Kerala

അന്വേഷണം സി.ബി.ഐയ്ക്ക് വിടണമെന്നാവശ്യപ്പെട്ട് ഉദ്യോഗാർത്ഥികൾ നൽകിയ ഹരജിയിലാണ് കോടതി നിർദേശം. സംസ്ഥാന ഏജന്‍സി അന്വേഷിച്ചാല്‍ കേസ് തെളിയില്ലെന്നും അതിനാല്‍ കേന്ദ്ര ഏജന്‍സി തന്നെ അന്വേഷിക്കണമെന്നുമാണ് ഹരജിയിലെ ആവശ്യം. തിരുവനന്തപുരം യൂണിവേഴ്‌സിറ്റി കോളേജിലെ മുന്‍ എസ്.എഫ്‌.ഐ നേതാക്കള്‍ ഉള്‍പ്പെടെയുള്ളവര്‍ പ്രതികളായ പൊലീസ് കോണ്‍സ്റ്റബിള്‍ ബറ്റാലിയനിലേക്കു നടന്ന പരീക്ഷയിലാണ് സി.ബി.ഐ അന്വേഷണാവശ്യം ഉയർന്നിരിക്കുന്നത്. ചോദ്യപേപ്പർ ചോർച്ച ഗൗരവതരമാണെന്ന് വാദത്തിനിടെ കോടതി നിരീക്ഷിച്ചു. കേസ് ഏറ്റെടുക്കുന്നത് സംബന്ധിച്ച് നിലപാട് അറിയിക്കാനാണ് ഹൈക്കോടതി സി.ബി.ഐയ്ക്കും നോട്ടീസ് അയച്ചത്. ചോദ്യപേപ്പർ ചോർച്ച കേസ്‌ അന്വേഷണം […]

പൂർണ്ണ അഴിമതി വിമുക്ത സംസ്ഥാനമാക്കി മാറ്റുമെന്ന പ്രഖ്യാപനത്തോടെ മുഖ്യമന്ത്രി പിണറായി വിജയന്റെ പാലയിലെ തെരഞ്ഞെടുപ്പ് പ്രചരണത്തിന് തുടക്കം. ആര് അഴിമതി കാട്ടിയാലും കർശന നടപടി ഉണ്ടാവും. കിഫ്ബിയുമായി ബന്ധപ്പെട്ട് പ്രതിപക്ഷ നേതാവ് നടത്തിയ ആരോപണങ്ങളെ മുഖ്യമന്ത്രി തള്ളി. മൂന്നേകാൽ വർഷം മുമ്പ് മലയാളികൾ നിരാശയിലായിരുന്നുവെന്ന് പറഞ്ഞായിരുന്നു മുഖ്യമന്ത്രി തെരഞ്ഞെടുപ്പ് പ്രചരണം തുടങ്ങിയത്. തുടർന്ന് യു.ഡി.എഫ് സർക്കാരിന്റെ കാലത്ത് കേരളം പിന്നോട്ട് പോയ കാർഷിക മേഖലയിലടക്കം ഈ സർക്കാർ വരുത്തിയ മാറ്റങ്ങൾ എണ്ണി പറഞ്ഞു. യു.ഡി.എഫിന്റെ കാലത്ത് അഴിമതിയുടെ […]

സംഗീതജ്ഞന്‍ ബാലഭാസ്കറിന്റെയും മകളുടെയും മരണത്തക്കുറിച്ചുള്ള അന്വേഷണം സി.ബി.ഐക്ക് വിട്ടേക്കും. കുടുംബത്തിന്റെ ആവശ്യം പരിഗണിച്ച് സി.ബി.ഐക്ക് കൈമാറുന്നതില്‍ എതിര്‍പ്പില്ലെന്ന് അറിയിച്ച് ഡി.ജി.പി സര്‍ക്കാരിന് റിപ്പോര്‍ട്ട് നല്‍കും. അമിതവേഗം മൂലമുള്ള സ്വാഭാവിക അപകടമരണമെന്ന ക്രൈംബ്രാഞ്ച് കണ്ടെത്തല്‍ ഡി.ജി.പിയും ശരിവെച്ചു. തൃശൂരില്‍ നിന്ന് തിരുവനന്തപുരത്തേക്കുള്ള യാത്രക്കിടെ വാഹനം വഴിയരികിലെ മരത്തിലിടിച്ച് കയറിയാണ് ബാലഭാസ്കറും മകളും മരിച്ചത്. അപകട സമയത്ത് മണിക്കൂറില്‍ 110 കിലോമീറ്ററോളം വേഗത്തിലായിരുന്നു ബാലഭാസ്കറും കുടുംബവും സഞ്ചരിച്ച കാര്‍. ആസൂത്രിത അപകടത്തിന്റെ ലക്ഷണങ്ങളൊന്നുമില്ലെന്ന് ശാസ്ത്രീയ പരിശോധനയില്‍ സ്ഥിരീകരിച്ചതായും ക്രൈംബ്രാഞ്ച് പറയുന്നു. […]

