 | |  |
ജൂൺ 18 ന് സംസ്ഥാനത്ത് വാഹന പണിമുടക്ക്. മോട്ടോര് വാഹനസംരക്ഷണ സമിതിയാണ് പണിമുടക്കിന് ആഹ്വാനം ചെയ്തത്. ബസ്, ഓട്ടോ, ലോറി, ടാക്സി വാഹനങ്ങളാണ് പണിമുടക്കുക. ഇൻഷുറൻസ് പ്രീമിയം വർധന, ജി.പി.എസ് ഘടിപ്പിക്കൽ എന്നിവക്ക് എതിരെയാണ് പണിമുടക്ക്. വിവിധ സംഘടനകളുടെ നേതാക്കള് തൃശൂരില് ചേര്ന്ന മോട്ടോര് വാഹന സംരക്ഷണ സമിതി യോഗത്തിലാണ് തീരുമാനമുണ്ടായത്.
ശബരിമലയില് യുവതി പ്രവേശം പാടില്ലെന്ന് എസ്.എന്.ഡി.പി യോഗം ജനറല് സെക്രട്ടറി വെള്ളാപ്പള്ളി നടേശന്. സുപ്രീം കോടതി വിധി നടപ്പാക്കിയതില് സര്ക്കാരിന് വീഴ്ച പറ്റി. എന്നാല്, തിരഞ്ഞെടുപ്പ് പരാജയത്തിന്റെ ഉത്തരവാദിത്തം മുഖ്യമന്ത്രിയില് മാത്രം ആരോപിക്കുന്നത് ശരിയല്ല. മുന്നണിക്ക് തിരിച്ചുവരാന് കഴിയണമെങ്കില് പിന്നാക്ക ആഭിമുഖ്യം കൂട്ടണമെന്നും വെള്ളാപ്പള്ളി നടേശന് കാണിച്ചുകുളങ്ങരയില് പറഞ്ഞു.
പെരിയ ഇരട്ടകൊലപാതകകേസില് സര്ക്കാരിന് ഹൈക്കോടതിയുടെ വിമര്ശം. ഒഴിവുകഴിവുകള് പറഞ്ഞ് ഇനി അപേക്ഷ പരിഗണിക്കുന്നത് മാറ്റി വെക്കാന് ആകില്ലെന്ന് കോടതി പറഞ്ഞു. പെരിയ കേസിലെ രണ്ട്, മൂന്ന്, പത്ത് പ്രതികളുടെ ജാമ്യാപേക്ഷ പരിഗണിക്കുമ്പോഴായിരുന്നു കോടതി സര്ക്കാരിനെ വിമര്ശിച്ചത്. ഡി.ജി.പിയോ എ.ഡി.ജി.പിയോ നേരിട്ട് ഹാജരാകാനും കോടതി നിര്ദ്ദേശിച്ചു. മൂന്നു മണിക്ക് ഹൈക്കോടതി പ്രതികളുടെ ജാമ്യാപേക്ഷയില് വീണ്ടും വാദം കേള്ക്കും. ജാമ്യാപേക്ഷയില് നിലപാട് അറിയിക്കാന് കൂടുതല് സമയം വേണമെന്നും കേസ് നീട്ടി വയ്ക്കണമെന്നും സര്ക്കാര് ആവശ്യപ്പെട്ടിരുന്നു.
വയോധികരായ മാതാപിതാക്കളെ ഉപേക്ഷിക്കുന്ന മക്കള്ക്കെതിരെ കേസെടുക്കാന് ബിഹാര് സര്ക്കാരിന്റെ തീരുമാനം. വൃദ്ധരായ മാതാപിതാക്കളെ ഉപേക്ഷിക്കുന്ന മക്കള്ക്ക് ജയില്ശിക്ഷ അടക്കമുള്ളവ നല്കാമെന്ന് ചൂണ്ടിക്കാട്ടി ബിഹാര് സോഷ്യല് വെല്ഫെയര് വിഭാഗം സമര്പ്പിച്ച ശിപാര്ശ മന്ത്രിസഭ അംഗീകരിച്ചു. മാതാപിതാക്കളുടെ പരാതിയില് ജാമ്യമില്ലാ വകുപ്പ് പ്രകാരമായിരിക്കും മക്കള്ക്കെതിരെ കേസെടുക്കുക. വാര്ധക്യകാലത്ത് മാതാപിതാക്കളെ ഉപേക്ഷിക്കുന്ന പ്രവണത വര്ധിച്ചുവരുന്ന സാഹചര്യത്തിലാണ് മുഖ്യമന്ത്രി നിതീഷ് കുമാറിന്റെ നേതൃത്വത്തിലുള്ള മന്ത്രിസഭ കടുത്ത നടപടികളിലേക്ക് നീങ്ങുന്നത്.
