ഇംഗ്ലീഷ് പ്രീമിയര്‍ ലീഗിലെ നോര്‍ത്ത് ലണ്ടന്‍ ഡര്‍ബിയില്‍ ടോട്ടനത്തിന് ജയം. ആഴ്‍സനലിനെ ഏകപക്ഷീയമായ രണ്ട് ഗോളുകള്‍ക്കാണ് ടോട്ടനം പരാജയപ്പെടുത്തിയത്. 13ാം മിനിറ്റില്‍ സണ്‍ ഹ്യും മിന്നും ആദ്യപകുതി അവസാനിക്കുന്നതിന് തൊട്ട് മുമ്പ് ഹാരികെയിനുമാണ് ഗോള്‍ നേടിയത്. 70 ശതമാനം പന്ത് കൈയ്യില്‍ വെച്ചിട്ടും ഹോസെ മൌറീഞ്ഞോ ഒരുക്കിയ പ്രതിരോധ ഭിത്തി തകര്‍ക്കാന്‍ ആഴ്‍സനലിന് കഴിഞ്ഞില്ല.
പ്രീമിയര്‍ ലീഗിലെ ആഴ്‍സലിന്റെ ഏറ്റവും മോശം തുടക്കമാണ്. കഴിഞ്ഞ ഏഴ് മത്സരങ്ങളിലെ ആഴ്സനലിന്റെ അഞ്ചാം തോല്‍വിയാണിത്. 10 ഗോളുകള്‍ മാത്രമാണ് ഈ സീസണില്‍ ആഴ്‍സനലിന് നേടാനായത്.