ഹൈക്കോടതിയില്‍ നിന്ന് നിയമപരമായ പൂര്‍ണ അനുമതി കിട്ടിയ ശേഷമാണ് മരടില്‍ ഫ്ലാറ്റ് നിര്‍മാണം തുടര്‍ന്നതെന്ന് ജെയിന്‍ കണ്‍സ്ട്രക്ഷന്‍സ്. ഫ്ലാറ്റ് പൊളിയ്ക്കുക എന്നത് വലിയ ദുരന്തമാണ്. ഫ്ലാറ്റുകളില്‍ നിന്ന് പുറത്താക്കപ്പെടുന്ന കുടുംബങ്ങളെ സഹായിക്കുമെന്നും വൈസ് ചെയര്‍മാന്‍ ആര്‍. വാസുദേവന്‍ മീഡിയവണിനോട് പറഞ്ഞു.

പൊലീസിനെ നവീകരിക്കാന്‍ മാര്‍ഗനിര്‍ദ്ദേശവുമായി ഡി.ജി.പി. പൊലീസിനെ ജനകീയവത്കരിക്കുന്നതിന് നിര്‍ദ്ദേശങ്ങള്‍ നല്കികൊണ്ട് ഡി.ജി.പി ജില്ലാ പൊലീസ് മേധാവികള്‍ക്ക് ഉത്തരവ് കൈമാറി. സ്റ്റേഷനില്‍ വരുന്ന പരാതിക്കാരോട് മാന്യമായി പെരുമാറുക. ജോലി ചെയ്യുന്ന സ്ഥലത്തിന്റെ ചരിത്രത്തെക്കുറിച്ചടക്കം പഠിക്കുക. ഉന്നത പൊലീസ് ഉദ്യോഗസ്ഥര്‍ സാധാരണക്കാരുമായി ഇടപെടുക പരാതികളിലെ നടപടി താമസിപ്പിക്കാതിരിക്കുക ഇത്തരത്തില്‍ നിരവധി നിര്‍ദ്ദേശങ്ങളാണ് നല്കിയിരിക്കുന്നത്. നേരത്തെ മുഖ്യമന്ത്രി വിളിച്ച യോഗത്തിന്റെ അടിസ്ഥാനത്തിലാണ് ഡി.ജി.പിയുടെ നിര്‍ദ്ദേശം.

കെ.എം മാണിയുള്‍പ്പടെയുള്ള യുഡിഎഫ് നേതാക്കള്‍ക്കെതിരെ വ്യാജ ആരോപണങ്ങള്‍ ഉന്നയിച്ച എല്‍.ഡി.എഫിന് ബാർ കോഴ വിവാദം പാലായില്‍ ചർച്ച ചെയ്യാന്‍ താല്‍പര്യമില്ലെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. രാഷ്ട്രീയമായി തന്നെ പാലാ ഉപതെരഞ്ഞെടുപ്പിനെ നേരിടുമെന്നും ഉമ്മന്‍ ചാണ്ടി ആവർത്തിച്ചു. പ്രചാരണ പ്രവർത്തനങ്ങളില്‍ പിജെ ജോസഫും പങ്കാളിയാണ്. കഴിഞ്ഞ തെരഞ്ഞെടുപ്പില്‍ ഉന്നയിച്ച ബാർകോഴ വിഷയം ഇത്തവണ എല്‍ എഡി എഫ് ചർച്ചയാക്കുന്നില്ല. വ്യാജപ്രചാരണങ്ങളെന്ന് ജനം തിരിച്ചറിഞ്ഞെന്നും ഉമ്മന്‍ ചാണ്ടി. പ്രളയ ദുരിതാശ്വാസത്തില്‍ സംസ്ഥാന സർക്കാർ ദയനീയമായി പരാജയപ്പെട്ടുവെന്നും ശബരിമല വിഷയത്തില്‍ […]

