 | |  |
ഇന്നലെ അന്തരിച്ച പ്രശസ്ത കവിയും വിവര്ത്തകനുമായിരുന്ന ആറ്റൂര് രവി വര്മയുടെ സംസ്കാരം നാളെ നടക്കും. തൃശൂര് പാറമേക്കാവ് ശാന്തിഘട്ടില് വൈകിട്ട് മൂന്നിനാണ് സംസ്കാര ചടങ്ങുകള്. നാളെ രാവിലെ ഒന്പത് മണി മുതല് ഉച്ചക്ക് ഒരു മണി വരെ മൃതദേഹം തൃശൂര് സാഹിത്യ അക്കാദമിയില് പൊതു ദര്ശനത്തിന് വെക്കും. അമേരിക്കയിലുള്ള ആറ്റൂരിന്റെ മകന് എത്തുന്നതിന് വേണ്ടിയാണ് സംസ്കാര ചടങ്ങുകള് നാളേക്ക് മാറ്റിയത്. പൂര്ണ്ണ ഔദ്യോഗിക ബഹുമതികളോടെയായിരിക്കും സംസ്കാരം.
സി.പി.ഐ എറണാകുളം ജില്ലാ സെക്രട്ടറി പി.രാജുവിനെ തടഞ്ഞ ഞാറക്കല് സി.ഐക്കെതിരായ സമരപരിപാടികള് ശക്തമാക്കാന് സി.പി.ഐ ജില്ലാനേതൃത്വം. സി.ഐക്കെതിരെ അന്വേഷണം നടത്താന് സമ്മര്ദ്ദം ചെലുത്തണമെന്നാവശ്യപ്പെട്ട് സംസ്ഥാന നേതൃത്വത്തിന് ജില്ലാനേതൃത്വം കത്ത് നല്കി. അതേസമയം ഐജി ഓഫീസിലേക്ക് സി.പി.ഐ നടത്തിയ മാര്ച്ചിനിടെ എല്ദോ എബ്രഹാം എം.എല്.എ അടക്കമുള്ളവര്ക്ക് പരിക്കേറ്റ സംഭവത്തില് അന്വേഷണത്തിന്റെ ഭാഗമായി ഇന്ന് ജില്ലാ കലക്ടര് പൊലീസ് ഉദ്യോഗസ്ഥരുടെ മൊഴി എടുക്കും. കലക്ടര് ഇപ്പോള് നടത്തുന്ന അന്വേഷണ പരിധിയില് സി.പി.ഐ മാര്ച്ചിന് നേരെ പൊലീസ് നടത്തിയ ലാത്തിച്ചാര്ജ്ജ് മാത്രം […]
തലശേരിയില് ബി.ജെ.പി പ്രവര്ത്തകന് കെ.വി സുരേന്ദ്രനെ വെട്ടിക്കൊന്ന കേസില് അഞ്ച് സി.പി.എം പ്രവര്ത്തകര്ക്ക് ജീവപര്യന്തം കഠിന തടവ്. ഒരു ലക്ഷം രൂപ പിഴയടക്കാനും ഉത്തരവ്. തലശേരി അഡീഷണല് ജില്ല സെഷന്സ് കോടതി ശിക്ഷ വിധിച്ചത്. തിരുവങ്ങാട് സ്വദേശികളായ എം.അഖിലേഷ്, എം.ലിജേഷ്, എം.കലേഷ്, കെ.വിനീഷ്, പി.കെ.ഷൈജേഷ് എന്നിവരെയാണ് ശിക്ഷിച്ചത്. തെളിവുകളുടെ അഭാവത്തില് രണ്ടും ഏഴും പ്രതികളായ കെ.വിജേഷ്, സി.ഷബിന് എന്നിവരെ വെറുതെ വിട്ടു. 2008ലാണ് തലശേരിയിലെ വീട്ടില് വച്ച് കെ.വി.സുരേന്ദ്രനെ സി.പി.എം പ്രവര്ത്തകര് വെട്ടിക്കൊന്നത്. രണ്ട് ദിവസങ്ങളിലായി നടന്ന […]
