 | |  |
കാര്ഷിക കടങ്ങള്ക്കുള്ള മൊറട്ടോറിയം കാലാവധി നീട്ടുന്ന കാര്യം റിസര്വ് ബാങ്ക് ഗവര്ണറെ ബോധ്യപ്പെടുത്തിയെന്ന് കൃഷി മന്ത്രി വി.എസ് സുനില് കുമാര്. സെപ്തംബര് 31 വരെ കാലാവധി നീട്ടണമെന്നാണ് ആവശ്യപ്പെട്ടത്. സംസ്ഥാന തല ബാങ്കിങ് സമിതിയുടെ ഇടപെടലിലെ വീഴ്ചയാണ് മൊറട്ടോറിയം കാലാവധി നീട്ടുന്നതിൽ അവ്യക്തത ഉണ്ടാവാൻ കാരണമെന്ന് അദ്ദേഹം വിശദീകരിച്ചു. കാർഷിക വായ്പ പരിധി ഒന്നര ലക്ഷത്തിൽ നിന്നും മൂന്നേകാൽ ലക്ഷം ആയി ഉയർത്തണമെന്ന് ആര്.ബി.ഐ ഗവര്ണറോട് ആവശ്യപ്പെട്ടതായും മന്ത്രി പറഞ്ഞു.
ഹയർ സെക്കൻഡറി വിദ്യാർഥികളുടെ മാർക്ക് മോഡറേഷൻ നാല് മാസത്തിനകം നിര്ത്തലാക്കണമെന്ന് ഹൈക്കോടതി. കേന്ദ്ര സർക്കാർ വിളിച്ചു ചേർത്ത സംസ്ഥാന വിദ്യാഭ്യാസ സെക്രട്ടറിമാരുടെ യോഗത്തിലെടുത്ത തീരുമാനങ്ങള് നടപ്പാക്കാനാണ് കോടതി ഉത്തരവ്.കേരള സിലബസിലെ വിദ്യാര്ഥികള്ക്ക് 40 ശതമാനം മോഡറേഷന് നല്കുന്നത് മറ്റ് സിലബസുകളിലുളള വിദ്യാര്ഥികളോടുള്ള വിവേചനമാണെന്ന ഹരജിയിലാണ് കോടതി ഉത്തരവ്. കേരള സിലബസില് പഠിക്കുന്ന ഹയർ സെക്കൻഡറി വിദ്യാർഥികൾക്ക് പഠനത്തോടനുബന്ധിച്ചുള്ള പ്രവർത്തികളുടെ പേരിൽ 40 ശതമാനം മാർക്ക് അധികമായി നൽകുന്നത് മറ്റു സിലബസുകളിലെ വിദ്യാർഥികളോടുള്ള വിവേചനമാണെന്ന് ചൂണ്ടിക്കാട്ടി പ്ലസ് വണ് […]
സംസ്ഥാനത്ത് വിദ്യാഭ്യാസ ഘടനയില് മാറ്റം വരുത്തണമെന്ന ഹൈക്കോടതി വിധി മറിക്കടക്കാന് സര്ക്കാര് ശ്രമങ്ങള് ആരംഭിച്ചു. എ.ജിയുടെ നിയമോപദേശം തേടാനാണ് സര്ക്കാരിന്റെ തീരുമാനം. വിധി നടപ്പാക്കേണ്ടി വന്നാല് അധ്യാപകരുടെ പുനര്വിന്യാസമടക്കം നിരവധി സങ്കീര്ണ്ണതകള് ഉണ്ടാകുമെന്നത് കൊണ്ടാണ് സര്ക്കാര് സുപ്രിം കോടതിയില് അപ്പീല് സധ്യത തേടുന്നത്. നിരവധി അധ്യാപക തസ്തിക വര്ദ്ധിക്കുകയും നഷ്ടപ്പെടുകയും ചെയ്യുന്ന സഹാചര്യവും അധ്യാപകരുടെ പുനര്വിന്യാസം ഉണ്ടാക്കുന്ന പ്രതിസന്ധിയും കണക്കിലെടുത്താണ് സര്ക്കാര് ഹൈക്കോടതി വിധിയെ മറികടക്കാന് ശ്രമിക്കുന്നത്. 25000ത്തില് പരം അധ്യാപകരുടെ പുനര്വിന്യാസം സങ്കീര്ണതക്കൊപ്പം വലിയ സാമ്പത്തിക […]
