മോദി സര്ക്കാരിന്റെ കശ്മീര്‍ നയത്തില്‍ കൈയ്യടിക്കുന്നവര്‍ പുനപരിശോധന നടത്തണമെന്ന് കോണ്‍ഗ്രസ് പ്രവര്‍ത്തകസമിതിയംഗം എ.കെ ആന്‍റണി. കശ്മീര്‍ ഒരു തുടക്കമാണ്. നാഗാലാന്റ് ഉള്‍പ്പെടെ പ്രത്യേക പദവിയുള്ള സംസ്ഥാനങ്ങളുടെ കാര്യത്തിലും ഇത് ആവര്‍ത്തിക്കില്ലെന്ന് പറയാനാവില്ല. സംവരണം ഉള്‍പ്പെടെ മറ്റു ഭരണഘടനാ വ്യവസ്ഥകളും ഭീഷണിയിലാണെന്നും ആന്‍റണി തിരുവനന്തപുരത്ത് പറഞ്ഞു. കെ.പി.സി.സി സംഘടിപ്പിച്ച രാജീവ് ഗാന്ധി അനുസ്മരണ പരിപാടിയില്‍ സംസാരിക്കുകയായിരുന്നു ആന്‍റണി.