സംഘപരിവാര് ഭീഷണി നേരിട്ട അടൂര് ഗോപാലകൃഷ്ണന് പിന്തുണയുമായി സി.പി.എം. അടൂരിനെ പിന്തുണച്ച് സംസ്ഥാനമുടനീളം സാംസ്കാരിക കൂട്ടായ്മകള് സംഘടിപ്പിക്കാന് സി.പി.എം സംസ്ഥാന സെക്രട്ടറിയേറ്റ് തീരുമാനിച്ചു. അടൂരിനെതിരായ പ്രസ്താവനയില് ബി.ജെ.പി നേതൃത്വം നിലപാട് വ്യക്തമാക്കണമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് ആവശ്യപ്പെട്ടു. ജയ് ശ്രീറാം വിളി സഹിക്കാനാവുന്നില്ലെങ്കില് അടൂര് ഗോപാലകൃഷ്ണന് പേര് മാറ്റി അന്യഗ്രഹങ്ങളില് ജീവിക്കാന് പോകുന്നതാണ് നല്ലതെന്ന ബി.ജെ.പി വക്താവ് ബി ഗോപാലകൃഷ്ണന് പ്രസ്താവനക്കെതിരെ വ്യാപക പ്രതിഷേധം ഉയര്ന്ന് വന്നതിന് പിന്നാലെയാണ് അടൂരിന് പിന്തുണയുമായി സി.പി.എം രംഗത്ത് […]
കാസര്കോട് സഹോദരങ്ങള് പനിബാധിച്ച് മരിച്ചത് മിലിയോഡോസിസ് എന്ന അസുഖം മൂലമെന്ന് സ്ഥിരീകരിച്ചു. മണിപ്പാല് വൈറോളജി ഇന്സ്റ്റിറ്റ്യൂട്ടിലെ പരിശോധന ഫലത്തിലാണ് സ്ഥിരീകരണം. വെള്ളത്തില് നിന്നോ ചെളിയില് നിന്നോ ബാക്ടീരിയ വഴി പിടിപെടുന്ന രോഗമാണ് മെലിയോഡോസിസ്. നിലവില് ഭയപ്പെടേണ്ട സാഹചര്യമില്ലെന്ന് കാസര്കോട് ഡി.എം.ഒ പറഞ്ഞു.
പ്രധാനമന്ത്രി നരേന്ദ്ര മോദിയുടെ നാക്കുപിഴകള് പലപ്പോഴും വലിയ വാര്ത്തയായിട്ടുണ്ട്. മോദി, ഗാന്ധിജിയെ മോഹന്ലാല് കരംചന്ദ് ഗാന്ധിയാക്കിയതും കൊച്ചിയെ കറാച്ചിയാക്കിയതുമൊക്കെ വലിയ ചര്ച്ചയായിരുന്നു. അതുപോലൊന്ന് വീണ്ടും പിണഞ്ഞുവെന്നാണ് സോഷ്യല്മീഡിയ പറയുന്നത്. കഴിഞ്ഞ ദവിസം മുന് പ്രധാനമന്ത്രി ചന്ദ്രശേഖറിനെ കുറിച്ചുള്ള ഒരു പുസ്തകത്തിന്റെ പ്രകാശന ചടങ്ങിനിടെ മോദി നടത്തിയ പ്രസംഗമാണ് സോഷ്യല്മീഡിയ ഏറ്റുപിടിച്ചിരിക്കുന്നത്. ബാലയോഗി ഓഡിറ്റോറിയത്തില് വെച്ച് നടന്ന പുസ്തക പ്രകാശ ചടങ്ങിനിടെയാണ് താന് ആദ്യമായി ചന്ദ്രശേഖറിനെ കാണുന്നത് 1977 ല് ഡല്ഹി വിമാനത്താവളത്തില് വെച്ചാണെന്ന് മോദി പറഞ്ഞത്. അങ്ങനെ […]
രാജ്യത്തെ വര്ധിച്ചുവരുന്ന ആള്ക്കൂട്ട അതിക്രമങ്ങള്ക്കെതിരെ നടപടി ആവശ്യപ്പെട്ട് രാജ്യത്തെ 49 സാംസ്കാരിക പ്രമുഖർ അയച്ച കത്തിന് സംഘപരിവാർ അനുകൂല സെലിബ്രിറ്റികളുടെ മറുപടി. പ്രധാനമന്ത്രി നരേന്ദ്ര മോദിയെ മോശക്കാരനായി ചിത്രീകരിക്കുകയാണ് ഈ കത്തെഴുതിയവരുടെ ഉദ്ദേശമെന്ന് മറുപടിക്കത്തില് പറയുന്നു. 62 പേരാണ് ഈ മറുപടിക്കത്തിൽ ഒപ്പ് വെച്ചത്. നടി കങ്കണ റണാവത്ത്, സംവിധായകരായ മധൂർ ഭണ്ഡാർക്കർ, വിവേക് അഗ്നിഹോത്രി, നര്ത്തകി സോനാൽ മാൻസിങ്, സെന്സര് ബോര്ഡ് ചെയര്മാന് പ്രസൂണ് ജോഷി, നടന് മനോജ് ജോഷി തുടങ്ങിയ പ്രമുഖരാണ് കത്തില് ഒപ്പുവെച്ചത്. […]
