Author: Tomy Thondamkuzhy

ശ്രീലങ്കയ്ക്കും കന്യാകുമാരിക്കും സമീപം രൂപമെടുത്ത ന്യൂനമര്‍ദം മഴയ്ക്കും കടല്‍ക്ഷോഭത്തിനും വഴിയൊരുക്കുമെന്ന അറിയിപ്പ് വന്നതോടെ അതീവ ജാഗ്രതയിലാണ് കേരളത്തിലെ തീരപ്രദേശത്തുളളവര്‍. ഓഖി ചുഴലിക്കാറ്റ് ഏറെ നാശം വിതച്ച ചില തീരങ്ങളില്‍ നിന്ന് മുന്‍കരുതലിന്റെ ഭാഗമായി ആളുകളെ മാറ്റിപ്പാര്‍പ്പിക്കുകയാണ്. തിരുവനന്തപുരം വലിയതുറയില്‍ നിന്ന് 19 കുടുംബങ്ങളെയാണ് മാറ്റിപ്പാര്‍പ്പിച്ചത്. ബുധനാഴ്ച മുതല്‍ തന്നെ പലയിടങ്ങളിലും ദുരിതാശ്വാസ ക്യാംപുകളും ആരംഭിച്ചിട്ടുണ്ട്. മത്സ്യബന്ധനത്തിന് പോയവരില്‍ പലരും തിരിച്ചെത്തി തുടങ്ങി. കൊല്ലം ഇരവിപുരത്ത് മാത്രം 1500ഓളം ബോട്ടുകള്‍ തിരിച്ചെത്തി. ബാക്കിയുളള ബോട്ടുകള്‍ക്കും തിരികെ എത്താന്‍ നിര്‍ദേശം […]

 സിപിഎം കൗണ്‍സിലറുടെ നേതൃത്വത്തില്‍ പത്ത് വയസുകാരന്റെ കൈ തല്ലിയൊടിച്ചു. കുട്ടിയെ രക്ഷിക്കാനെത്തിയ വീട്ടമ്മയെ ലൈംഗികമായി ഉപദ്രവിച്ചതായും, ഭര്‍ത്താവിനെ അടിച്ചു വീഴ്ത്തിയതായും പരാതിയുണ്ട്. അക്രമികള്‍ വീട്ടമ്മയുടെ വസ്ത്രങ്ങളും വലിച്ചു കീറി. കമ്ബിവടി കൊണ്ട് അടിയേറ്റ് ഗുരുതരമായി പരിക്കേറ്റ ഇവരുടെ ഭര്‍ത്താവും ആശുപത്രിയില്‍ ചികിത്സ തേടിയിരിക്കുകയാണ്. കുട്ടിക്ക് നേരെയുണ്ടായ അതിക്രമത്തില്‍ പരിശോധിച്ച്‌ നടപടി സ്വീകരിക്കുമെന്ന് സംസ്ഥാന ബാലാവകാശ കമ്മീഷന്‍ വ്യക്തമാക്കി.സംഭവത്തില്‍ പരാതി നല്‍കിയിരുന്നു. എന്നാല്‍ പൊലീസ് നടപടി സ്വീകരിക്കുന്നില്ലന്നും സി പി എം ഭീഷണി തുടരുന്നതായും വീട്ടുകാര്‍ പറയുന്നു.

ജനങ്ങളെ ആശങ്കയിലാഴ്ത്തി തെക്ക് കിഴക്കന്‍ ബംഗാള്‍ ഉള്‍ക്കടലില്‍ ‘ഫാനി’ ചുഴലിക്കാറ്റ് രൂപപ്പെട്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം. തമിഴ്‌നാട്-ആന്ധ്ര തീരത്തെ ലക്ഷ്യമാക്കി ബംഗാള്‍ ഉള്‍ക്കടലിലൂടെ മുന്നേറുമെന്നാണ് കാലാവസ്ഥ കേന്ദ്രം അറിയിച്ചിരിക്കുന്നത്. പിന്നീട് ഏപ്രില്‍ 30നോട് കൂടി അതിതീവ്ര ചുഴലിക്കാറ്റായി മാറുമെന്നും തമിഴ്‌നാട്-ആന്ധ്ര തീരത്ത് എത്തുമെന്നുമാണ്‌ മുന്നറിയിപ്പ്. ഏപ്രില്‍ 29, 30 ദിവസങ്ങളില്‍ കേരളത്തില്‍ വിവിധയിടങ്ങളില്‍ ശക്തമായ മഴയ്ക്കുള്ള സാധ്യതയുണ്ട്. തുടര്‍ന്ന്, കോട്ടയം മുതല്‍ വയനാട് വരെ എട്ട് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചിട്ടുണ്ട്. കേരളത്തില്‍ ഞായറാഴ്ച രാവിലെ […]

സംസ്ഥാനത്ത് 30,000 പഴകിയ കോഴിമുട്ടകള്‍ പിടിച്ചെടുത്തു. പൊട്ടിയതും പഴകിയതുമായ കോഴിമുട്ടകളാണ് കോഴിക്കോട് രാമനാട്ടുകരയില്‍ നിന്ന് പിടിച്ചെടുത്തത്. ഫാമുകളില്‍ നിന്നും ഒഴിവാക്കുന്ന കോഴിമുട്ടകളാണ് വില്‍പ്പനയ്ക്ക് എത്തിക്കുന്നത്. വില കുറച്ച്‌ കിട്ടുന്നതാണ് ഇത്തരം മുട്ടകള്‍ക്ക് ഡിമാന്‍ഡ് വര്‍ദ്ധിക്കാന്‍ പ്രധാന കാരണം. മലബാര്‍ മേഖലയിലെ പല ബേക്കറികളിലും കേക്ക് ഉണ്ടാക്കാന്‍ ഉപയോഗിക്കുന്നത് ഇത്തരം മുട്ടകളാണെന്നാണ് ഭക്ഷ്യസുരക്ഷാ വകുപ്പിന്റെ പരിശോധനയില്‍ കണ്ടെത്തിയത്. തമിഴ്‌നാട്ടിലെ ഫാമുകളില്‍ നിന്നാണ് തോട് പൊട്ടിയതും പഴകിയതുമായ കോഴി മുട്ടകള്‍ കേരളത്തിലെത്തിക്കുന്നത്. ഇതിനായി പ്രത്യേക ഏജന്റുമാരുണ്ടെന്നും കണ്ടെത്തിയിട്ടുണ്ട്. ഈ മുട്ടകള്‍ വില്‍പ്പന […]