 | |  |
സത്യപ്രതിജ്ഞക്ക് മുന്നോടിയായി ബി.ജെ.പിയുടെ പാർലമെന്ററി ബോർഡ് യോഗം ഇന്ന് നടന്നേക്കും. കാബിനറ്റ് അംഗങ്ങളുമായുള്ള കൂടിക്കാഴ്ചയും നിശ്ചയിച്ചിട്ടുണ്ട്. ഞായറാഴ്ചയോടെ സത്യപ്രതിജ്ഞ ചടങ്ങ് പൂർത്തീകരിക്കുമെന്നാണ് സൂചന. അതിന് മുന്നോടിയായി ഘടക കക്ഷികളുമായി ധാരണയിലെത്താനാണ് ബി.ജെ.പിയുടെ ശ്രമം. നാളെ സർക്കാറുണ്ടാക്കാൻ രാഷ്ട്രപതി ഏറ്റവും വലിയ ഒറ്റകക്ഷിയായ ബി.ജെ.പിയെ ക്ഷണിച്ചേക്കും.
ഇന്ത്യ വീണ്ടും വിജയിച്ചിരിക്കുന്നുവെന്ന് പ്രധാനമന്ത്രി നരേന്ദ്ര മോദി. ലോക്സഭാ തെരഞ്ഞെടുപ്പിന്റെ വോട്ടെണ്ണല് പുരോഗമിക്കുമ്പോള് ബി.ജെ.പി വന് ലീഡ് നിലനിര്ത്തുന്ന സാഹചര്യത്തിലാണ് മോദിയുടെ ആദ്യ പ്രതികരണം. “ഒരുമിച്ച് വളരാം, ഒരുമിച്ച് സമൃദ്ധി നേടാം, നമുക്ക് എല്ലാവര്ക്കും ഒരുമിച്ച് കരുത്തുറ്റ ഇന്ത്യയെ സൃഷ്ടിക്കാം. ഇന്ത്യ വീണ്ടും വിജയിച്ചു”. ഇതാണ് മോദിയുടെ ട്വീറ്റ്.
ലോകസഭാ തെരഞ്ഞെടുപ്പ് ഫലം തന്റെ മുഖത്തേറ്റ അടിയാണെന്ന് നടനും രാഷ്ട്രീയക്കാരനുമായ പ്രകാശ് രാജ്. ബംഗളൂരു സെന്ട്രലില് നിന്നും സ്വതന്ത്രസ്ഥാനാര്ഥിയായാണ് പ്രകാശ് രാജ് മത്സരിച്ചിരുന്നത്. തോല്വി ഉറപ്പിച്ചതിന് പിന്നാലെയാണ് പ്രകാശ് രാജിന്റെ ട്വീറ്റ്. ‘ഇത് എന്റെ മുഖത്തേറ്റ അടിയാണ്. കൂടുതല് ശകാരങ്ങളും ട്രോളുകളും അപമാനിക്കലുകളുമെല്ലാം വഴിയേ വരും. എങ്കിലും ഞാന് എന്റെ നിലപാടില് ഉറച്ചു നില്ക്കും. മതേതര ഇന്ത്യക്ക് വേണ്ടിയുള്ള എന്റെ പോരാട്ടം തുടരും. കഠിനമായ പോരാട്ടം തുടങ്ങിയിട്ടേയുള്ളൂവെന്ന് അറിയാം. ഈ യാത്രയില് എനിക്ക് പിന്തുണയായി ഒപ്പം നിന്നവര്ക്ക് […]
എന്.ഡി.എയും ബി.ജെപിയും വീണ്ടും ഭരണത്തിലെത്തുമെന്ന് ഉറപ്പിച്ചതിന് പിന്നാലെ പ്രധാനമന്ത്രിയുടെ ട്വീറ്റ്. വോട്ടര്മാര്ക്ക് നന്ദി പറഞ്ഞുകൊണ്ട് ചൗക്കിദാര് നരേന്ദ്രമോദി എന്ന അക്കൗണ്ടില് നിന്നാണ് ട്വീറ്റ് വന്നത്. സബ്കാ സാത്ത് + സബ്കാ വികാസ് + സബ്കാ വിശ്വാസ് = വിജയി ഭാരത് എന്നാണ് ബി.ജെ.പിയുടെ മുന്നേറ്റത്തെ പ്രധാനമന്ത്രി വിശേഷിപ്പിച്ചിരിക്കുന്നത്.
