എഫ്.എ കപ്പ് നാലാം റൗണ്ടില്‍ 1-2ന് പിന്നില്‍ നിന്ന ശേഷം ടോട്ടന്നം ജയിച്ചു കയറി. 87ആം മിനുറ്റില്‍ സണ്‍ ഹ്യൂങ് മിന്‍ നേടിയ പെനല്‍റ്റി ഗോളിന്റെ ബലത്തിലാണ് ടോട്ടന്‍ഹാം ഹോട്ട്‌സ്പര്‍ 3-2ന് സൗത്താംപ്ടണെ തോല്‍പിച്ചത്. മാര്‍ച്ച് ആറിന് നടക്കുന്ന അഞ്ചാം റൗണ്ട് മത്സരത്തില്‍ നോര്‍വിച്ച് സിറ്റിയാണ് ടോട്ടന്നത്തിന്റെ എതിരാളികള്‍.
12ആം മിനുറ്റില്‍ ജാക് സ്‌റ്റെഫാന്‍സിന്റെ സെല്‍ഫ് ഗോളിലൂടെ ടോട്ടന്നമാണ് മുന്നിലെത്തിയത്. എന്നാല്‍ 34ആം മിനുറ്റില്‍ ഷാനെ ലോങും 72ആം മിനുറ്റില്‍ ഡാനി ഇങ്‌സും നേടിയ ഗോളുകളിലൂടെ സൗത്താംപ്ടണ്‍ 2-1ന് മുന്നിലെത്തി. 78ആം മിനുറ്റില്‍ ലൂക്കസ് മൗറയിലൂടെ സമനില പിടിച്ച ടോട്ടന്നത്തെ രക്ഷിച്ചത് സണ്‍ ആയിരുന്നു.
