 | |  |
തിരുവനന്തപുരം വട്ടപ്പാറയില് ഈ മാസം 12ന് മരിച്ച വിനോദിന്റേത് കൊലപാതകമെന്ന് പൊലീസ്.ഭാര്യയുടെ സുഹൃത്ത് മനോജാണ് കൊലപ്പെടുത്തിയതെന്ന് ആറു വയസുകാരനായ മകന് മൊഴി നല്കി.മനോജ് വിനോദിനെ കുത്തിക്കൊലപ്പെടുത്തുകയായിരുന്നുവെന്നാണ് കുട്ടിയുടെ മൊഴി. കുടുംബ വഴക്കിനെ തുടര്ന്നുള്ള ആത്മഹത്യയാണെന്നായിരുന്നു ആദ്യ വിവരം.
പത്താം ക്ലാസ് ജയിച്ച വിദ്യാർഥികൾക്ക് ടി.സി. നൽകാൻ പ്ലസ് വൺ -പ്ലസ് ടു ഫീസ് ഒരുമിച്ചടക്കണമെന്ന് സ്വകാര്യ സ്കൂൾ ആവശ്യപ്പെട്ടതായി പരാതി .നിലമ്പൂർ ഗുഡ് ഷെപ്പേർഡ് സ്കൂളാണ് ടി.സി.നൽകുന്നതിന് ഒരു ലക്ഷത്തിലധികം രൂപ ആവശ്യപ്പെട്ടത്. ഏകജാലക സംവിധാനത്തിൽ പ്ലസ് ടുവിന് അപേക്ഷിക്കാനുള്ള സമയപരിധി ഇന്ന് അവസാനിക്കാനിരിക്കെയാണ് സ്കൂൾ മാനേജ്മെന്റിന്റെ ഭീഷണി.
പശ്ചിമബംഗാളില് അവസാനഘട്ട വോട്ടെടുപ്പിന്റെ പരസ്യപ്രചാരണം ഇന്ന് രാത്രി പത്ത് മണിക്ക് അവസാനിക്കും. വ്യാപകമായ അക്രമസംഭവങ്ങളുടെ പശ്ചാത്തലത്തില് തെരഞ്ഞെടുപ്പ് കമ്മിഷന് അസാധാരണ ഉത്തരവിലൂടെ പ്രചാരണസമയം വെട്ടിക്കുറക്കുകയായിരുന്നു. പ്രചാരണം അവസാനിക്കാനിരിക്കെ പ്രധാനമന്ത്രി നരേന്ദ്ര മോദി ബംഗാളില് ഇന്ന് തെരഞ്ഞെടുപ്പ് റാലികളില് പങ്കെടുക്കും. നോര്ത്ത് കൊല്ക്കത്തയില് ഉള്പ്പെടെ വിവിധ ഇടങ്ങളിലാണ് മുഖ്യമന്ത്രി മമത ബാനര്ജിയുടെ പ്രചാരണ പരിപാടി. ജെയ്നഗര്, ജാദവ്പൂര് ഉള്പ്പെടെ ഒമ്പത് മണ്ഡലങ്ങളിലാണ് അവസാനഘട്ടത്തില് ബംഗാളില് വോട്ടെടുപ്പ് നടക്കുന്നത്.
പെരിയ ഇരട്ടക്കൊലപാതക കേസില് വിദേശത്തേക്ക് കടന്ന പ്രതി പിടിയില്. കാസര്കോട് പാക്കം സ്വദേശി സുബീഷാണ് പിടിയിലായത്. മംഗലാപുരം വിമാനത്താവളത്തില് വെച്ചാണ് സുബീഷിനെ പിടികൂടിയത്. സംഭവത്തിനു ശേഷം ഷാര്ജയിലേക്കു കടന്ന സുബീഷിനെ വ്യാഴാഴ്ച പുലര്ച്ചെ രണ്ട് മണിയോടെയാണ് മംഗലാപുരം വിമാനത്താവളത്തില് വെച്ച് പിടിയിലായത്. കൊലപാതകത്തില് നേരിട്ട് പങ്കെടുത്ത ആളാണ് സബീഷെന്നാണ് റിപ്പോര്ട്ട്.
