ലോക്സഭ തെരഞ്ഞെടുപ്പില് ബി.ഡി.ജെ.എസിന് നാല് സീറ്റ് നല്കിയാല് മതിയെന്ന് ബി.ജെ.പി കോര്കമ്മിറ്റിയോഗം. അധികം സീറ്റ് വേണമെന്ന ബി.ഡി.ജെ.എസ് ആവശ്യത്തില് കൂടുതല് ചര്ച്ച വേണ്ടെന്നും അത്യാവശ്യമെങ്കില് മാത്രം തുടര്ചര്ച്ചയെന്നും കോര്കമ്മിറ്റിയോഗം തീരുമാനിച്ചു. അതിനിടെ ശബരിമല സമരത്തെ ചൊല്ലി കോര്കമ്മിറ്റിയോഗത്തില് തര്ക്കമുണ്ടായി. സെക്രട്ടറിയേറ്റിന് മുന്നില് നടത്തിയ സമരം അനാവശ്യമായിരുന്നുവെന്ന് ശ്രീധരന് പിള്ള വിരുദ്ധ വിഭാഗം യോഗത്തില് ഉന്നയിച്ചു.
Related News
ഡല്ഹി സര്ക്കാറിന്റെ ഒറ്റ-ഇരട്ട വാഹന ക്രമീകരണത്തെ ചോദ്യം ചെയ്യുന്ന ഹരജി ഇന്ന് സുപ്രിം കോടതിയില്
ഡല്ഹി സര്ക്കാറിന്റെ ഒറ്റ-ഇരട്ട വാഹന ക്രമീകരണ പദ്ധതിയെ ചോദ്യം ചെയ്തുള്ള ഹരജി സുപ്രീംകോടതി ഇന്ന് പരിഗണിക്കും. ജസ്റ്റിസ് അരുണ്മിശ്ര അധ്യക്ഷനായ ബഞ്ചാണ് ഹരജി പരിഗണിക്കുന്നത്. പദ്ധതി അധികാര ദുര്വിനിയോഗവും പൊതുജന ദ്രോഹവും ഭരണഘടനവിരുദ്ധവുമാണെന്ന് പരാതിക്കാരന് ഹരജിയില് ചൂണ്ടിക്കാട്ടുന്നു. ഡല്ഹി നിവാസികളുടെ മൌലികാവകാശമാണ് വെല്ലുവിളിക്കുന്നതെന്ന് ആരോപിച്ച് അഭിഭാഷകനായ സഞ്ജീവ് കുമാറാണ് സുപ്രീംകോടതിയെ സമീപിച്ചത്. മലിനീകരണം തടയാന് ഒറ്റ-ഇരട്ട പദ്ധതി ഉപകരിച്ചിട്ടില്ലെന്ന് തെളിയിക്കാന് കേന്ദ്ര മലിനീകരണ നിയന്ത്രണ ബോര്ഡിന്റെയും ഡല്ഹി മലിനീകരണ നിയന്ത്രണ കമ്മിറ്റിയുടെയും റിപ്പോര്ട്ടുകളും ഉള്പ്പെടുത്തിയിട്ടുണ്ട്. ഇത് സംബന്ധിച്ച […]
സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത
സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ഇടുക്കിയില് യെല്ലോ അലേര്ട്ട് പ്രഖ്യാപിച്ചു. ശനിയാഴ്ച്ച വരെസംസ്ഥാനത്ത് ഒറ്റപ്പെട്ട ഇടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയെന്നും മുന്നറിയിപ്പുണ്ട്. മലയോര മേഖലയില് ഇടിമിന്നല് ശക്തമാകാന് സാധ്യതയുണ്ട്. ഉച്ചയ്ക്ക് രണ്ട് മണി മുതല് 10 മണി വരെയുള്ള സമയത്ത് ഇടിമിന്നലിനുള്ള സാധ്യത കൂടുതലായതിനാല് പൊതുജനങ്ങള് ജാഗ്രത പാലിക്കണം. ശനിയാഴ്ച്ച കൊല്ലത്ത് യെല്ലോ അലേര്ട്ട് പ്രഖ്യാപിച്ചു. അതേസമയം, കേരള തീരത്ത് മത്സ്യ ബന്ധനത്തിന് തടസമില്ല.
സാജന്റെ ആത്മഹത്യ കണ്വെന് സെന്ററിന് അനുമതി ലഭിക്കാത്തതിലെ മനോവിഷമം കാരണമെന്ന് ഡി.വൈ.എസ്.പി
ആന്തൂരിലെ പ്രവാസി വ്യവസായി സാജന്റെ ആത്മഹത്യ കണ്വെന് സെന്ററിന് അനുമതി ലഭിക്കാത്തതിലെ മനോവിഷമം കാരണമെന്ന് ഡി.വൈ.എസ്.പി വി.എ കൃഷ്ണദാസ്. എന്നാല് ആരെയും പ്രതി ചേര്ക്കാനുള്ള തെളിവുകള് ലഭിച്ചിട്ടില്ല. മറ്റുള്ള പ്രചരണങ്ങള് അന്വേഷണവുമായി ബന്ധപ്പെട്ട വിവരങ്ങളല്ലെന്നും അന്വേഷണ ഉദ്യോഗസ്ഥനായ കൃഷ്ണദാസ് പറഞ്ഞു.