കർണാടകയിലെ കോൺഗ്രസ് നേതാവും മുൻ മന്ത്രിയുമായ ഡി.കെ.ശിവകുമാറിന്റെ അറസ്റ്റിൽ വ്യാപക പ്രതിഷേധം. കർണാടകയ്ക്ക് പുറമെ ഡൽഹിയിലും കേരളത്തിലും കോണ്ഗ്രസ് പ്രവർത്തകർ പ്രതിഷേധിച്ചു. ഇന്ന് കർണാടകയിൽ കോൺഗ്രസ് പ്രതിഷേധ ദിനമായി ആചരിക്കും. ഡല്ഹിയില് ഡി.കെ ശിവകുമാറിനെ അറസ്റ്റ് ചെയ്ത് കൊണ്ടുപോകുന്നതിനിടെ പ്രവര്ത്തകര് പ്രതിഷേധിച്ചു. തന്നെ അറസ്റ്റ് ചെയ്യണമെന്നത് ബി.ജെ.പിയുടെ ഏറെക്കാലത്തെ ആഗ്രഹമായിരുന്നു. ഇത് സാധിപ്പിച്ചെടുത്തതിന് തന്റെ ബി.ജെ.പി സുഹൃത്തുക്കളെ അഭിനന്ദിക്കുന്നുവെന്ന് ശിവകുമാർ ട്വീറ്റ് ചെയ്തു. കർണാടകയിലും ശക്തമായ പ്രതിഷേധമാണ് കോൺഗ്രസ് ഉയർത്തിയത്. ബെംഗളൂരു മൈസൂരു പാത പ്രവർത്തകർ ഉപരോധിച്ചു. […]
India
കർതാർപൂർ ഇടനാഴി; ഇന്ത്യ-പാക് ചർച്ച ഇന്ന്
കർതാർപൂർ ഇടനാഴിയുമായി ബന്ധപ്പെട്ട ഇന്ത്യ -പാകിസ്ഥാൻ മൂന്നാംഘട്ട ചർച്ച ഇന്ന്. വാഗാ അതിർത്തിയിലെ അട്ടാരിയിലാണ് യോഗം. നവംബറിൽ പദ്ധതി പൂർത്തിയാക്കാനാണ് നീക്കം. ജമ്മുകശ്മീരിന് പ്രത്യേക പദവി എടുത്തുകളഞ്ഞതിനെ തുടർന്നുള്ള അസ്വാരസ്യങ്ങൾക്കിടെയാണ് കർതാർപൂർ ഇടനാഴിയുമായി ബന്ധപ്പെട്ട ഇന്ത്യാ-പാക് ചർച്ച നടക്കുന്നത്. ഇടനാഴി തുറക്കുന്നതുമായി ബന്ധപ്പെട്ടുള്ള പദ്ധതി കരാറിൽ അന്തിമ തീരുമാനമെടുക്കാനാണ് യോഗം. ഇരു രാജ്യങ്ങളിൽ നിന്നുമുള്ള സാങ്കേതിക വിദഗ്ധർ വെള്ളിയാഴ്ച ചർച്ച നടത്തിയിരുന്നു. ചർച്ചയിൽ കാര്യമായ പുരോഗതി ഉണ്ടായതായി ഇരുവിഭാഗവും വ്യക്തമാക്കുകയും ചെയ്തു. നവംബർ ആദ്യവാരമാണ് ഗുരുനാനാക്കിന്റെ 550 […]
ചന്ദ്രയാന് 2 ലക്ഷ്യത്തിലേക്ക് കൂടുതല് അടുക്കുന്നു
ചന്ദ്രയാന് രണ്ട് ലക്ഷ്യത്തിലേക്ക് കൂടുതല് അടുക്കുന്നു. വിക്രം ലാന്ഡറിന്റെ രണ്ടാം ഭ്രമണപഥം താഴ്ത്തലും വിജയകരമായി പൂര്ത്തിയാക്കി. പുലര്ച്ചെ 3.45നാണ് 9 സെക്കന്റ് നേരം കൊണ്ട് ഭ്രമണപഥം താഴ്ത്തിയത്. നിലവില് ചന്ദ്രോപരിതലത്തിന് 35 കിലോമീറ്റര് അകലെ മാത്രമാണ് വിക്രം ലാന്ഡര് നിലനില്ക്കുന്നത്. നാളെ മുതൽ സോഫ്റ്റ് ലാൻഡിങ്ങിനുള്ള നടപടികളിലേക്ക് കടക്കും. ശനിയാഴ്ച പുലർച്ചെ 1.30 നും 2.30 നും ഇടയിലുള്ള സമയത്താണ് ലാൻഡർ ചന്ദ്രന്റെ ദക്ഷിണ ധ്രുവത്തിൽ ഇറങ്ങുക.