കുന്നത്തുനാട് നിലം നികത്തല് വിഷയത്തില് പ്രതിപക്ഷം അടിയന്തര പ്രമേയത്തിന് നോട്ടീസ് നല്കി. നിലം പൂര്വ സ്ഥിതിയിലാക്കണമെന്ന കളക്ടറുടെ ഉത്തരവ് റവന്യു വകുപ്പ് അട്ടിമറിച്ചെന്നും അഞ്ച് മാസമായിട്ടും സര്ക്കാര് നിലത്തിന്റെ കാര്യത്തില് അന്തിമ തീരുമാനമെടുത്തില്ലെന്നും പ്രതിപക്ഷം ആരോപിച്ചു. എന്നാല് വിഷയത്തില് അഡ്വക്കേറ്റ് ജനറലിന്റെ നിയമോപദേശം തേടിയിട്ടുണ്ടെന്ന് റവന്യു മന്ത്രി സഭയെ അറിയിച്ചു. ജില്ലാ കളക്ടറുടെ ഉത്തരവ് റദ്ദാക്കിയ റവന്യു ഉത്തരവ് മരവിപ്പിച്ചിട്ടുണ്ടെന്നും മന്ത്രി പറഞ്ഞു. തുടര്ന്ന് സ്പീക്കര് അടിയന്തര പ്രമേയത്തിന് അനുമതി നിഷേധിച്ചു. റവന്യൂ വകുപ്പിലെ കാര്യങ്ങള് മന്ത്രി […]
ലോക്സഭാ തിരഞ്ഞെടുപ്പില് അലപ്പുഴയിലെ പരാജയം അന്വേഷിക്കാന് കെ.പി.സി.സി സമിതിയെ നിയോഗിച്ചു. കെ.വി തോമസ് അധ്യക്ഷനായ മൂന്നംഗ സമിതിയാണ് പരാജയം അന്വേഷിക്കുക. മുതിര്ന്ന നേതാക്കള്ക്കെതിരായ സൈബര് ആക്രമണത്തെക്കുറിച്ച് അന്വേഷിക്കാനും കെ.പി.സി.സി തീരുമാനിച്ചെന്ന് മുല്ലപ്പള്ളി രാമചന്ദ്രന് അറിയിച്ചു. ലോക്സഭാ തിരഞ്ഞെടുപ്പില് സംസ്ഥാനത്ത് 19 സീറ്റുകളിലും വിജയിച്ചപ്പോള് ആലപ്പുഴയില് നേരിടേണ്ടി വന്ന പരാജയം പാര്ടി അന്വേഷിക്കുമെന്ന് കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രന് പറഞ്ഞു. ഇതിനായി കെ.വി തോമസ് അധ്യക്ഷനായ മൂന്നംഗ സമിതിയെ നിയോഗിച്ചു. പി.സി വിഷ്ണുനാഥും കെ.ടി കുഞ്ഞിക്കണ്ണനും സമിതിയില് അംഗങ്ങളാണ്. […]
കേരളാ എക്സ്പ്രസ് അല്പ്പം മുന്പ് കോയമ്പത്തൂരിലെത്തി. മരിച്ചവരുടെ മൃതദേഹം ഇന്ന് വൈകീട്ട് നാട്ടിലെത്തിക്കും. വിമാനമാർഗം കോയമ്പത്തൂരിലാണ് മൃതദേഹങ്ങൾ എത്തിക്കുക. ഉത്തർപ്രദേശിലെ ത്സാൻസിയിൽ വെച്ചാണ് 4 പേർ ചൂട് മൂലം മരിച്ചത്. പോസ്റ്റ്മോർട്ടം നടപടികൾ പൂർത്തിയാക്കി മൃതദേഹം ബന്ധുക്കൾക്ക് വിട്ടുനൽകിയിരുന്നു. 68 അംഗ സംഘമാണ് ഉത്തരേന്ത്യന് വിനോദയാത്രക്ക് എത്തിയത്. ആഗ്രയില് നിന്നും കേരള എക്സ്പ്രസില് s8, s9 ബോഗികളിലായിരുന്നു യാത്ര. അതേ സമയം ചൂടേറ്റ് മരിച്ചവര് ട്രെയിനില് കയറുമ്പോള് തന്നെ അവശരായിരുന്നുവെന്ന് ട്രെയിനിലുണ്ടായിരുന്ന മലയാളി സുരേഷ് ബാബു വെളിപ്പെടുത്തി. […]