നെടുങ്കണ്ടം കസ്റ്റഡി കൊലപാതകം അന്വേഷിക്കുന്ന ക്രൈംബ്രാഞ്ച് സംഘത്തിന്റെ അന്വേഷണ റിപ്പോര്ട്ട് ഉടന് സമര്പ്പിക്കും. ക്രൈംബ്രാഞ്ച് കസ്റ്റഡിയിലെടുത്ത ഒന്നാംപ്രതി എസ്.ഐ കെ.എ സാബുവിന്റെ മൊഴിയുടെ അടിസ്ഥാനത്തില് ഇടുക്കി എസ്.പി ആയിരുന്ന കെ.ബി വേണുഗോപാലിനെ അന്വേഷണ സംഘം ചോദ്യം ചെയ്തേക്കും. രാജ്കുമാറിന്റെ കസ്റ്റഡി കൊലപാതകത്തില് കൂടുതല് അറസ്റ്റ് ഉണ്ടായേക്കും. നെടുങ്കണ്ടം സാമ്പത്തിക തട്ടിപ്പ് കേസിലെ പ്രതി രാജ്കുമാറിന്റെ കസ്റ്റഡി കൊലപാതകത്തില് ഒന്നാം പ്രതി എസ്.ഐ കെ.എ സാബുവിന്റെ വിശദമായ ചോദ്യം ചെയ്യലില് കൂടുല് അറസ്റ്റ് ഉണ്ടായേക്കുമെന്നാണ് സൂചന. കസ്റ്റഡി കാലാവധി […]
കേന്ദ്ര നിയമം അനുസരിച്ച് സ്കൂള് ഘടനയിൽ മാറ്റം വരുത്തണമെന്ന ഹൈക്കോടതി വിധി സംസ്ഥാനത്തെ വിദ്യാഭ്യാസ മേഖലയില് സങ്കീർണമായ സ്ഥിതിവിശേഷം സൃഷ്ടിക്കും. ഇരുപത്തി അയ്യായിരത്തോളം അധ്യാപകരെ പുനർവിന്യസിക്കേണ്ടി വരും. ഹൈക്കോടതി വിധിക്കെതിരെ അപ്പീൽ നല്കണമെന്നാണ് അധ്യാപക സംഘടനകളുടെ ആവശ്യം. ഹൈക്കോടതി വിധി നടപ്പിലാക്കിയാൽ എൽ.പി സ്കൂളുകളിൽ തസ്തിക കൂടുകയും ഹൈസ്കൂളുകളിൽ തസ്തിക കുറയുകയും ചെയ്യും. ഇതോടെ ഇവരുടെ പുനർവിന്യാസം വലിയ പ്രശ്നങ്ങളിലേക്ക് നീങ്ങും. എന്നാൽ മാനേജ്മെന്റുകള്ക്ക് പുതിയ നിയമനങ്ങൾക്ക് അവസരമൊരുങ്ങും. വിദ്യാഭ്യാസ അവകാശ നിയമം നിലവിൽ വന്ന സമയത്ത് […]
തിരുവനന്തപുരം ശ്രീപത്മനാഭസ്വാമി ക്ഷേത്രത്തിന് സമീപത്തെ സ്വകാര്യ ഗോശാല ഭാരവാഹികള്ക്കെതിരെ നടപടി സ്വീകരിക്കുമെന്ന് മന്ത്രി കെ രാജു. ആവശ്യമെങ്കില് കന്നുകാലികളെ സര്ക്കാര് ഏറ്റെടുക്കുമെന്നും മന്ത്രി വ്യക്തമാക്കി. സുരേഷ് ഗോപി എം.പി ഉള്പ്പെടെയുള്ളവര് അംഗമായ സ്വകാര്യ ട്രസ്റ്റ് നടത്തുന്ന ഗോശാലയിലെ പശുക്കളാണ് ദുരിതത്തിലായത്. പത്മനാഭസ്വാമി ക്ഷേത്രത്തിലെ പാലഭിഷേകത്തിന് പാല് നല്കാനെന്ന പേരിലാണ് സ്വകാര്യ ട്രസ്റ്റ് ക്ഷേത്ര പരിസരത്ത് ഗോശാല ആരംഭിച്ചത്. ആദ്യ കാലത്ത് നല്ല രീതിയില് പ്രവര്ത്തിച്ചെങ്കിലും പിന്നീട് ഭക്ഷണം പോലും നല്കാതെയായി. കീറിയ ടാര്പോളിന് കെട്ടിയ ഷെഡിലാണ് […]