പരമ്പരാഗതമായി ഏക്കര് കണക്കിന് ഭൂമിയുണ്ടെങ്കിലും സ്വന്തം പേരില് ഭൂമിയില്ലാത്തതിന്റെ ദുരിതം അനുഭവിക്കുകയാണ് അട്ടപ്പാടിയിലെ ആദിവാസികള് മറ്റ് ആദിവാസി മേഖലകളില് നിന്നും വിഭിന്നമാണ് അട്ടപ്പാടിയിലെ ആദിവാസി ജീവിതം. മിക്ക ആദിവാസി കുടുംബങ്ങള്ക്കും സ്വന്തമായി ഭൂമി ഉണ്ട്. അതിന് പട്ടയവുമുണ്ട്. എന്നാല് ഈ ഭൂമി അടുത്ത തലമുറക്ക് കൈമാറാന് കഴിയില്ല. സര്ക്കാരാണ് അവകാശികള്ക്ക് ഭൂമി വിഭജിച്ച് നല്കേണ്ടത്. ഇതിന് വേണ്ടി നേരത്തെ തന്നെ തഹസില്ദാറെ ചുമതലപ്പെടുത്തിയിരുന്നു. മാത്രമല്ല സര്വേക്കും റജിസ്ട്രേഷനുമുള്ള തുകയും ട്രൈബല് വകുപ്പ് നല്കും. എന്നാല് ഭൂമി വിഭജനം […]
വാളയാര് കേസില് പ്രതികളുടെ അഭിഭാഷകനായ സി.ഡബ്യു.സി ചെയര്മാന് കേസിലെ വക്കാലത്ത് വീണ്ടും കൈമാറി. നേരത്തെ വക്കാലത്ത് ജൂനിയര് അഭിഭാഷകയുടെ പേരിലേക്ക് മാറ്റിയിട്ടും കോടതിയില് ഹാജരായത് വിവാദമായ സാഹചര്യത്തിലാണ് വീണ്ടും വക്കാലത്ത് കൈമാറിയത്. വാളയാറില് കേസിലെ പ്രതിയായ പ്രദീപ് കുമാറിന്റെ അഭിഭാഷകനായ അഡ്വ. എന് രാജേഷിനെയാണ് സി.ഡബ്യു.സി ചെയര്മാനായി സര്ക്കാര് നിയമിച്ചത്. കേസില് വക്കാലത്ത് തന്റെ ജൂനിയറിന് കൈമാറിയെങ്കിലും കേസില് കോടതിയില് ഹാജരായത് അഡ്വ. രാജേഷ് തന്നെയായിരുന്നു. ഈ വാര്ത്ത കഴിഞ്ഞ ദിവസം മീഡിയവണ് പുറത്തു വിട്ടതോടെ സാമൂഹ്യ […]
കൊല്ലം പുത്തൂരില് കോടതി വിലക്ക് മൂലം ദലിത് ക്രൈസ്തവ വൃദ്ധയുടെ മൃതദേഹം സംസ്കരിക്കാനാകാതെ കുടുംബം. ജലസ്രോതസ് മലിനമാകുന്നുവെന്ന് ചൂണ്ടിക്കാട്ടി പ്രാദേശിക ബിജെപി നേതാക്കള് കോടതിയില് നിന്ന് അനുകൂല ഉത്തരവ് സമ്പാദിച്ചതോടെയാണ് തുരുത്തിക്കര മാര്ത്തോമ പള്ളി ഇടവകക്കാര് പ്രതിസന്ധിയിലായത്. നെടിയവിള തുരുത്തിക്കര സ്വദേശിനി അന്നമ്മയുടെ മൃതദേഹമാണ് സംസ്കരിക്കാനാകാതെ മോര്ച്ചറിയില് സൂക്ഷിച്ചിരിക്കുന്നത്. തുരുത്തിക്കര ജെറുസലേം മാര്ത്തോമാ പള്ളി ഇടവകാംഗമായ അന്നമ്മ കഴിഞ്ഞ ദിവസമാണ് മരിച്ചത്. മൃതദേഹം സംസ്കരിക്കുന്നതിന് കുടുംബം തയാറെടുക്കുമ്പോഴാണ് പള്ളി സെമിത്തേരിയില് സംസ്കാരത്തിന് കോടതി വിലക്കേര്പ്പെടുത്തിയത്. ഇതിനെതുടര്ന്ന് അന്നമ്മയുടെ […]
ചെയര്മാന് സ്ഥാനത്തെ ചൊല്ലി കേരള കോണ്ഗ്രസില് ഉണ്ടായ തര്ക്കങ്ങള് പരിഹരിക്കാനുള്ള ശ്രമങ്ങള് പരാജയപ്പെടുന്നു. സി.എഫ് തോമസ് എം.എല്.എയെ ചെയര്മാനാക്കാനുളള നീക്കത്തെ ജോസ് കെ മാണി വിഭാഗം അംഗീകരിച്ചേക്കില്ല. മാണിയുടെ നാല്പത്തിയൊന്നിന് ശേഷം സംസ്ഥാന സമിതി വിളിച്ച് ഭൂരിപക്ഷം തെളിയിക്കാനാണ് ഇവരുടെ ശ്രമം. എന്നാല് മാണി വിഭാഗക്കാരായ നേതാക്കളെ ഒപ്പം കൂട്ടാനുളള ശ്രമത്തിലാണ് ജോസഫ് വിഭാഗം. ചെയര്മാന് സ്ഥാനത്തേക്ക് സി. എഫ് തോമസിനെ കൊണ്ട് വരുന്നതിനോട് പി.ജെ ജോസഫിന് താല്പര്യമുണ്ട്. അങ്ങനെ വന്നാല് പാര്ലിമെന്ററി പാര്ട്ടി സ്ഥാനവും ഡപ്യൂട്ടി […]
കശ്മീരിലെ പുല്വാമയില് സുരക്ഷാ ഉദ്യോഗസ്ഥരും ഭീകരരും തമ്മിലുണ്ടായ ഏറ്റുമുട്ടലില് മൂന്ന് ഭീകരരെ സൈന്യം വധിച്ചു. ഒരു ജവാനും ഏറ്റുമുട്ടലില് ജീവന് നഷ്ടമായി. പുല്വാമയിലെ ദലിപോരയില് ഇപ്പോഴും ഏറ്റുമുട്ടല് തുടരുകയാണ്. മേഖലയില് സുരക്ഷ ശക്തമാക്കിയിട്ടുണ്ട്.
കാസര്കോട് കള്ളവോട്ട് നടന്നെന്ന തെളിഞ്ഞ നാല് ബൂത്തുകളില് റീപോളിങിന് സാധ്യത. കല്യാശ്ശേരിയിലെ 19, 69, 79 , പയ്യന്നൂരിലെ 48 ബൂത്തുകളിലാണ് റീ പോളിങ് നടക്കാന് സാധ്യത. തെരഞ്ഞെടുപ്പ് കമ്മീഷന് പ്രഖ്യാപനം ഇന്നുണ്ടായേക്കും. ഈ മാസം 19ന് റീപോളിങ് ഉണ്ടായേക്കും.