സാമ്പത്തിക സംവരണത്തിന്റെ മറവില് 14 സ്വാശ്രയ മെഡിക്കല് കോളജുകളില് വന് തോതില് സീറ്റ് വര്ധിപ്പിക്കാന് സംസ്ഥാന സര്ക്കാര് അനുമതി. 10 ശതമാനം സാമ്പത്തിക സംവരണം നടപ്പാക്കുന്നതിന്റെ പേരില് 25 ശതമാനം സീറ്റ് വര്ധിപ്പിക്കാനാണ് സര്ക്കാര് തീരുമാനം. വര്ധന ആവശ്യപ്പെട്ട് മെഡിക്കല് കൗണ്സിലിന് അപേക്ഷ നല്കണമെന്ന് സ്വാശ്രയ കോളജുകള്ക്ക് സര്ക്കാര് രേഖാമൂലം നിര്ദേശം നല്കി. മെഡിക്കല് കൗണ്സിലിന്റെ അംഗീകരാമില്ലാത്ത കോളജുകളിലും സീറ്റ് കൂട്ടാന് അനുമതി നല്കിയിട്ടുണ്ട്. സാമ്പത്തിക സംവരണം നടപ്പാക്കുന്നതിന്റെ ഭാഗമായി ഒമ്പത് സര്ക്കാര് മെഡിക്കല് കോളേജുകളിലടക്കം മുഴുവന് […]
രണ്ടാം മോദി സര്ക്കാറിന്റെ സഹമന്ത്രിമാരുടെ ആദ്യ യോഗം ഇന്ന് ചേരും. പുതിയ സര്ക്കാറിന്റെ ആദ്യ പാര്ലമെന്റ് സമ്മേളനം തുടങ്ങാനിരിക്കെ കേന്ദ്രമന്ത്രിസഭ ഇന്ന് വീണ്ടും യോഗം ചേരുന്നുണ്ട്. ഈ മാസം 17ന് ആദ്യ പാര്ലമെന്റ് സമ്മേളനം തുടങ്ങുന്നതിന് മുന്നോടിയായാണ് യോഗം. പാര്ലമെന്റില് മന്ത്രാലയങ്ങളുമായി ബന്ധപ്പെട്ട് അംഗങ്ങള് ഉന്നയിക്കുന്ന ചോദ്യങ്ങള്ക്ക് സാധാരണ സഹമന്ത്രിമാരാണ് ഉത്തരങ്ങള് തയ്യാറാക്കി മേശപ്പുറത്ത് വെക്കാറുള്ളത്. കേന്ദ്രസര്ക്കാറിന്റെ അടുത്ത അഞ്ച് വര്ഷത്തെ കര്മപരിപാടികള് സംബന്ധിച്ചും ഇന്നത്തെ യോഗത്തില് പ്രധാനമന്ത്രി സഹമന്ത്രിമാരെ കാര്യങ്ങള് ധരിപ്പിക്കും. ഇതിന് മുമ്പായിട്ടാണ് കേന്ദ്രമന്ത്രിസഭാ […]
വ്യോമസേന വിമാനം എ.എന് 32 വില് യാത്രചെയ്തിരുന്ന മലയാളികളടക്കമുള്ള വ്യോമസേന ഉദ്യോഗസ്ഥര്ക്കായി ഉള്ള തെരച്ചില് ഇന്നും തുടരും. വിമാനത്തിന്റെ ഭാഗങ്ങള് കണ്ടെത്താന് ആയെങ്കിലും ഹെലികോപ്റ്റര് സ്ഥലത്ത് ഇറക്കാന് വ്യോമസേനയ്ക്ക് കഴിഞ്ഞിട്ടില്ല. ഇന്ന് വിവിധ സേനാവിഭാഗങ്ങളുടെ നേതൃത്വത്തില് തെരച്ചില് ഊര്ജിതമാക്കും. വിമാനത്തിന്റെ ഭാഗങ്ങള് കണ്ടെത്തിയ സ്ഥലം ചെരിഞ്ഞ ഭൂപ്രകൃതിയായതിനാല് വ്യോമസേനാ ഹെലികോപ്റ്ററുകള്ക്ക് ഇവിടെ ഇറങ്ങാന് ആയില്ല. എന്നാല് അനുയോജ്യമായ തൊട്ടടുത്തുള്ള ഒരു സ്ഥലം കണ്ടെത്തി അവിടെ രാവിലെയോടെ സൈനികരെ ഇറക്കും. വ്യോമസേനയുടെ പര്വ്വതാരോഹകര് അടങ്ങിയ സംഘം മലയാളികളടക്കമുള്ള വ്യോമസേന […]