സെഞ്ച്വറി അടിച്ചു, ടീം തോറ്റു എന്നതാണ് ഇപ്പോഴത്തെ തോന്നലെന്ന് ശശി തരൂര്. തെരഞ്ഞെടുപ്പില് രാജ്യത്താകെ സംഭവിച്ചത് ആലോചിക്കുമ്പോള് സങ്കടമുണ്ട്. കേരളം 20ല് 19ലും യു.ഡി.എഫിനൊപ്പം നിന്ന് രാജ്യത്തിന് ഒരു സന്ദേശം നല്കിയിരിക്കുകയാണ്. മതേതരത്വമാണ് കോണ്ഗ്രസ് മുന്നോട്ടുവെയ്ക്കുന്നത്. കഴിഞ്ഞ തവണത്തേക്കാള് മൂന്നിരട്ടി ഭൂരിപക്ഷം തനിക്ക് ഇതുവരെ ലഭിച്ചു. അതില് സന്തോഷമുണ്ടെന്നും തിരുവനന്തപുരത്തുകാരോടുള്ള നന്ദി അറിയിക്കുന്നുവെന്നും തരൂര് പറഞ്ഞു. ത്രികോണ മത്സരം നടന്ന തിരുവനന്തപുരത്ത് ജയം ഉറപ്പിച്ചതിന് പിന്നാലെയായിരുന്നു തരൂരിന്റെ പ്രതികരണം. വോട്ടെണ്ണല് പുരോഗമിക്കവേ തരൂരിന്റെ ലീഡ് അര ലക്ഷം […]
ജനവിധി അംഗീകരിക്കുന്നുവെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്. കേരളത്തില് എല്.ഡി.എഫിനുണ്ടായ പരാജയം അപ്രതീക്ഷിതമാണ്. പരാജയ കാരണങ്ങള് പാര്ട്ടി വിലയിരുത്തും. പ്രവര്ത്തനത്തില് എന്തെങ്കിലും തെറ്റ് സംഭവിച്ചിട്ടുണ്ടെങ്കില് തിരുത്തുമെന്നും കോടിയേരി പറഞ്ഞു. തങ്ങളുടെ പ്രചാരണത്തില് മുഖ്യമായും ഊന്നല് നല്കിയത് കേന്ദ്രത്തില് ബി.ജെ.പി ഭരണം അവസാനിപ്പിക്കണമെന്നായിരുന്നു. ആ പ്രചാരണം കേരളത്തില് കോണ്ഗ്രസിന് അനുകൂലമായി മാറിയെന്നാണ് പ്രത്യക്ഷത്തില് കാണുന്നത്. ബി.ജെ.പിയുടെ വിജയം രാജ്യത്തെ മഹാദുരന്തത്തിലേക്ക് നയിക്കുമെന്നും കോടിയേരി പറഞ്ഞു.
പൊതുതെരഞ്ഞെടുപ്പ് ഫലം പുറത്ത് വന്നപ്പോള് യു.ഡി.എഫിന് കൃത്യമായ മേല്ക്കൈ. 13ാമത് ലോക്സഭ തെരഞ്ഞെടുപ്പില് 19 ഇടങ്ങളില് യു.ഡി.എഫ് മുന്നേറ്റം തുടരുകയാണ്. ഏകദേശം പകുതിയോളം വോട്ടുകള് എണ്ണി കഴിഞ്ഞപ്പോള് ഏഴിടങ്ങളില് യു.ഡി.എഫ് ലീഡ് ലക്ഷം വോട്ടുകള് കടന്നു. കൊല്ലം, ആലത്തൂര്, പൊന്നാനി, മലപ്പുറം, ഇടുക്കി, എറണാകുളം,വയനാട് തുടങ്ങി ഏഴിടങ്ങളിലാണ് യു.ഡി.എഫ് ലക്ഷത്തില്പ്പരം വോട്ടുകളുടെ ലീഡ് നേടി വിജയം ഉറപ്പിച്ചത്. ഇതില് വയനാടും മലപ്പുറവും ഭൂരിപക്ഷം രണ്ട് ലക്ഷം പിന്നിട്ടു. 19 ഇടങ്ങളില് യു.ഡി.എഫ് മുന്നേറുമ്പോള്, ആലപ്പുഴയില് മാത്രമാണ് എല്.ഡി.എഫ് […]
