മമ്മൂട്ടിയുടെ പുതിയ ചിത്രമായ ഷൈലോക്കിന്റെ തമിഴ് ടീസര് പുറത്തിറങ്ങി. രാജാധിരാജ, മാസ്റ്റര്പീസ് തുടങ്ങിയ സിനിമകള്ക്ക് ശേഷം അജയ് വാസുദേവ് മമ്മൂട്ടിയെ നായകനാക്കി ഒരുക്കിയ ചിത്രം കൂടിയാണിത്. നേരത്തെ ക്രിസ്മസ് റിലീസായി പ്രഖ്യാപിച്ച സിനിമ മാമാങ്കം കാരണം ജനുവരിയിലേക്ക് മാറ്റിവെക്കുകയായിരുന്നു. തമിഴ്നാട്ടിലെ പൊങ്കല് ദിവസമാണ് തമിഴ് പതിപ്പായ കുബേരന്റെ ടീസര് ഇറങ്ങിയിരിക്കുന്നത്. ടീസറില് മമ്മൂട്ടിക്കൊപ്പം രാജ്കിരണും തിളങ്ങിനില്ക്കുന്നുണ്ട്. ചിത്രം ഈ മാസം 23 ന് തിയേറ്ററുകളിലെത്തും.
Related News
നീ മുകിലോ…. ഒരേ താളത്തില് പാടി അമ്മയും മകളും
ആസിഫ് അലി, പാര്വതി, ടൊവിനോ എന്നിവരഭിനയിച്ച ഏറ്റവും പുതിയ ചിത്രമായ ഉയരെ പ്രേക്ഷകര്ക്കിടയില് മികച്ച പ്രതികരണം നേടികൊണ്ടിരിക്കുകയാണ്. ആസിഡ് ആക്രമണത്തിന് ഇരയായ പെണ്കുട്ടിയുടെ കഥ പറയുന്ന ചിത്രമാണിത്. വിജയ് യേശുദാസും സിത്താരയും ഒരുമിച്ചാലപിച്ച ചിത്രത്തിലെ ‘നീ മുകിലോ’ എന്ന ഗാനം ഇതിനകം തന്നെ ഹിറ്റാണ്. ഇപ്പോള് സിത്താരയും മകള് സാവന് ഋതുവും ചേര്ന്ന് ഈ ഗാനം അതിമനോഹരമായി പാടിയിരിക്കുകയാണ്. സിത്താര തന്നെയാണ് വീഡിയോ ഫേസ്ബുക്കില് പോസ്റ്റ് ചെയ്തിരിക്കുന്നത്. മകളും അമ്മയും ഒന്നിച്ചു ഒരുമിച്ച് ഒരേ താളത്തില് പാടുന്ന […]
നടി തമന്നയ്ക്ക് കോവിഡ് സ്ഥിരീകരിച്ചു
നടി തമന്നയ്ക്ക് കോവിഡ് സ്ഥിരീകരിച്ചു. ഹൈദരാബാദിലെ സ്വകാര്യ ആശുപത്രിയില് ചികിത്സയിലാണ് ഇപ്പോള് നടിയുള്ളത്. വെബ്സീരീസിന്റെ ഷൂട്ടിംഗിനായി ഹൈദരാബാദിലാണ് തമന്നയുണ്ടായിരുന്നത്. നേരത്തെ നടിയുടെ മാതാപിതാക്കള്ക്ക് കോവിഡ് സ്ഥിരീകരിച്ചിരുന്നു. ആ സമയത്ത് തമന്നയുടെ കോവിഡ് പരിശോധനാഫലം നെഗറ്റീവ് ആയിരുന്നു. ഇപ്പോള് ആശുപത്രിയില് ചികിത്സയിലുള്ള നടിയുടെ ആരോഗ്യനിലയില് ആശങ്കപ്പെടേണ്ടതില്ലെന്നാണ് വിവരം. അമിതാഭ് ബച്ചന്, അഭിഷേക് ബച്ചന്, ഐശ്വര്യാറായി ഉള്പ്പടെ നിരവധി താരങ്ങള്ക്ക് കോവിഡ് പോസിറ്റീവായിരുന്നു. ഗായകനും സംഗീത സംവിധായകനുമായി എസ്.പി ബാലസുബ്രഹ്മണ്യം കഴിഞ്ഞ ദിവസം കോവിഡ് ബാധയെ തുടര്ന്നാണ് ഓര്മയായത്.
‘കേരളീയം’ ലോഗോ തയാറാക്കിയത് ഒറ്റരാത്രികൊണ്ട് ; പ്രതിഫലം വാങ്ങിയിട്ടില്ല ; ബോസ്കൃഷ്ണമാചാരി
‘കേരളീയം’ പരിപാടിയുടെ ലോഗോ തയാറാക്കിയതുമായി ബന്ധപ്പെട്ട് ഉയര്ന്ന ആരോപണങ്ങളില് മറുപടിയുമായി ബോസ് കൃഷ്ണമാചാരി. പ്രതിഫലം കൈപറ്റാതെയാണ് ലോഗോ തയ്യാറാക്കിയതെന്ന് ബോസ് കൃഷ്ണമാചാരി പറയുന്നു. ലോഗോ തയ്യാറാക്കാന് തനിക്ക് ഏഴു കോടി രൂപ ലഭിച്ചു എന്ന പ്രചരണം വാസ്തവവിരുദ്ധമാണെന്നും അദ്ദേഹം പറഞ്ഞു. കേരളീയത്തിന്റെ ലോഗോ തയ്യാറാക്കാന് സര്ക്കാര് താത്പര്യമുള്ളവരില് നിന്നും അപേക്ഷ ക്ഷണിച്ചിരുന്നു. എന്നാല് കേരളീയം വിഭാവനം ചെയ്യുന്ന സന്ദേശം ലഭിച്ച ലോഗോകളില് പ്രതിഫലിക്കാത്തതിനാല് ലോഗോ തയ്യാറാക്കാന് തന്നോട് ആവശ്യപ്പെടുകയായിരുന്നു. ഒറ്റ രാത്രി കൊണ്ടാണ് കേരളീയത്തിന്റെ ലോഗോ തയ്യാറാക്കിയത്. […]