 | |  |
ദേശീയപാത വികസന വിഷയത്തില് കേന്ദ്ര സര്ക്കാരിനെതിരെ മുഖ്യമന്ത്രി പിണറായി വിജയന്. ദേശീയപാത വികസനമെന്ന ചിരകാലാഭിലാഷത്തിന്റെ ചിറകരിയുന്ന നടപടിയാണ് കേന്ദ്ര സര്ക്കാരിന്റെ ഭാഗത്തുനിന്നുണ്ടായത്. ഈ സര്ക്കാരിന്റെ കാലയളവില് ദേശീയ പാതാവികസനം നടക്കാത്ത സാഹചര്യമാണുള്ളത്. ബി.ജെ.പി സംസ്ഥാന അധ്യക്ഷന് പി.എസ് ശ്രീധരന് പിള്ള കേന്ദ്രമന്ത്രിക്ക് അയച്ച കത്ത് ഞെട്ടലുളവാക്കുന്നതാണെന്നും മുഖ്യമന്ത്രി പറഞ്ഞു.
തിരുവനന്തപുരത്ത് എസ്.എസ്.എല്.സി പരീക്ഷക്ക് മാര്ക്ക് കുറഞ്ഞതിന് മകനെ മര്ദ്ദിച്ച പിതാവ് അറസ്റ്റില്. കിളിമാനൂര് തട്ടത്തുമല സ്വദേശി സാബുവാണ് അറസ്റ്റിലായത്. മാതാവിന്റെ പരാതിയിലാണ് പൊലീസ് നടപടി.
തൃശൂര് പൂരത്തിന് മാലപ്പടക്കം ഉപയോഗിക്കാന് അനുമതി നല്കാന് സുപ്രീം കോടതി നിര്ദേശം. കേന്ദ്ര ഏജന്സിയായ പെസോക്കാണ് സുപ്രീം കോടതി നിര്ദേശം നല്കിയത്. ജസ്റ്റിസ് എസ്.എ ബോബ്ഡെ അധ്യക്ഷനായ ബെഞ്ചിന്റേതാണ് നിര്ദേശം.
പി.പി സുനീറിനെതിരെ ആരോപണം ഉന്നയിച്ച പി.വി അന്വര് എം.എല്.എക്കെതിരെ നടപടിയെടുക്കണമെന്ന് സി.പി.ഐ,സി.പി.എം നേതൃത്വത്തോട് ആവശ്യപ്പെട്ടു. കോടിയേരി ബാലകൃഷ്ണനെ നേരില് കണ്ട് കാനം രാജേന്ദ്രനാണ് പാര്ട്ടിയുടെ നിലപാട് അറിയിച്ചത്.പാര്ട്ടി പറഞ്ഞാല് പി.വി അന്വറിനെതിരെ മാനനഷ്ടക്കേസ് നല്കുമെന്ന് പി.പി സുനീര് മീഡിയവണിനോട് വ്യക്തമാക്കി.
ബിഹാറില് വോട്ടിങ് യന്ത്രങ്ങള് ഹോട്ടല് മുറിയില് കണ്ടെത്തി. മുസാഫര്പൂരിലെ ഹോട്ടല്മുറിയിലാണ് വോട്ടിങ് യന്ത്രങ്ങള് കണ്ടെത്തിയത്. രണ്ട് ബാലറ്റിങ് യൂണിറ്റും ഒരു കണ്ട്രോള് യൂണിറ്റും പരിശോധനയില് കണ്ടെത്തി. രണ്ട് വിവിപാറ്റ് യന്ത്രങ്ങളും പിടിച്ചെടുത്തിട്ടുണ്ട്.
വിവിപാറ്റ് കേസ് വിധി പുനഃപരിശോധിക്കണം എന്നാവശ്യപ്പെട്ടുള്ള പ്രതിപക്ഷ പാർട്ടികളുടെ ഹരജി സുപ്രീം കോടതി തള്ളി. 21 പ്രതിപക്ഷ പാര്ട്ടികള് സമര്പ്പിച്ച ഹരജികളാണ് ചീഫ് ജസ്റ്റിസ് അധ്യക്ഷനായ തുറന്ന കോടതി ബെഞ്ച് തള്ളിയത്. ഒരു നിയമസഭാ മണ്ഡലത്തിലെ അഞ്ച് ബൂത്തുകളിലെ വിവിപാറ്റ് എണ്ണിയത് കൊണ്ട് കാര്യമായ മാറ്റം ഉണ്ടാകില്ലെന്നായിരുന്നു ഹരജിയിലെ വാദം. ഈ ലോക്സഭാ തെരെഞ്ഞെടുപ്പില് വോട്ടെണ്ണുമ്പോള് ഒരു മണ്ഡലത്തിലെ 50 ശതമാനം വിവി.പാറ്റ് റസീതുകളെങ്കിലും എണ്ണണം എന്നാണ് കോണ്ഗ്രസ്, സി.പി.എം, ടി.ഡി.പി, ബി.എസ്.പി, എന്.സി.പി, തൃണമൂല് കോണ്ഗ്രസ് […]
