 | |  |
രാമപുരം പഞ്ചായത്തില് ബി.ഡി.ജെ.എസിന്റെ വോട്ട് കിട്ടിയെന്ന് മാണി സി.കാപ്പന്. ബി.ജെ.പി വോട്ട് എല്.ഡി.എഫിന് ലഭിച്ചിട്ടില്ല. ശുഭപ്രതീക്ഷയെന്നും കാപ്പന് പറഞ്ഞു. 751 വോട്ടുകള്ക്കാണ് കാപ്പന് ഇപ്പോള് ലീഡ് ചെയ്യുന്നത്. ആദ്യഫലസൂചനകള് പുറത്തുവന്നപ്പോള് എല്.ഡി.എഫ് ക്യാമ്പ് ആവേശത്തിലാണ്. എന്നാല് യു.ഡി.എഫ് ക്യാമ്പില് നിശ്ശബ്ദമാണ്.
രാമപുരത്ത് ബി.ജെ.പി എല്.ഡി.എഫിന് വോട്ട് മറിച്ചെന്ന് യു.ഡി.എഫ് സ്ഥാനാര്ഥി ജോസ് ടോം. രാമപുരത്തിലെ ബൂത്തിലെ വോട്ടുകള് എണ്ണിയപ്പോള് എല്.ഡി.എഫ് സ്ഥാനാര്ഥി മാണി സി.കാപ്പനാണ് ലീഡ് ചെയ്യുന്നത്. 700 വോട്ടുകള്ക്ക് മുന്നിലാണ് കാപ്പന്. ഈ സാഹചര്യത്തിലാണ് ജോസ് ടോമിന്റെ പ്രതികരണം.
ആലുവയിൽ സ്കൂളിലേക്ക് പോയ വിദ്യാർഥിയെ കാണാതായി. ആലുവ സെന്റ് ജോൺസ് സ്കൂളിലെ ഒന്പതാം ക്ലാസ് വിദ്യാര്ഥിയായ അർഹാൻ അജ്മൽ (15)നെയാണ് കാണാതായത്. ആലുവ മർച്ചന്റ് യൂത്ത് വിംഗ് പ്രസിഡന്റും യൂത്ത് കോൺഗ്രസ് നേതാവുമായ അജ്മൽ കാമ്പായിയുടെ മകനാണ്. ബന്ധുക്കൾ ആലുവ പൊലീസിൽ പരാതി നൽകി.വിവരങ്ങൾ ലഭിച്ചാൽ 984632 6704, 9895445928 എന്നീ നമ്പറിൽ അറിയിക്കുക.
പാലാ ഉപതെരഞ്ഞെടുപ്പ് വോട്ടെണ്ണല് ആരംഭിച്ചു. തപാല് വോട്ടുകള് എണ്ണിയപ്പോള് എല്.ഡി.എഫും യു.ഡി.എഫും ഒപ്പത്തിനൊപ്പമാണ്. ഇരുമുന്നണികള്ക്കും ആറ് വോട്ടുകള് വീതം ലഭിച്ചു. മൂന്ന് തപാല് വോട്ടുകള് അസാധുവായി.
പാലായില് ജയം ഉറപ്പെന്ന് എല്.ഡി.എഫ് സ്ഥാനാര്ഥി മാണി സി.കാപ്പന്. പതിനായിരത്തിന് മുകളില് ഭൂരിപക്ഷം ലഭിക്കും. ജോസഫ് വിഭാഗത്തിന്റെയും ബി.ഡി.ജെ.എസിന്റെയും വോട്ടുകള് ലഭിക്കുമെന്ന് കാപ്പന് പറഞ്ഞു. യു.ഡി.എഫ് വിജയം ആവര്ത്തിക്കുമെന്ന് ജോസ് ടോം പറഞ്ഞു. പതിനയ്യായിരത്തിന് മുകളില് ഭൂരിപക്ഷം ലഭിക്കുമെന്നും ജോസ് ടോം അവകാശപ്പെട്ടു.
