആണ് സംഗീത സാന്ദ്രമായ ഈ സംഗീതആൽബത്തിലെ നായികയും നായകനും.അഭിനയകലയിലും ഞങ്ങൾ ഒരുപിടി മുന്നിൽ തന്നെയെന്ന് ഈ ദമ്പതികൾ ഈ ആൽബത്തിലൂടെ തെളിയിച്ചിരിക്കുകയാണ് ..
ഏകദേശം രണ്ടായിരത്തിൽ പരം ഗാനങ്ങൾ ആലപിച്ച മനോഹര ശബ്ദത്തിനു ഉടമയായ സിന്ധു ദേവി എന്ന പിന്നണി ഗായികയും ,നല്ലൊരു ശബ്ദത്തിനുടമയായ ഗായകൻ അജു ജേക്കബുമാണ് ഈ ഗാനം ആലപിച്ചിരിക്കുന്നത് .. പ്രേമാർദ്രമായ ഈ ഗാനത്തിന്റെ അർത്ഥവത്തായ വരികൾ ശ്രീ റെജികുമാർ എഴുതി വളരെ മനോഹരമായി,ഇമ്പമായി ഇതിന്റെ സംഗീതം നൽകിയിരിക്കുന്നത് വിജയകുമാർ ചമ്പത്തു ആണ് ..നല്ലൊരു ഫീൽ തരുന്ന സംഗീത ആൽബമായി ഇതിനോടകം സോഷ്യൽ മീഡിയ മഴനൂലിനഴകായി യെ നെഞ്ചിലേറ്റിക്കഴിഞ്ഞു .ലോജിക് മീഡിയ പ്രൊഡക്ഷനിലൂടെ ആൽബം യുട്യൂബിലും റിലീസ് ചെയ്തു …ഇതിന്റെ പിന്നണി പ്രവർത്തകർക്കെല്ലാം അനുഭൂതിയുടെയും ,അഭിമാനത്തിന്റെയും നിമിഷങ്ങളാണെന്നു സംഗീതം നൽകിയ ശ്രീ വിജയകുമാറും ,റോജനും അറിയിച്ചു ..
