India

ലോക്‌സഭാ തെരഞ്ഞെടുപ്പില്‍ ബി.ഡി.ജെ.എസിന് അഞ്ച് സീറ്റ് നല്‍കാന്‍ ഏകദേശ ധാരണ. ബി.ഡി.ജെ.എസ് സമ്മര്‍ദ്ദത്തെ തുടര്‍ന്ന് നാലു സീറ്റെന്ന കാര്യത്തില്‍ ബി.ജെ.പി വിട്ടു വീഴ്ച്ചക്ക് തയ്യാറാകുകയായിരുന്നു. മൂന്ന് സീറ്റുകള്‍ സംബന്ധിച്ച് ധാരണയാകുകയും ചെയ്തു. ഇടുക്കി, വയനാട്, ആലത്തൂര്‍ സീറ്റ് സംബന്ധിച്ചാണ് ഇപ്പോള്‍ ധാരണയായിരിക്കുന്നത്. മറ്റ് രണ്ട് സീറ്റ് സംബന്ധിച്ച് തര്‍ക്കം തുടരുകയാണ്. ബി.ജെ.പി മത്സരിക്കാന്‍ തീരുമാനിച്ച തൃശൂര്‍, പത്തനംതിട്ട, പാലക്കാട്,എറണാകുളം എന്നിവയിലേതെങ്കിലും രണ്ട് സീറ്റാണ് ബി.ഡി.ജെ.എസ് ചോദിക്കുന്നത്. എന്നാല്‍ ഈ നാലു സീറ്റും വിട്ടുനല്‍കാന്‍ കഴിയാത്ത അവസ്ഥയിലാണ് ബി.ജെ.പി. […]

പീഡന കേസില്‍ പ്രതിയായി ഒളിവില്‍ കഴിയുന്ന മതപ്രഭാഷകന്‍ ഷെഫീഖ് അല്‍ ഖാസിമിക്കായുള്ള അന്വേഷണം ഊര്‍ജിതമാക്കി പൊലീസ്. ഇന്ന് തന്നെ കീഴടങ്ങണമെന്ന് പൊലീസ് അന്ത്യശാസനം നല്‍കിയിരിക്കുകയാണ്. ഖാസിമിയുടെ ബന്ധു നൌഷാദിനായുള്ള തെരച്ചിലും പൊലീസ് ആരംഭിച്ചു. ഇന്നലെ പിടികൂടിയ ഖാസിമിയുടെ മൂന്ന് സഹോദരങ്ങള്‍ പൊലീസ് കസ്റ്റഡിയില്‍ തുടരുകയാണ്. ഷെഫീഖ് അല്‍ ഖാസിമിയുടെ സഹോദരങ്ങളായ അല്‍ അമീന്‍, അന്‍സാരി, ഷാജി എന്നിവര്‍ ഇന്നലെ മുതല്‍ പൊലീസിന്‍റെ കസ്റ്റഡിയിലാണ്. ഇന്ന് പുലര്‍ച്ചെ ഇവരെ നെടുമങ്ങാട് എത്തിച്ചെങ്കിലും ഇതുവരെ അറസ്റ്റ് രേഖപ്പെടുത്തിയിട്ടില്ല. ഇവരിലൂടെ ഖാസിമിക്ക് […]

കെവിന്‍ ദുരഭിമാനക്കൊലക്കേസില്‍ ഗാന്ധിനഗര്‍ മുന്‍ എസ്.ഐ എം.എസ് ഷിബുവിനെതിരെ നടപടി. ഷിബുവിന് ഐ.ജി വിജയ് സാക്കറെ പിരിച്ചുവിടല്‍ നോട്ടീസ് നല്‍കി. ഷിബു കൃത്യവിലോപം നടത്തിയെന്ന് ഐ.ജി നേരിട്ട് നടത്തിയ അന്വേഷണത്തില്‍ കണ്ടെത്തിയതിനെ തുടര്‍ന്നാണ് നടപടി. കെവിന്‍ കേസില്‍ കൈക്കൂലി വാങ്ങിയ എ.എസ്.ഐയെ പിരിച്ചുവിട്ടു കെവിനെ കാണാതായതിന് പിന്നാലെ പരാതിയുമായി അച്ഛന്‍ ജോസഫും നീനുവും ഗാന്ധിനഗര്‍ പൊലീസ് സ്‌റ്റേഷനില്‍ എത്തിയിരുന്നു. എന്നാല്‍ മുഖ്യമന്ത്രിയുടെ പരിപാടിയുണ്ടെന്ന കാരണം പറഞ്ഞ് എസ്.ഐ ഷിബു പരാതിയില്‍ കാര്യമായ നടപടി സ്വീകരിച്ചില്ല. തട്ടിക്കൊണ്ട് പോയത് […]