ജോസ് ടോം കേരള കോണ്ഗ്രസ് സ്വതന്ത്രനായി മത്സരിക്കും
ജോസ് ടോമിനെ കേരള കോണ്ഗ്രസ് സ്വതന്ത്രനായി മത്സരിപ്പിക്കും. രണ്ടില ചിഹ്നം അനുവദിക്കാനാവില്ലെന്ന് ഉറച്ച നിലപാടിലാണ് പി.ജെ ജോസഫ്. നാല് സെറ്റ് പത്രികയാണ് ജോസ് ടോം സമര്പ്പിക്കുക. ഒരു പത്രിക കേരള കോണ്ഗ്രസ് എം സ്ഥാനാര്ഥിയെന്ന നിലയിലായിരിക്കും സമര്പ്പിക്കുക. ഒരു പത്രിക കേരള കോണ്ഗ്രസ് സ്വതന്ത്രനായും സമര്പ്പിക്കും.
രണ്ടില ചിഹ്നം ലഭിക്കില്ലെന്ന് യു.ഡി.എഫ് നേതാക്കള് ഇതുവരെ അറിയിച്ചിട്ടില്ലെന്ന് റോഷി അഗസ്റ്റിന്
രണ്ടില ചിഹ്നം ലഭിക്കില്ലെന്ന് യു.ഡി.എഫ് നേതാക്കള് ഇതുവരെ അറിയിച്ചിട്ടില്ലെന്ന് റോഷി അഗസ്റ്റിന് എം.എല്.എ. ചർച്ചകള് തുടരുകയാണെന്നും യു.ഡി.എഫ് കണ്വീനറും രണ്ടില ചിഹ്നമില്ലെന്ന് അറിയിച്ചിട്ടില്ലെന്നും റോഷി അഗസ്റ്റിന് മീഡിയവണിനോട് പറഞ്ഞു.
ഗവര്ണ്ണര് എന്നത് റബ്ബര് സ്റ്റാമ്പ് പദവിയല്ലെന്ന് തെളിയിച്ച പി. സദാശിവം പടിയിറങ്ങുന്നു
ഗവര്ണ്ണര് എന്നത് റബ്ബര് സ്റ്റാമ്പ് പദവിയല്ലെന്ന് തെളിയിച്ചാണ് ജസ്റ്റിസ് പി. സദാശിവം പടിയിറങ്ങുന്നത്. അഞ്ച് വര്ഷത്തെ ഔദ്യോഗിക കാലാവധി ഇന്ന് അവസാനിപ്പിക്കുമ്പോള് ഗവര്ണ്ണര് എന്ന പദവി കൊണ്ടും ചിലത് ചെയ്യാനാകുമെന്ന് പി.സദാശിവം തെളിയിച്ച് കഴിഞ്ഞു. പലകോണുകളില് നിന്നും സമ്മര്ദ്ദമുണ്ടായിട്ടും ആര്ക്കും അടിപ്പെടാതിരുന്ന ഗവര്ണ്ണര് അവസാനകാലയളവില് സര്ക്കാരുമായും സി.പി.എമ്മുമായും കുറച്ച് അകല്ച്ചയിലുമായിരുന്നു. രാജ്യത്തെ പരമോന്നത നീതി പീഠത്തിന്റെ തലപ്പത്ത് നിന്ന് വിരമിച്ച ശേഷം ജസ്റ്റിസ് പി.സദാശിവം നേരെ വരുന്നത് കേരളത്തിലെ പ്രഥമ പൌരനായിട്ടായിരിന്നു. 2014 സെപ്റ്റംബറില് തുടങ്ങിയ ഔദ്യോഗിക […]
കെ.എസ്.ആർ.ടി.സിക്ക് ഇത് വറുതിയുടെ ഓണക്കാലം
കെ.എസ്.ആർ.ടി.സിക്ക് ഇത് വറുതിയുടെ ഓണക്കാലം. ജീവനക്കാർക്ക് ശമ്പളവും ബോണസും നൽകാൻ പണമില്ലാത്ത അവസ്ഥയാണ്. അതിനിടെ പൊലീസിൽ നിന്ന് ഡപ്യൂട്ടേഷനിൽ എത്തിയ വിജിലൻസ് എസ്.പിക്ക് രേഖാമൂലം ആവശ്യപ്പെട്ടതിനെ തുടർന്ന് മുഴുവൻ ശമ്പളവും നൽകിയതായി ആക്ഷേപമുണ്ട്. 33,000 വരുന്ന ജീവനക്കാരുടെ ശമ്പളത്തിന് വേണ്ടത് 80 കോടി രൂപയാണ്. ഓണം ബോണസ് നൽകണമെങ്കിൽ അധികമായി 30 കോടി രൂപ വേണ്ടി വരും . സർക്കാരിനോട് ആവശ്യപ്പെട്ടത് 42 കോടി. കെ.എസ്.ആർ.ടി.സി എം.ഡിയുടെ കത്ത് കിട്ടിയ ഉടൻ ധനവകുപ്പ് അത് തളളി. എന്നാൽ […]