വിവിപാറ്റ് കേസ് വിധി പുനഃപരിശോധിക്കണം എന്നാവശ്യപ്പെട്ടുള്ള പ്രതിപക്ഷ പാർട്ടികളുടെ ഹരജി സുപ്രീം കോടതി ഇന്ന് പരിഗണിക്കും. ചീഫ് ജസ്റ്റിസ് അധ്യക്ഷനായ ബഞ്ച് തുറന്ന കോടതിയിലാണ് വാദം കേൾക്കുന്നത്. ഒരു നിയമസഭാ മണ്ഡലത്തിലെ അഞ്ച് ബൂത്തുകളിലെ വിവിപാറ്റ് എണ്ണിയത് കൊണ്ട് കാര്യമായ മാറ്റം ഉണ്ടാകില്ലെന്നാണ് ഹരജിയിലെ വാദം. ഈ ലോക്സഭാ തെരെഞ്ഞെടുപ്പില് വോട്ടെണ്ണുമ്പോള് ഒരു മണ്ഡലത്തിലെ 50 ശതമാനം വിവി.പാറ്റ് റസീതുകളെങ്കിലും എണ്ണണം എന്നാണ് കോണ്ഗ്രസ്,സി.പി.എം,ടി.ഡി.പി, ബി.എസ്.പി, എന്.സി.പി, തൃണമൂല് കോണ്ഗ്രസ് അടക്കമുള്ള 21 പ്രതിപക്ഷ പാര്ട്ടികളുടെ ആവശ്യം. […]
ലോക്സഭാ തെരഞ്ഞെടുപ്പിന്റെ അഞ്ചാംഘട്ട വോട്ടെടുപ്പ് അവസാനിച്ചു. തെരഞ്ഞെടുപ്പ് കമ്മീഷന് ഇതുവരെ പുറത്തുവിട്ട കണക്കുകള് പ്രകാരം 63 ശതമാനം പേരാണ് വോട്ട് രേഖപ്പെടുത്തിയത്. ഏഴ് സംസ്ഥാനങ്ങളിലായി 51 മണ്ഡലങ്ങളിലാണ് വോട്ടെടുപ്പ് നടന്നത്. സോണിയ ഗാന്ധി, രാഹുല് ഗാന്ധി, രാജ്നാഥ് സിംഗ് എന്നിവരാണ് ഇന്ന് ജനവിധി തേടിയ പ്രമുഖര്. ഈ ഘട്ടം തെരഞ്ഞെടുപ്പോടെ രാജസ്ഥാനിലും ജമ്മു കശ്മീരിലും വോട്ടെടുപ്പ് അവസാനിച്ചു. മധ്യപ്രദേശിലും ബംഗാളിലും ഏഴ് സീറ്റിലും ജാര്ഘണ്ഡില് നാലിടത്തും ബീഹാറില് അഞ്ച് മണ്ഡലങ്ങളിലുമാണ് അഞ്ചാംഘട്ടത്തില് തെരഞ്ഞെടുപ്പ് നടന്നത്. ഇത്തവണ വോട്ടെടുപ്പ് […]
ലോക്സഭാ തെരഞ്ഞെടുപ്പില് ഒറ്റക്ക് കേവല ഭൂരിപക്ഷം നേടാനാകില്ലെന്ന് ബി.ജെ.പി ജനറല് സെക്രട്ടറി രാം മാധവ്. സഖ്യകക്ഷിയുടെ സഹായത്തോടെയാകും ഇത്തവണ സര്ക്കാര് രൂപീകരിക്കുകയെന്നും രാം മാധവ് അഭിമുഖത്തില് പറഞ്ഞു. ബി.ജെ.പിക്ക് ഒറ്റക്ക് ഭൂരിപക്ഷം കിട്ടുമെന്നായിരുന്നു നേതാക്കന്മാരുടെ ഇതുവരെയുള്ള അവകാശവാദം. ബി.ജെ.പി അധ്യക്ഷന് അമിത് ഷായും കേന്ദ്രമന്ത്രി അരുണ് ജെയ്റ്റിലിയും നേരത്തെ ഇത് അവകാശപ്പെട്ടിരുന്നു. എന്നാല് ഈ അവകാശവാദങ്ങളെ തള്ളുന്ന പരാമര്ശം കൂടിയാണ് ഇന്നലെ നല്കിയ അഭിമുഖത്തില് രാം മാധവ് നടത്തിയത്. അമിത് ഷായും അരുണ് ജെയ്റ്റിയും നടത്തിയിരുന്ന അവകാശ […]
എസ് എസ് എൽ സി പരീക്ഷയിൽ 31 സ്കൂളുൾ നൂറു ശതമാനം വിജയം കൈവരിച്ചതിലൂടെ സംസ്ഥാനത്തെ ഏറ്റവും മികച്ച വിദ്യാഭ്യാസ ജില്ലയായി മാറിയിരിക്കുകയാണ് കുട്ടനാട് . 99.1 ശതമാനം വിദ്യാർത്ഥികളും വിജയിച്ചതോടെയാണ് ഈ അഭിമാന നേട്ടത്തിന് കേരളത്തിന്റെ നെല്ലറ അർഹരായത്. ഏറ്റവും നിർണായകമായ അദ്ധ്യയന ദിവസങ്ങളാണ് കുട്ടനാട്ടിലെ വിദ്യാർത്ഥികൾക്ക് മഹാ പ്രളത്തിൽ നഷ്ടമായത്. പാഠപുസ്തകങ്ങളും പഠനോപകരണങ്ങളും നശിച്ച അവർ മാസങ്ങളോളമാണ് ദുരിതാശ്വാസ ക്യാമ്പുകളിൽ താമസിക്കേണ്ടി വന്നത്. പക്ഷെ ഒരു പരീക്ഷണങ്ങളിലും പരാജയപ്പെടാൻ ആ വിദ്യാർത്ഥികൾ ഒരുക്കമായിരുന്നില്ല . […]