കൊച്ചി ആലുവ പെരിയാര്‍ നദിയില്‍ യുവതിയുടെ മൃതദേഹം കണ്ടെത്തിയ സംഭവത്തില്‍ പുതിയ വഴിത്തിരിവ്. മൃതദേഹം പൊതിയാന്‍ ഉപയോഗിച്ച പുതപ്പ് വാങ്ങിയ കട പൊലീസ് കണ്ടെത്തി. പുതപ്പ് വാങ്ങാനെത്തിയത് ഒരു സ്ത്രീയും പുരുഷനുമാണെന്നാണ് കടയുടമ പറയുന്നത്. അലുവ പെരിയാര്‍ നദിയില്‍ കഴിഞ്ഞ ദിവസമാണ് യുവതിയുടെ മൃതദേഹം പുതപ്പില്‍ പൊതിഞ്ഞ് ഉപേക്ഷിച്ച നിലയില്‍ കണ്ടെത്തിയത്. കല്ല് കെട്ടി താഴ്ത്താന്‍ ശ്രമിച്ച നിലയിലായിരുന്നു മൃതദേഹം. പോസ്റ്റ്മോര്‍ട്ടം റിപ്പോര്‍ട്ടില്‍ യുവതിയുടെ വായില്‍ തുണി തിരുകി ശ്വാസം മുട്ടിച്ച് കൊന്നതാണെന്ന് വ്യക്തമായിരുന്നു. കേസുമായി ബന്ധപ്പെട്ട് […]

കോട്ടയം സീറ്റിൽ ആര് മത്സരിക്കണം എന്ന കാര്യത്തില്‍ മുന്നണികള്‍ക്കുള്ളിൽ ആശയക്കുഴപ്പം തുടരുന്നു. സീറ്റ് തർക്കത്തെ ചൊല്ലി കേരളാ കോൺഗ്രസ് വിയർക്കുമ്പോൾ ജനതാദളിൽ നിന്നും സീറ്റ് കൈക്കലാക്കാനുള്ള ശ്രമമാണ് സി.പി.എം നsത്തുന്നത്. എൻ.ഡി.എ പ്രഖ്യാപിക്കും മുമ്പേ സ്വയം സ്ഥാനാർത്ഥിത്വം പി.സി തോമസ് പ്രഖ്യാപിച്ചെങ്കിലും ആശങ്കകൾ ബാക്കിയാണ്. ഇത്തവണ മൂന്ന് മുന്നണികളും ഒരുപോലെ വിജയ പ്രതീക്ഷ വെക്കുന്ന മണ്ഡലമാണ് കോട്ടയം. അതുകൊണ്ട് തന്നെ കോട്ടയത്ത് ആരെ സ്ഥാനാർത്ഥിയാക്കണമെന്ന കാര്യത്തിൽ ആശങ്കയും മുന്നണികളെ അലട്ടുകയാണ്. വിട്ട് വീഴ്ചകൾക്ക് മാണി തയ്യറായാൽ ഒരു […]

ആലുവ അത്താണിയിൽ അർധരാത്രി വനിതാ ഡോക്ടറെ തടഞ്ഞുവെച്ച് 100 പവൻ സ്വര്‍ണവും 70,000 രൂപയും കവർന്നു. ഇന്ന് പുലർച്ചെ 2.30 ഓടെയാണ് സംഭവം. ചെങ്ങമനാട് സാമൂഹിക ആരോഗ്യ കേന്ദ്രത്തിലെ ഡോക്ടർ ഗ്രേസ് മാത്യൂസിന്‍റെ സ്വര്‍ണവും പണവുമാണ് കവര്‍ന്നത്.

തമിഴ്നാട് നിന്ന് കുഞ്ഞിനെ തട്ടിക്കൊണ്ട് വന്ന് കൊലപ്പെടുത്തിയ കേസില്‍ രണ്ട് പേരെ പാലക്കാട് നോര്‍ത്ത് പൊലീസ് കസ്റ്റഡിയിലെടുത്തു. സംഭവത്തിന് പിന്നില്‍ ഭിക്ഷാടന മാഫിയയെന്ന് പൊലീസ്. കഴിഞ്ഞ മാസം 15നാണ് പാലക്കാട് ഒലവക്കോട് നിന്ന് ബാഗില്‍ ഉപേക്ഷിച്ച നിലയില്‍ കുഞ്ഞിന്റെ മൃതദേഹം ലഭിച്ചത്.