രണ്ടു ദിവസം നീണ്ട അനിശ്ചിതത്വത്തിന് ഒടുവില്, ബി.എസ്. യദ്യൂരിയപ്പ കര്ണാടകയുടെ മുഖ്യമന്ത്രി കസേരയിലേയ്ക്ക്. ഇന്ന് വൈകിട്ട് ആറിനും ആറേ കാലിനും ഇടയ്ക്കാണ് സത്യപ്രതിജ്ഞ. ഇന്ന് മറ്റാരെങ്കിലും സത്യപ്രതിജ്ഞ ചെയ്യുമോ എന്ന കാര്യം ഇനിയും തീരുമാനിച്ചിട്ടില്ല. വിമതരുടെ കാര്യത്തില് തീരുമാനമാകാത്ത സാഹചര്യത്തില് എം.എല്.എമാരുടെ എണ്ണം സംബന്ധിച്ച് ബി.ജെ.പി കേന്ദ്ര നേതൃത്വത്തിന് ഇപ്പോഴും ആശങ്കയുണ്ട്. ഇന്ന് രാവിലെ പത്ത് മണിയ്ക്കാണ് സര്ക്കാര് രൂപീകരിയ്ക്കാന് അവകാശവാദവുമായി യദ്യൂരിയപ്പയും നേതാക്കളും ഗവര്ണര് വാജു ഭായി വാലയെ സമീപിച്ചത്. അനുമതി ലഭിച്ചയുടന് സമയം പ്രഖ്യാപിച്ചു. […]
പി.എസ്.സി റാങ്ക് ലിസ്റ്റില് കൃത്രിമം നടക്കുന്നുവെന്ന് മുന്മുഖ്യമന്ത്രി ഉമ്മന്ചാണ്ടി. പഠന നിലവാരമില്ലാത്തവര് റാങ്ക് ലിസ്റ്റില് ഒന്നാമെതെത്തുന്നുണ്ട്. പി.എസ്.സി പരീക്ഷയിലും നിയമനത്തിലും യൂണിവേഴ്സിറ്റി പരീക്ഷയിലും വലിയ വീഴ്ചയാണ് ഉണ്ടായത്. മുഖ്യമന്ത്രി ഇത് സംബന്ധിച്ച ചോദ്യത്തിന് മറുപടി പറയണമെന്നും ഉമ്മന്ചാണ്ടി ആവശ്യപ്പെട്ടു.
ഉത്തർപ്രദേശിലെ പിലിഭിത് ജില്ലയിൽ കടുവയെ ആൾക്കൂട്ടം തല്ലിക്കൊല്ലുന്ന വീഡിയോ സമൂഹമാധ്യമങ്ങളിൽ വൈറലാവുന്നു. ഫിലിബിത് ടൈഗർ റിസർവിന് സമീപം അഞ്ചുവയസ്സുള്ള പെൺകടുവയെയാണ് ഗ്രാമീണർ വടികളും കല്ലുകളും മറ്റമുപയോഗിച്ച് തല്ലിക്കൊന്നത്. വാരിയെല്ല് തകരുകയും ശരീരത്തിൽ മാരകമായി പരിക്കേൽക്കുകയും ചെയ്ത് മരണത്തിന് കീഴടങ്ങിയ കടുവയുടെ ശരീരം പോസ്റ്റ്മോർട്ടത്തിനു ശേഷം സംസ്കരിച്ചു. 31 ഗ്രാമീണർക്കെതിരെ പൊലീസ് എഫ്.ഐ.ആർ രജിസ്റ്റർ ചെയ്തിട്ടുണ്ട്. ഒരു ഗ്രാമീണനെ ആക്രമിച്ചതിനാലാണ് കടുവയെ കൊന്നതെന്ന് സോഷ്യൽ മീഡിയയിൽ പ്രചരിക്കുന്ന വീഡിയോക്കൊപ്പമുള്ള ശബ്ദം പറയുന്നു. വിവരമറിഞ്ഞ് സ്ഥലത്തെത്തിയ വനംവകുപ്പ് ഉദ്യോഗസ്ഥർ കടുവയെ […]