Author: Tomy Thondamkuzhy

കശ്മീരിലെ പുൽവാമ ഭീകരാക്രമണം രാജ്യത്തിനേറ്റ കനത്ത മുറിവാണെന്ന് ഇന്ത്യൻ ടെന്നിസ് താരം സാനിയ മിർസ. ദൗർഭാഗ്യകരമായ ആക്രമണത്തിൽ കൊല്ലപ്പെട്ടവരുടെ കുടുംബത്തിന് പിന്തുണ അർപ്പിക്കുന്നതായി പറഞ്ഞ സാനിയ മിർസ, രാജ്യത്തിനായി വീരമൃത്യു വരിച്ച ആ പോരാളികളാണ് യഥാർഥ ഹീറോകളെന്നും കുറിച്ചു. പുൽവാമിൽ സി.ആര്‍.പി.എഫ് വാഹനവ്യൂഹത്തിന് നേരെയുണ്ടായ ആക്രമണത്തില്‍ 44 സൈനികര്‍ കൊല്ലപ്പെടുകയും 40ല്‍ അധികം പേര്‍ക്ക് പരിക്കേല്‍ക്കുകയും ചെയ്യുകയായിരുന്നു. സ്ഫോടക വസ്തുക്കള്‍ നിറച്ച കാര്‍, സി.ആര്‍.പി.എഫിന്റെ വാഹനവ്യൂഹത്തിലേക്ക് ഇടിച്ചുകയറ്റി സ്ഫോടനം നടത്തുകയായിരുന്നു. ജമ്മുവില്‍ നിന്ന് ശ്രീനഗറിലേക്ക് പോകുകയായിരുന്നു സൈനിക […]

കാസർകോട് പെരിയ കല്ല്യാട്ട് രണ്ട് കോൺഗ്രസ് പ്രവർത്തകരെ വെട്ടിക്കൊന്നു. കൃപേഷ്, ശരത്‌ലാല്‍ എന്നിവരാണ് കൊല്ലപ്പെട്ടത്. കൊലക്ക് പിന്നില്‍ സി.പി.എമ്മാണെന്ന് കോൺഗ്രസ് ആരോപിച്ചു. കൊലപാതകത്തില്‍‌ പ്രതിഷേധിച്ച് കാസർകോട് ജില്ലയില്‍ യു.ഡി.എഫ് ഹർത്താല്‍ ആചരിക്കും. സംസ്ഥാന വ്യാപകമായി യൂത്ത് കോൺഗ്രസും ഹർത്താലിന് ആഹ്വാനം ചെയ്തിട്ടുണ്ട്. പുല്ലൂർ പെരിയ ഗ്രാമപഞ്ചായത്തിലെ കൂരാങ്കര സ്വദേശികളായ യൂത്ത് കോൺഗ്രസ് പ്രവർത്തകരായ കൃപേഷ്, ശരത് ലാല്‍ ‍ എന്നിവരാണ് കൊല്ലപ്പെട്ടത്. പ്രദേശത്തെ പെരുങ്കളിയാട്ടത്തിന്റെ സംഘാടക സമിതി യോഗം കഴിഞ്ഞ് മടങ്ങുകയായിരുന്നു ഇരുവരും. ബൈക്കില്‍ സഞ്ചരിക്കവേ ജീപ്പിലെത്തിയ […]

