പത്തനംതിട്ട ജില്ലയില് ടെസ്റ്റ് പോസിറ്റിവിറ്റി നിരക്ക് കൂടുതലുള്ള 11 പ്രദേശങ്ങളില് ലോക്ക്ഡൗണ് ഇളവുകളില്ല. പത്തു പഞ്ചായത്തുകളിലും ഒരു നഗരസഭയിലുമാണ് കര്ശന നിയന്ത്രണങ്ങള് തുടരുക. പുറമറ്റം, കടപ്ര, നാറാണംമൂഴി, റാന്നി-പഴവങ്ങാടി, കലഞ്ഞൂര്, പന്തളം തെക്കേക്കര, പ്രമാടം, കുന്നന്താനം, റാന്നി-പെരുനാട്, പള്ളിക്കൽ എന്നിങ്ങനെ പത്തു പഞ്ചായത്തുകളിലും പന്തളം നഗരസഭയിലുമാണ് നിയന്ത്രണങ്ങൾ നടപ്പാക്കുക. 20 മുതല് 35 ശതമാനത്തിന് മുകളിലാണ് ഇവിടങ്ങളിലെ ടി.പി.ആര്. നിലവില് 100 നും 300 നും ഇടയിലാണ് രോഗികളുടെ എണ്ണം. സംസ്ഥാനത്ത് ലോക്ക്ഡൗണിന്റെ മൂന്നാംഘട്ടത്തിലാണ് ചില ഇളവുകൾ പ്രഖ്യാപിച്ചത്. ഇതുപ്രകാരം ചെറുകിട വ്യവസായ സ്ഥാപനങ്ങൾ, തുണിക്കട, ചെരിപ്പുകട, കുട്ടികൾക്ക് ആവശ്യമുള്ള പുസ്തകങ്ങൾ വിൽക്കുന്ന കടകൾ എന്നിവയ്ക്ക് തുറന്നു പ്രവര്ത്തിക്കാം. അതേസമയം, തുറക്കാന് അനുമതി ലഭിച്ച സ്ഥാപനങ്ങള്ക്കു മുന്നില് ആളുകള് കൂട്ടംകൂടിയാല് നടപടി സ്വീകരിക്കും. അടിയന്തര ആവശ്യങ്ങള്ക്കല്ലാതെ ജില്ലവിട്ടുള്ള യാത്രകള്ക്കും നിയന്ത്രണമുണ്ട്.
Related News
നാദാപുരത്ത് റാഗിങിൽ വിദ്യാർത്ഥിയുടെ കർണ്ണപടം തകർന്നു
കോഴിക്കോട് നാദാപുരത്ത് റാഗിംഗിൽ വിദ്യാർത്ഥിയുടെ കർണ്ണപടം തകർന്നതായി പരാതി. നാദാപുരം എം ഇ ടി കോളജിൽ ഒക്ടോബർ 26നാണ് സംഭവം ഉണ്ടായത്. നാദാപുരം സ്വദേശി നിഹാൽ ഹമീദിന്റ ഇടത് ചെവിയുടെ കർണ്ണപടമാണ് തകർന്നത്. 15 അംഗ സംഘമാണ് മർദ്ദിച്ചതെന്ന് വിദ്യാർത്ഥി പരാതിപ്പെട്ടു. സംഭവത്തിൽ രക്ഷിതാക്കൾ പൊലീസിലും കോളജ് അധികൃതർക്കും പരാതി നൽകി.
വെസ്റ്റ്ഹാമിനെ നിസാരമായി മറികടന്ന് ലിവര്പൂള്
പ്രീമിയര് ലീഗില് ലിവര്പൂളിന്റെ തേരോട്ടം തുടരുന്നു. ലണ്ടന് സ്റ്റേഡിയത്തില് നടന്ന കളിയില് വെസ്റ്റ്ഹാം യുണൈറ്റഡിനെ ഏകപക്ഷീയമായ രണ്ട് ഗോളുകള്ക്കാണ് ലിവര്പൂള് തോല്പിച്ചത്. സാദിയോ മാനെ പേശീവലിവിനെ തുടര്ന്ന് പുറത്തിരുന്ന മത്സരത്തില് ഒരു ഗോളും അസിസ്റ്റുമായി സലാഹ് മികച്ച പ്രകടനം തുടര്ന്നപ്പോള് നിസാരമായാണ് ലിവര്പൂള് വെസ്റ്റ്ഹാമിനെ മറികടന്നത്. അവസാന 15 കളികളില് ജയിച്ച ലിവര്പൂള് അവസാനമായി തോറ്റത് കഴിഞ്ഞ സീസണില് 41 മത്സരങ്ങള്ക്ക് മുമ്പാണ്. ജയത്തോടെ പ്രീമിയര് ലീഗില് രണ്ടാം സ്ഥാനക്കാരേക്കാള് 19 പോയിന്റിന്റെ മുന്തൂക്കവും ലിവര്പൂള് നേടി. […]
മദ്യപിച്ച് ‘മാരിയമ്മ …. കാളിയമ്മ’ പാട്ടിന് നൃത്തം ചെയ്ത് ശാന്തൻപാറ എസ്.ഐ; പിന്നാലെ സസ്പെൻഷൻ
ജോലി സമയത്ത് പൊതുജനമധ്യത്തിൽ മദ്യപിച്ച് നൃത്തം ചെയ്തതിന് പൊലീസ് ഉദ്യോഗസ്ഥന് സസ്പെൻഷൻ. ശാന്തൻപാറ അഡീഷണൽ എസ് ഐ കെ പി ഷാജിയെ ആണ് എറണാകുളം റെയിഞ്ച് ഡിഐജി സസ്പെൻഡ് ചെയ്തത്. കെ പി ഷാജി നൃത്തം ചെയ്യുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു. കഴിഞ്ഞ ദിവസം പൂപ്പാറ മാരിയമ്മൻ ക്ഷേത്രത്തിലെ ഉത്സവത്തിനിടെയായിരുന്നു സംഭവം. ഉത്സവത്തിൽ ക്രമസമാധാന പാലനത്തിന് എത്തിയതായിരുന്നു ശാന്തൻപാറ എ എസ് ഐ ഷാജിയും സംഘവും. ഇതിനിടെ മാരിയമ്മ കാളിയമ്മ എന്ന തമിഴ് ഗാനം കേട്ടതോടെ എസ് […]