മെഡിക്കല് കൌണ്സിലിന്റെ പരിശോധനക്കായി വാടകയ്ക്ക് രോഗികളെ എത്തിച്ചതിലൂടെ വിവാദമായ എസ്.ആര് മെഡിക്കല് കോളജില് ആറ് വിദ്യാര്ഥികളെ പുറത്താക്കാന് നീക്കം. മെഡിക്കല് കൌണ്സില് പരിശോധന തടസപ്പെടുത്താന് ശ്രമിച്ചെന്നാരോപിച്ച് വിദ്യാര്ഥികള്ക്ക് കോളജ് കാരണം കാണിക്കല് നോട്ടീസ് നല്കി. വാടകയ്ക്ക് രോഗികളെ എത്തിച്ച സംഭവം പുറത്തെത്തിച്ചതിനാണ് മാനേജ്മെന്റിന്റെ പ്രതികാര നടപടി. മെഡിക്കല് കൌണ്സിലിന്രെ പരിശോധന തടസപ്പെടുത്തിയെന്ന ആരോപണമാണ് എസ്.ആര് മെഡിക്കല് കോളജിലെ ആറ് വിദ്യാര്ഥികള്ക്ക് നല്കിയ കാരണം കാണിക്കല് നോട്ടീസില് ഉന്നയിച്ചിരിക്കുന്നത്. ഡോക്ടര്മാരോ രോഗികളോ ഇല്ലാത്ത മെഡിക്കല് കോളജ് എം.സി.ഐ പരിശോധനയില് […]
വയനാട് മുത്തങ്ങയിൽ ലോറിയിടിച്ച് പരിക്കേറ്റ കാട്ടാനയ്ക്ക് ചികിത്സ നൽകാനായി മയക്കുവെടി വെച്ചു. കുങ്കി ആനകളുടെ സഹായത്തോടെ ആനക്കൂട്ടത്തെ അകറ്റി ചികിത്സ നൽകുകയാണ്. ഇന്നലെ അര്ധരാത്രിയാണ്ചരക്ക് ലോറിയിടിച്ച് കാട്ടാനക്ക് ഗുരുതരമായി പരിക്കേറ്റത്. കഴിഞ്ഞ ദിവസം രാത്രി എട്ട് മണിയോടെയാണ് കോഴിക്കോട് മൈസൂർ ദേശീയ പാതയിലെ പൊൻകുഴി വനമേഖലയിൽ വെച്ച് കാട്ടാനയെ ചരക്കുലോറി ഇടിച്ചിട്ടത്. പരിക്കേറ്റ പിടിയാന കാട്ടിലേക്ക് കടന്നെങ്കിലും കുങ്കിയാനകളുടെ സഹായത്തോടെ വനംവകുപ്പ് ഉദ്യോഗസ്ഥർ മയക്കുവെടി വെച്ച് ആനയ്ക്ക് ചികിത്സ നൽകി. ഗുരുതരമായി പരിക്കേറ്റ ആന ആരോഗ്യം വീണ്ടെടുക്കാൻ […]
കേരളത്തിലെ പ്രാഥമിക വിദ്യാഭ്യാസ മേഖലയില് ഘടനാമാറ്റം നടപ്പാക്കണമെന്ന് ഹൈക്കോടതി. കേന്ദ്ര വിദ്യാഭ്യാസ അവകാശ നിയമത്തിലെ ഘടനയിലേക്ക് മാറണമെന്നാണ് ഹൈക്കോടതി ഫുള്ബെഞ്ചിന്റെ ഉത്തരവ്. ഇതനുസരിച്ച് അഞ്ചാം ക്ലാസ് എല്.പി വിഭാഗത്തിലേക്കും എട്ടാം ക്ലാസ് യു.പി വിഭാഗത്തിലേക്കും മാറും. 2009ലെ കേന്ദ്ര വിദ്യാഭ്യാസ അവകാശ നിയമത്തിനനുസരിച്ച് കേരളത്തിലെ സ്കൂളുകളില് ഘടനാ മാറ്റം നടപ്പാക്കണമെന്ന് ആവശ്യപ്പെട്ട് നാൽപതോളം സ്കൂൾ മാനേജ്മെൻറുകൾ നൽകിയ ഹരജികളിലാണ് ഹൈക്കോടതി ഉത്തരവ്. കേന്ദ്ര വിദ്യാഭ്യാസ അവകാശ നിയമമനുസരിച്ച് എൽ.പി ഒന്നു മുതൽ 5 വരെയും യു.പി ആറ് […]
വയനാട്ടിൽ വീണ്ടും കർഷക ആത്മഹത്യ. വയനാട് മുള്ളൻകൊല്ലി ചുളുകോട് എങ്കിട്ടൻ ആണ് വിഷം കഴിച്ച് മരിച്ചത്. കടബാധ്യത മൂലമാണ് ആത്മഹത്യയെന്ന് ബന്ധുക്കള് പറഞ്ഞു. ഇയാള്ക്ക് മൂന്ന് ലക്ഷത്തോളം രൂപയുടെ കടബാധ്യതയുണ്ടെന്നും ബന്ധുക്കള് പറഞ്ഞു.