ലോക്സഭാ തെരഞ്ഞെടുപ്പ് അടുത്തതോടെ സീറ്റ് വിഭജനത്തിലും സ്ഥാനാര്‍ഥി നിര്‍ണയത്തിലും യു.ഡി.എഫിനെയും കോണ്‍ഗ്രസിനെയും ഏറ്റവും അധികം സങ്കീര്‍ണ്ണമാക്കുന്ന മണ്ഡലങ്ങളിലൊന്നായിരിക്കും ചാലക്കുടി. രണ്ടാം സീറ്റെന്ന ആവശ്യവുമായി കേരളാ കോണ്‍ഗ്രസ് ചാലക്കുടിയില്‍ അവകാശവാദം ഉന്നയിച്ച് കഴിഞ്ഞു. അതേ സമയം ചാലക്കുടിയില്‍ നിന്ന് കോണ്‍ഗ്രസ് കുപ്പായത്തില്‍ മത്സരിക്കാന്‍ സ്ഥാനാര്‍ഥികളുടെ നീണ്ട നിരയാണ് കാത്തിരിക്കുന്നത് മണ്ഡല രൂപീകരണത്തിന് ശേഷം 2009ല്‍ നടന്ന ആദ്യ തെരഞ്ഞെടുപ്പില്‍ യു.ഡി.എഫിനൊപ്പമായിരുന്നു ചാലക്കുടി. കേന്ദ്രനേതൃത്വത്തിന്റെ ഒത്താശയോടെ സിറ്റിങ് എം.പിയെ മാറ്റി പി.സി ചാക്കോ മത്സരത്തിനെത്തിയതോടെ സ്വതന്ത്രസ്ഥാനാര്‍ഥിയായ ഇന്നസെന്റിലൂടെ മണ്ഡലം ഇടതുപക്ഷം […]

പാലക്കാട് കോങ്ങാട് ബസ് ഇടിച്ച് കയറി പെട്രോള്‍ പമ്പിന് തീപിടിച്ചു. ഒരു പെട്രോള്‍ ഫീഡിങ്ങ് മെഷീന്‍ പൂര്‍ണമായും കത്തിനശിച്ചു. ഇന്ന് രാവിലെയാണ് സംഭവം. ബസ് പെട്രോള്‍ പമ്പില്‍ നിന്നും പുറത്തെടുക്കുന്നതിനിടെ ഫീഡിങ് മെഷീനില്‍ ഇടിക്കുകയായിരുന്നു. തുടര്‍ന്ന് ഫീഡിങ് മെഷീന് തീപിടിച്ചു. രണ്ട് യൂണിറ്റ് ഫയര്‍ഫോഴ്സ് എത്തി തീ അണച്ചു. ഐ.ഒ.സി പമ്പിലാണ് തീപിടിത്തമുണ്ടായത്.

കാസർകോട് രണ്ട് കോണ്‍ഗ്രസ് പ്രവര്‍ത്തകരെ വെട്ടി കൊലപ്പെടുത്തിയതിൽ പ്രതിഷേധിച്ച് യൂത്ത് കോൺഗ്രസ് ആഹ്വാനം ചെയ്ത ഹര്‍ത്താല്‍ പുരോഗമിക്കുന്നു. ഹര്‍ത്താല്‍ അനുകൂലികള്‍ പലയിടങ്ങളിലും വാഹനങ്ങള്‍ തടയുന്നു. കോഴിക്കോട് പന്തീര്‍പാടത്ത് കെ.എസ്.ആര്‍.ടി.സി ബസിന് നേരെ കല്ലെറിഞ്ഞു. ആറ്റിങ്ങലില്‍ വാഹനം തടഞ്ഞവരെ പൊലീസ് അറസ്റ്റ് ചെയ്തുനീക്കി. ആറ്റുകാല്‍ പൊങ്കാല ഒരുക്കങ്ങള്‍ നടക്കുന്നതിനാല്‍ തിരുവനന്തപുരത്ത് കടകള്‍ അടപ്പിക്കില്ലെന്ന് യൂത്ത് കോണ്‍ഗ്രസ് നേതാക്കള്‍ അറിയിച്ചു. 11 മണിക്ക് യൂത്ത് കോണ്‍ഗ്രസ് പ്രവര്‍ത്തകര്‍ സെക്രട്ടറിയേറ്റ് മാര്‍ച്ച് നടത്തും. അതേസമയം ജനങ്ങളുടെ സുരക്ഷ ഉറപ്പ് വരുത്തണമെന്ന് ഡി.ജി.പി […]