മരട് ഫ്ലാറ്റ് കേസില് സുപ്രിം കോടതിയുടെ അന്തിമ ഉത്തരവ് ഇന്ന്. പൊളിക്കുന്നതിന്റെ രൂപരേഖ വ്യക്തമാക്കുന്ന റിപ്പോര്ട്ട് സര്ക്കാര് ഇന്ന് കോടതിക്ക് കൈമാറും. ഫ്ലാറ്റുകള് പൊളിക്കാന് സര്ക്കാര് മൂന്ന് മാസം ഇളവ് തേടിയിരുന്നെങ്കിലും എത്ര സാവകാശം കിട്ടുമെന്ന് ഇന്നറിയാം. തീരദേശ പരിപാലന നിയമം ലംഘിച്ചതിനെത്തുടര്ന്ന് മെയ് എട്ടിനാണ് സുപ്രിം കോടതി മരടിലെ ഫ്ലാറ്റുകള് പൊളിക്കാന് ഉത്തരവിട്ടത്. വിധി നടപ്പിലാക്കി ഒരു മാസത്തിനകം കോടതിക്ക് റിപ്പോര്ട്ട് നല്കണമെന്നായിരുന്നു ഉത്തരവ്. മൂന്ന് മാസം കഴിഞ്ഞിട്ടും റിപ്പോര്ട്ട് നല്കാത്തതിനെത്തുടര്ന്നാണ് കോടതി സ്വമേധയ കേസെടുത്തത്. […]
പാലാ ഉപതെരഞ്ഞെടുപ്പിന്റെ വോട്ടെണ്ണല് തുടങ്ങി. രാവിലെ എട്ട് മണിയ്ക്ക് പാലാ കാര്മല് പബ്ലിക് സ്കൂളില് വോട്ടെണ്ണല് ആരംഭിച്ചു. പോസ്റ്റല് വോട്ടുകള് എണ്ണിത്തുടങ്ങി. തുടര്ന്ന് വോട്ടിങ് യന്ത്രങ്ങളും. ആദ്യ ലീഡ് എട്ടരയോടെ പുറത്ത് വരും. 12 പഞ്ചായത്തുകളും ഒരു മുനിസിപ്പാലിറ്റിയുമാണ് പാലാ മണ്ഡലത്തിലുള്ളത്. 14 ടേബിളുകളിലായാണ് എണ്ണുക. ആദ്യം രാമപുരം പഞ്ചായത്തും അവസാനം എലിക്കുളവുമാണ് എണ്ണുക. പത്തരയോടെ കെ.എം മാണിയ്ക്ക് ശേഷം പാലായെ ആര് പ്രതിനിധീകരിക്കുമെന്ന്അറിയാം.
വട്ടിയൂർക്കാവിൽ മത്സരിക്കാന് മുന് അധ്യക്ഷന് കുമ്മനം രാജശേഖരന് തയ്യാറാകാതെ വന്നാൽ സംസ്ഥാന അധ്യക്ഷൻ ശ്രീധരൻ പിള്ളയെ മത്തരത്തിനിറക്കാന് ബി.ജെ.പി തീരുമാനം. സംസ്ഥാന നേതൃത്വത്തിൽ നിന്ന് ആരെങ്കിലും മത്സരിക്കണമെന്ന ആവശ്യം ഉയർന്നതാണ് ശ്രീധരൻ പിള്ളയുടെ പേര് പരിഗണനക്ക് വന്നത്. അതേസമയം അരൂർ സീറ്റിൽ ബി.ജെ.പി മത്സരിക്കാനും തീരുമാനിച്ചിട്ടുണ്ട്. സ്ഥാനാര്ഥികളുടെ കാര്യത്തില് അന്തിമ തീരുമാനമെടുക്കാന് കൊച്ചിയില് ചേര്ന്ന പാര്ട്ടി നേതൃയോഗത്തിലാണ് തീരുമാനം.
കര്ണാടക ഉപതെരഞ്ഞെടുപ്പ് മാറ്റിവെക്കാന് തയ്യാറാണെന്ന് തെരഞ്ഞെടുപ്പ് കമ്മീഷന് സുപ്രീംകോടതിയെ അറിയിച്ചു. സ്പീക്കര് അയോഗ്യത കല്പിച്ചതിനെ തുടര്ന്ന് കൂറുമാറിയ എം.എല്.എമാര് സമര്പ്പിച്ച ഹരജി അടുത്ത മാസം 22ന് പരിഗണിക്കും. ഉപതെരഞ്ഞെടുപ്പിന് മുമ്പ് എം.എല്.എമാരുടെ കേസ് തീര്പ്പാക്കണമെന്നും കോടതി നിര്ദേശിച്ചു. കര്ണാടകയില് 15 മണ്ഡലങ്ങളിലാണ് തെരഞ്ഞെടുപ്പ് കമ്മീഷന് ഉപതെരഞ്ഞെടുപ്പ് പ്രഖ്യാപിച്ചിരുന്നത്.
നവി മുംബൈയില് 36 വയസ്സുകാരന് കൂട്ടബലാത്സംഗത്തിന് ഇരയായി. ഗുരുതരമായി പരിക്കേറ്റ യുവാവിനെ ശസ്ത്രക്രിയക്ക് വിധേയനാക്കി. യുവാവിനെ തട്ടിക്കൊണ്ടുപോയി ബലാത്സംഗം ചെയ്ത അഞ്ചംഗ സംഘത്തെ കണ്ടെത്താന് പൊലീസ് അന്വേഷണം തുടങ്ങി. ഇന്നലെ രാത്രിയാണ് സംഭവം. വീട്ടിലേക്ക് പോകുന്നതിനിടെ സിഗരറ്റ് വലിക്കുമ്പോള് ആളൊഴിഞ്ഞ സ്ഥലത്തുവെച്ചാണ് യുവാവിനെ സംഘം ആക്രമിച്ചത്. യുവാവിനെ മര്ദിക്കുകയും ബലാത്സംഗം ചെയ്യുകയും ചെയ്തു. അഞ്ച് യുവാക്കളാണ് തന്നെ ആക്രമിച്ചതെന്ന് യുവാവ് പറഞ്ഞു. യുവാവിന്റെ ബന്ധുക്കളുടെ പരാതി പ്രകാരം വാഷി പൊലീസ് കേസെടുത്തു. സെക്ഷന് 377 പ്രകാരമാണ് കേസെടുത്തത്. […]