കണ്ണൂർ കോർപ്പറേഷൻ മേയർ തെരഞ്ഞെടുപ്പ് ഇന്ന്
കണ്ണൂർ കോർപ്പറേഷൻ മേയർ തെരഞ്ഞെടുപ്പ് ഇന്ന് നടക്കും. രാവിലെ പതിനൊന്ന് മണിക്ക് കോർപ്പറേഷൻ ഹാളിലാണ് തെരഞ്ഞെടുപ്പ്. കോൺഗ്രസിലെ സുമ ബാലകൃഷ്ണനാണ് യു.ഡി.എഫിന്റെ മേയർ സ്ഥാനാർത്ഥി. മുൻ മേയർ ഇ.പി ലതയെയാണ് എൽ.ഡി.എഫ് മേയർ സ്ഥാനാർത്ഥിയായി തീരുമാനിച്ചിട്ടുള്ളത്. കോൺഗ്രസ് വിമതൻ പി.കെ രാഗേഷിന്റെ പിന്തുണയോടെ യു.ഡി.എഫ് കൊണ്ടുവന്ന അവിശ്വാസ പ്രമേയത്തിലൂടെ എൽ.ഡി.എഫിലെ ഇ.പി ലതക്ക് മേയർ സ്ഥാനം നഷ്ടപ്പെട്ടതിനെ തുടർന്നാണ് പുതിയ മേയർ തെരഞ്ഞെടുപ്പിന് കളമൊരുങ്ങിയത്.അൻപത്തിയഞ്ച് അംഗ കൗൺസിലിൽ എൽ.ഡി.എഫിനും യു.ഡി.എഫിനും ഇരുപത്തിയേഴ് വീതമാണ് അംഗ സംഖ്യ. ഒരു […]
എല്.ഡി.എഫ് പ്രചരണം രണ്ടാം ഘട്ടത്തിലേക്ക്; മുഖ്യമന്ത്രി ഇന്ന് പാലായില്
ഉപതിരഞ്ഞെടുപ്പില് എല്.ഡി.എഫ് പ്രചാരണ പ്രവർത്തനങ്ങള്ക്ക് വേഗം നല്കാനായി മുഖ്യമന്ത്രി പിണറായി വിജയന് ഇന്ന് പാലയില് എത്തും. മണ്ഡല കണ്വെന്ഷനു പിന്നാലെ ബൂത്ത് തല കമ്മറ്റികള്ക്കും എല്.ഡി.എഫ് രൂപം നല്കിയിട്ടുണ്ട്. പഞ്ചായത്ത് തലകണ്വെന്ഷനുകള് പൂര്ത്തീകരിച്ചു കഴിഞ്ഞു. ഇന്ന് വൈകുന്നേരം മുഖ്യമന്ത്രി പങ്കെടുക്കുന്ന മണ്ഡലം കണ്വന്ഷനോടെ രണ്ടാം ഘട്ട പ്രചാരണ പ്രവര്ത്തനങ്ങളിലേക്ക് എല്.ഡി.എഫ് കടക്കും. പ്രചാരണത്തിനായി ബൂത്ത് തല കമ്മറ്റികള്ക്കും രൂപം നല്കി. ബൂത്ത് തലത്തിലും കണ്വെന്ഷനുകള് സംഘടിപ്പിക്കാന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് പങ്കെടുത്ത അവലോകന യോഗത്തില് […]
പിന്തുണ തേടി ജോസ് ടോം എന്.എസ്.എസ് ആസ്ഥാനത്തെത്തി
പാലായിലെ യു.ഡി.എഫ് സ്ഥാനാർഥി ജോസ് ടോം പിന്തുണ തേടി എന്.എസ്.എസ് ആസ്ഥാനത്തെത്തി. മാണി സാറിന്റെ പിന്തുടർച്ചക്കാരനായ തനിക്ക് എല്ലാ പിന്തുണയും സുകുമാരൻ നായർ നല്കിയെന്ന് ജോസ് ടോം പറഞ്ഞു. മറ്റ് സ്ഥാനാർത്ഥികൾ എത്തുന്നതിനു മുമ്പ് തന്നെ പെരുന്നയിൽ എത്തുക എന്ന ലക്ഷ്യമായിരുന്നു യു.ഡി.എഫ് സ്ഥാനാർത്ഥിക്ക് ഉണ്ടായിരുന്നത്. അതുകൊണ്ടുതന്നെ തിരക്കേറിയ പ്രചാരണത്തിന് ഇടയിൽ നിന്നും പെരുന്നയിൽ എത്താൻ ജോസ് ടോം സമയം കണ്ടെത്തി. മൂന്നുമണിയോടെ എന്.എസ്.എസ് എത്തിയ ജോസ് ടോം രണ്ട് മണിക്കൂറോളം സുകുമാരൻ നായരുമായി കൂടിക്കാഴ്ച നടത്തി. […]