സ്ഥാനാര്ഥിത്വം പ്രഖ്യാപിച്ചപ്പോള് മുതല് വിവാദങ്ങളുടെ നടുവിലായിരുന്നു ആലത്തൂര് മണ്ഡലം. യു.ഡി.എഫ് സ്ഥാനാര്ഥിയായി മത്സരിച്ച രമ്യ ഹരിദാസ് ഏറെ അധിക്ഷേപത്തിനിരയാവുകയും ചെയ്തിരുന്നു. പാട്ട് പാടിയാണ് രമ്യ വോട്ട് പിടിക്കാന് ശ്രമിക്കുന്നത് എന്നാണ് അധ്യാപികയും ഇടത്പക്ഷ അനുഭാവിയുമായ ദീപ നിശാന്ത് പറഞ്ഞത്. ഇത് സാമൂഹ്യ മാധ്യമങ്ങളില് ഏറെ ചര്ച്ചയാവുകയും ചെയ്തിരുന്നു. ഇതിന് പിന്നാലെ എല്.ഡി.എഫ് കണ്വീനര് എ വിജയരാഘവനും രമ്യക്കെതിരെ രൂക്ഷമായ അധിക്ഷേപവുമായി രംഗത്തെത്തിയിരുന്നു. അശ്ലീല ചുവയുള്ള പരാമര്ശം നടത്തിയ വിജയരാഘവനെതിരെ വലിയൊരു ജനവികാരവും ഉയര്ന്ന് വന്നിരുന്നു. ഇതിനെല്ലാമെതിരെയുള്ള മധുരപ്രതികാരമെന്നോമാണ് […]
ലോക്സഭാ തെരഞ്ഞെടുപ്പിന്റെ വോട്ടെണ്ണലിനിടെ കോണ്ഗ്രസ് നേതാവ് കുഴഞ്ഞു വീണു മരിച്ചു. മധ്യപ്രദേശിലെ സെഹോര് ജില്ലാ കോണ്ഗ്രസ് നേതാവ് രത്തന് സിങാണ് ഹൃദയാഘാതത്തെ തുടര്ന്ന് മരിച്ചത്. വോട്ടെണ്ണല് കേന്ദ്രത്തില് ലീഡ് നില ശേഖരിക്കുന്നതിനിടെയാണ് രത്തന് സിങിന് ഹൃദയാഘാതമുണ്ടായത്. ഇതേത്തുടര്ന്ന് കുഴഞ്ഞുവീണ രത്തന് സിങ് മരണപ്പെടുകയായിരുന്നുവെന്ന് ദേശീയ മാധ്യമങ്ങള് റിപ്പോര്ട്ടു ചെയ്തു. ലോക്സഭാ തെരഞ്ഞെടുപ്പില് കോണ്ഗ്രസ് കനത്ത തിരിച്ചടി നേരിടുന്നതിനിടെയാണ് സംഭവം. നിലവിലെ സൂചനകള് വന് ഭൂരിപക്ഷത്തില് ബി.ജെ.പി അധികാരം പിടിക്കുമെന്നതിലേക്കാണ് വിരല്ചൂണ്ടുന്നത്.
പൊതുതെരഞ്ഞെടുപ്പിൽ എൻ.ഡി.എ മുന്നൂറിലേറെ സീറ്റുകളിൽ ലീഡ് തുടരുന്നതിനിടെ വിജയം ഹന്ദുത്വ തരംഗം മൂലമാണെന്ന് ബി.ജെ.പി നേതാവ് സുബ്രമണ്യം സ്വാമി. വിജയം മോദി തരംഗമല്ലെന്നും സ്വാമി കൂട്ടിച്ചേർത്തു. ജാതിക്കുമേൽ ഹിന്ദുത്വ വിശ്വാസം നേടിയ വിജയമാണിത്. ജാതിക്കും മേൽ ഹിന്ദുക്കൾ വളർന്നിരിക്കുന്നു എന്നാണ് തെരഞ്ഞെടുപ്പ് ഫലം കാണിക്കുന്നത്. പുതിയ തലമുറ വോട്ടർമാർ വിജയത്തിൽ വളരെ വലിയ പങ്കുവഹിച്ചു. അവർ ജാതി ചിന്തക്ക് സ്ഥാനം നൽകിയില്ലെന്നും സുബ്രമണ്യം സ്വാമി പറഞ്ഞു. മോദി സർക്കാരിന്റെ സാമ്പത്തിക നയങ്ങളിലെ പാളിച്ചകൾക്ക് ജനങ്ങൾ മാപ്പ് നൽകുകയും, […]