പാലക്കാട് ജില്ലയിലെ തമിഴ്നാട് അതിർത്തി ഗ്രാമങ്ങളിൽ കടുത്ത കുടിവെള്ള ക്ഷാമമാണ് അനുഭവിക്കുന്നത്. ആഴ്ചയിൽ ഒരിക്കൽ പോലും കുടിവെള്ള വിതരണം നടക്കാത്ത സ്ഥലങ്ങൾ ഉണ്ട്. പ്രദേശത്ത് മഴയും വളരെ കുറവാണ്. ജാതി വിവേചനം അനുഭവിക്കുന്ന ഗോവിന്ദാപുരം അംബേദ്കർ കോളനിയിലെ കാഴ്ചയാണിത്.പത്ത് ദിവസത്തിനു ശേഷം വരുന്ന വെളളം ശേഖരിക്കുകയാണ് നാട്ടുകാർ. ആഴ്ചയിൽ രണ്ട് ദിവസമെങ്കിലും വെള്ളം ലഭ്യമാക്കണമെന്നാണ് ഇവരുടെ ആവശ്യം. ദിവസങ്ങളായി ഇവിടെ മഴയില്ല. ദളിത് കോളനികളിൽ വെള്ളം എത്തിക്കണമെന്ന് ആവശ്യപ്പെട്ട് വെൽഫെയർ പാർട്ടി മുതലമട പഞ്ചായത്ത് ഓഫീസിന് മുന്നിൽ ധർണ നടത്തി.