സംസ്ഥാനത്താദ്യമായി എ.ഐ.എ.ഡി.എം.കെ അംഗം പഞ്ചായത്ത് പ്രസിഡന്റ് സ്ഥാനത്തേക്ക് തെരഞ്ഞെടുക്കപ്പെട്ടു. ഇടുക്കി പീരുമേട് ഗ്രാമപഞ്ചായത്തിലാണ് സ്ഥാനത്താദ്യമായി എ.ഐ.എ.ഡി.എം.കെ അംഗം പഞ്ചായത്ത് പ്രസിഡന്റ് സ്ഥാനത്തേക്ക് തെരഞ്ഞെടുക്കപ്പെട്ടത്. ഇടുക്കി പീരുമേട് ഗ്രാമപഞ്ചായത്തിലാണ് യു.ഡി.എഫ് പിന്തുണയോടെ എ.ഐ.എ.ഡി.എം.കെയുടെ എസ് പ്രവീണ പ്രസിഡന്റ് പദവിയിലെത്തിയത്. ഇതോടെ പഞ്ചായത്തിന്റെ ഭരണം യു.ഡി.എഫ് പിടിച്ചെടുത്തു. പീരുമേടില്‍ നാല് വര്‍ഷത്തിനിടെ അഞ്ച് പേരാണ് പ്രസിഡന്റ് സ്ഥാത്തെത്തിയത്. രണ്ട് കോണ്‍ഗ്രസ് അംഗങ്ങള്‍ കൂറുമാറിയതോടെയായിരുന്നു യു.ഡി.എഫിന് ഭരണം നഷ്ടമായത്. പിന്നീട് നടന്ന രാഷ്ട്രീയ നാടകങ്ങള്‍ക്കൊടുവില്‍ യു ഡി എഫ് ഭരണം തിരിച്ച് […]

ഇടത് മുന്നണിയെ പ്രതിസന്ധിയിലാക്കി എന്‍.സി.പിയിലെ തര്‍ക്കം തുടരുന്നു. പാലായിലും ഉഴവൂര്‍ വിജയന്‍ വിഭാഗം രാജി വയ്ക്കാന്‍ തയ്യാറെടുക്കുകയാണ്. അതേസമയം നേരത്തെ സ്ഥാനാര്‍ഥിയാകാന്‍ രംഗത്ത് എത്തിയ സാബു എബ്രഹാം മാണി സി. കാപ്പന് പിന്തുണയുമായി മുന്നോട്ട് വന്നിട്ടുണ്ട്. പുതുപ്പള്ളി നിയോജക മണ്ഡലം കമ്മിറ്റിയിലുള്ളവരാണ് കഴിഞ്ഞ ദിവസം രാജിവെച്ചത്. ഇതിന് പിന്നാലെയാണ് പാലാ നിയോജക മണ്ഡലത്തിലും ഉഴവൂര്‍ വിഭാഗം അനുകൂലികള്‍ രാജി വെക്കാന്‍ തയ്യാറെടുക്കുന്നത്. പുതുപ്പള്ളിയിലുളളവര്‍ പാര്‍ട്ടിക്കാരല്ലെന്നും രാജി തെരഞ്ഞെടുപ്പിനെ ബാധിക്കില്ലെന്നുമാണ് തോമസ് ചാണ്ടി വിഭാഗം പറയുന്നത്. എന്നാല്‍ പാലായിലുളളവര്‍ […]

പാലാ ഉപതെരഞ്ഞെടുപ്പ് പ്രചരണത്തിനായി മുഖ്യമന്ത്രി പിണറായി വിജയന്‍ ഇന്ന് പാലായില്‍ എത്തും. മൂന്ന് ദിവസം മാണി സി. കാപ്പന് വേണ്ടി മുഖ്യമന്ത്രി പ്രചരണത്തിനിറങ്ങും. യു.ഡി.എഫ് സ്ഥനാർത്ഥി ജോസ് ടോമിനായി എ.കെ ആന്റണിയും ഇന്ന് എത്തുന്നുണ്ട്. പി.ജെ ജോസഫും യു.ഡി.എഫിന് വേണ്ടി ഇന്ന് പ്രചരണത്തിന് എത്തും. പ്രചരണം അവസാനഘട്ടത്തിലേക്ക് കടന്നതോടെ അരയും തലയും മുറുക്കി പ്രചരണ രംഗത്ത് സജീവമായിരിക്കുകയാണ് മുന്നണികള്‍.ഏത് വിധേനയും മണ്ഡലം പിടിക്കുക എന്നതിലേക്ക് കാര്യങ്ങള്‍ എത്തിയതോടെയാണ് മുതിർന്ന നേതാക്കള്‍ തന്നെ കളത്തില്‍ ഇറങ്ങുന്നത്. എല്‍.ഡി.എഫ് സ്ഥനാർത്ഥി […]