സിനിമ പോലെ തന്നെയാണ് തമിഴ് സൂപ്പര്താരം അജിത്തിന് ഷൂട്ടിംഗും. ഷൂട്ടിംഗിനോടുള്ള താരത്തിന്റെ പ്രണയം പണ്ട് മുതലെ പ്രശസ്തമാണ്. എന്നാല് ഇത് വെറും പ്രണയം മാത്രമല്ല, ഒരു പ്രൊഫഷണല് ഷൂട്ടര് കൂടിയാണ് താനെന്ന് തെളിയിച്ചിരിക്കുകയാണ് തല. 46ാമത് തമിഴ്നാട് സ്റ്റേറ്റ് ഷൂട്ടിംഗ് ചാമ്പ്യന്ഷിപ്പില് നാല് സ്വര്ണമുള്പ്പെടെ ആറ് മെഡലുകളാണ് അജിത്ത് നേടിയത്. ചെന്നൈ റൈഫിള് ക്ലബിനെ പ്രതിനിധീകരിച്ചാണ് താരം അഭിനന്ദനാര്ഹമായ നേട്ടം കരസ്ഥമാക്കിയത്. അജിത്ത് മെഡലുകള് സ്വീകരിക്കുന്ന ചിത്രങ്ങള് സോഷ്യല്മീഡിയയില് വൈറലാണ്. 10 മീറ്റര് എയര് പിസ്റ്റള് വിഭാഗത്തിലും 25 മീ സെന്റര് ഫയര് പിസ്റ്റള് വിഭാഗത്തിലും 25 മീറ്റര് സ്റ്റാന്റേർഡ് പിസ്റ്റള് വിഭാഗത്തിലും 50 മീറ്റര് ഫ്രീ പിസ്റ്റൾ വിഭാഗത്തിലുമാണ് സ്വര്ണ്ണമെഡൽ കരസ്ഥമാക്കിയത്. സെന്റർ ഫയർ പിസ്റ്റൾ 32 (ഐ.എസ്.എസ്.എഫ്) 25 മീറ്റർ ടീം, സ്റ്റാൻഡേർഡ് പിസ്റ്റൾ .22 (എൻആർ) 25 മീറ്റർ ടീം ഇനങ്ങളിൽ രണ്ടാം സ്ഥാനത്തുമെത്തി. ചെന്നൈ റൈഫിൾ ക്ലബ് സെക്രട്ടറി രാജശേഖർ പാണ്ഡ്യൻ, ദേശീയ റൈഫിൾ അസോസിയേഷൻ സെക്രട്ടറി ഡി.വി.എസ് റാവു, തമിഴ്നാട് ഷൂട്ടിംഗ് അസോസിയേഷൻ സെക്രട്ടറി രവികൃഷ്ണൻ, ചെന്നൈ റൈഫിൾ ക്ലബ് ജോയിന്റ് സെക്രട്ടറി ഗോപിനാഥ്, ഡി.ജി.പി തമിഴ്സെൽവൻ തുടങ്ങിയവര് സമ്മാനങ്ങൾ വിതരണം ചെയ്തു.
Related News
ലീഗിന്റെ മൂന്നാം സീറ്റ്; തീരുമാനം കേരള നേതാക്കൾ എടുക്കണം; ഹൈക്കമാൻഡ് ഇടപെടില്ല
ലോക്സഭാ തെരഞ്ഞെടുപ്പിൽ മുസ്ലിം ലീഗിന് മൂന്നാം സീറ്റ് അനുവദിക്കുന്നതിൽ ഹൈക്കമാൻഡ് ഇടപെടില്ല. ഉത്തരവാദിത്തം കേരള നേതൃത്വത്തിനാണെന്നും തീരുമാനം കേരള നേതാക്കൾ എടുക്കട്ടെയെന്നും എഐസിസി. മൂന്നാം സീറ്റ് വിഷയത്തിൽ കോൺഗ്രസുമായി മുസ്ലിം ലീഗ് ചർച്ച നടത്തിയിരുന്നു. ലോക്സഭാ തെരഞ്ഞെടുപ്പിൽ ലീഗിന് മൂന്നാം സീറ്റില്ലെന്നും പകരം രാജ്യസഭാ സീറ്റ് നൽകാമെന്നുള്ള നിലപാടിലാണ് കോൺഗ്രസ്. എന്നാൽ സീറ്റില്ലെങ്കിൽ ലീഗ് ഒറ്റയ്ക്ക് മത്സരിക്കുമെന്ന സൂചനകളും ഉയർന്നു. അതേസമയം ലീഗ് സ്ഥാനാർഥികളെ നാളെ പ്രഖ്യാപിക്കും. പാണക്കാട്ട് നാളെ നിർണായക യോഗം ചേരും. കോൺഗ്രസുമായുള്ള ചർച്ച […]
അരുണാചൽപ്രദേശിൽ ഹിമപാതം; ഏഴ് സൈനികരെ കാണാനില്ലെന്ന് റിപ്പോർട്ട്
അരുണാചല്പ്രദേശില് ഹിമപാതത്തില് ഏഴ് സൈനികരെ കാണാതായി. പട്രോളിങ് സംഘത്തിലുണ്ടായിരുന്ന സൈനികരെയാണ് കാണാതായതെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു. ഇവരെ കണ്ടെത്താനായി രക്ഷാപ്രവര്ത്തനം പുരോഗമിക്കുകയാണ്. ഞായറാഴ്ച കമെംഗ് സെക്ടറിലെ മലനിരയിലാണ് സംഭവം. കഴിഞ്ഞ കുറച്ചു ദിവസങ്ങളിലായി മോശം കാലാവസ്ഥയാണ് പ്രദേശത്ത് അനുഭവപ്പെട്ടിരുന്നത്. കടുത്ത മഞ്ഞുവീഴ്ചയുമുണ്ടായിരുന്നു. സൈനികര് പട്രോളിങ് നടത്തുന്നതിനിടെയാണ് ഹിമപാതം സംഭവിച്ചത്. വ്യോമസേനയുടെ സഹായത്തോടെയാണ് നിലവില് രക്ഷാപ്രവര്ത്തനം തുടരുന്നത്.
ഇന്ത്യയില് ഇതുവരെ 28 കോവിഡ് നയന്റീന് കേസുകള് സ്ഥിരീകരിച്ചതായി കേന്ദ്ര ആരോഗ്യമന്ത്രി
ഡല്ഹി ITBP നീരീക്ഷണ കേന്ദത്തിലുള്ള 14 ഇറ്റാലിയന് സഞ്ചാരികള് അടക്കം 15 പേര്ക്കാണ് പുതുതായി രോഗം സ്ഥിരീകരിച്ചത്. ആഗ്രയിലെ 7 പേരുടെ പരിശോധനഫലവും പോസിറ്റീവാണ്. രാജ്യത്ത് ഇതുവരെ 28 കോവിഡ് നയന്റീന് കേസുകള് സ്ഥിരീകരിച്ചതായി കേന്ദ്ര ആരോഗ്യമന്ത്രി ഹര്ഷ വര്ധന്. ഡല്ഹി ITBP നീരീക്ഷണ കേന്ദത്തിലുള്ള 14 ഇറ്റാലിയന് സഞ്ചാരികള് അടക്കം 15 പേര്ക്കാണ് പുതുതായി രോഗം സ്ഥിരീകരിച്ചത്. ആഗ്രയിലെ 7 പേരുടെ പരിശോധനഫലവും പോസിറ്റീവാണ്. പ്രധാനമന്ത്രിയുടെയും ആരോഗ്യമന്ത്രിയുടെയും മുഖ്യമന്ത്രിമാരുടെയും നേതൃത്വത്തില് പ്രതിരോധ നടപടികള് വിലയിരുത്തുണ്ട്. ഇതിനിടെ […]