India

ഇന്ത്യന്‍ വിപണിയില്‍ ഉപഭോഗത്തിലെ മാന്ദ്യം ആരംഭിച്ചത് പ്രധാനമന്ത്രി നരേന്ദ്ര മോദിയുടെ നോട്ട് നിരോധനത്തോടെയാണെന്ന് ആർ.ബി.ഐയില്‍ ലഭ്യമായ വിവരങ്ങൾ വ്യക്തമാക്കുന്നു. 2016 ലെ നോട്ട് നിരോധനത്തെത്തുടർന്ന് ഉപഭോക്തൃ വായ്പകളുടെ മൊത്ത ബാങ്ക് റെക്കോര്‍‍ഡ് കുത്തനെ ഇടിയുന്നതായി സെൻട്രൽ ബാങ്കിന്റെ രേഖകള്‍ വ്യക്തമാക്കുന്നുണ്ടെന്ന് ഡെക്കാണ്‍ ഹെറാള്‍ഡ് റിപ്പോര്‍ട്ടു ചെയ്തു. 2017 മാർച്ച് അവസാനം, ഉപഭോക്തൃ ചരക്ക് വായ്പകളുടെ മൊത്ത ബാങ്ക് റെക്കോർഡ് 20,791 കോടി രൂപയായിരുന്നു. അതിനുമുമ്പ് കഴിഞ്ഞ ആറ് വർഷമായി നിരന്തരമായ വളർച്ചയ്ക്കായിരുന്നു രാജ്യം സാക്ഷ്യം വഹിച്ചിരുന്നത്. നോട്ട് […]

സി.പി.എം പോളിറ്റ് ബ്യൂറോയുടെ സംഘടനാകാര്യ സബ്കമ്മിറ്റി ഡല്‍ഹിയില്‍ തുടരുന്നു. പാർട്ടി കോൺഗ്രസിലെ തീരുമാനങ്ങൾ നടപ്പാക്കിയത് സംബന്ധിച്ച പ്രവർത്തന പുരോഗതി സബ് കമ്മിറ്റി വിലയിരുത്തും. പ്ലീന തീരുമാനങ്ങൾ നടപ്പാക്കുന്നതിലെ വീഴ്ചകളും സബ് കമ്മിറ്റി പരിശോധിക്കും. ലോക്സഭ തെരഞ്ഞെടുപ്പിലെ പരാജയത്തിന് ശേഷം നടന്ന കേന്ദ്ര കമ്മിറ്റി യോഗത്തിൽ, പ്ലീന തീരുമാനങ്ങൾ നടപ്പാക്കുന്നതിൽ സംസ്ഥാന ഘടകങ്ങൾ വീഴ്ച വരുത്തിയതായി പാർട്ടി വിലയിരുത്തിയിരുന്നു.

മധ്യപ്രദേശ് കോണ്‍ഗ്രസിലെ പൊട്ടിത്തെറി സര്‍ക്കാരിനെ ബാധിച്ചതോടെ വിവര ശേഖരണം നടത്തി അധ്യക്ഷ സോണിയ ഗാന്ധി. സംസ്ഥാനത്തിന്റെ ചുമതലയുള്ള ജനറല്‍ സെക്രട്ടറി ദീപക് ബാബറിയ പ്രശ്നങ്ങള്‍ പരിഹരിക്കാനുള്ള നിര്‍ദേശങ്ങളടങ്ങിയ വിശദമായ റിപ്പോര്‍ട്ട് സോണിയ ഗാന്ധിക്ക് സമര്‍പ്പിച്ചു. അനാവശ്യ പ്രതികരണങ്ങളില്‍ നിന്ന് നേതാക്കള്‍ മാറിനില്‍ക്കണമെന്നും രാഷ്ട്രീയ പക്വത കാണിക്കണമെന്നും ബാബറിയ നേതാക്കളെ അറിയിച്ചിട്ടുണ്ട്. മുഖ്യമന്ത്രി കമല്‍നാഥുമായി സോണിയാഗാന്ധി ഇന്ന് കൂടിക്കാഴ്ച നടത്തും. മധ്യപ്രദേശ് പി.സി.സിയിലെ തര്‍ക്കം, നേതാക്കളുടെ ആവശ്യങ്ങള്‍, പ്രതികരണം, പരിഹാര മാര്‍ഗങ്ങള്‍ എന്നിവ വിശദമായി വിവരിക്കുന്നതാണ് സംസ്ഥാനത്തിന്റെ ചുമതലയുള്ള […]

കോണ്‍ഗ്രസ് നേതാവ് ഡി.കെ ശിവകുമാറിന്‍റെ അറസ്റ്റുമായി ബന്ധപ്പെട്ട് ഒരു പ്രതികരണവും നടത്തരുതെന്ന് ബി.ജെ.പി നേതാക്കള്‍ക്ക് പാര്‍ട്ടി കര്‍ണാടക അധ്യക്ഷന്‍റെ മുന്നറിയിപ്പ്. നളിന്‍ കുമാര്‍ കട്ടീല്‍ പാര്‍ട്ടി കോര്‍ഡിനേഷന്‍ കമ്മിറ്റി യോഗത്തിലാണ് നിര്‍ദേശം നല്‍കിയത്. കര്‍ണാടക മുഖ്യമന്ത്രി യെദ്യൂരപ്പ ഉള്‍പ്പെടെയുള്ള നേതാക്കള്‍ നടത്തിയ പരാമര്‍ശങ്ങള്‍ കോണ്‍ഗ്രസ് രാഷ്ട്രീയമായി ഉപയോഗിക്കുന്നുവെന്നാണ് ബി.ജെ.പിയുടെ വിലയിരുത്തല്‍. ശിവകുമാറിന്‍റെ അറസ്റ്റില്‍ തനിക്ക് സന്തോഷമില്ലെന്നും അദ്ദേഹം ഉടന്‍ പുറത്തുവരാന്‍ പ്രാര്‍ഥിക്കുന്നുവെന്നുമാണ് യെദ്യൂരപ്പ പറഞ്ഞത്. യെദ്യൂരപ്പയുടെ പരാമര്‍ശം ബി.ജെ.പിയില്‍ ആശയക്കുഴപ്പമുണ്ടാക്കി. ഈ സാഹചര്യത്തിലാണ് ബി.ജെ.പി സംസ്ഥാന അധ്യക്ഷന്‍റെ […]

ജമ്മു കശ്മീരില്‍ ഭീകരര്‍ നടത്തിയ വെടിവെപ്പില്‍ ഒരു കുട്ടിയടക്കം നാല് പേര്‍ക്ക് പരിക്കേറ്റു. കശ്മീരിലെ സോപോറിലാണ് ആക്രമണം നടന്നത്. പൂഞ്ചില്‍ ഇന്ത്യന്‍ സൈനിക പോസ്റ്റുകള്‍ക്ക് നേരെ പാകിസ്താന്‍റെ വെടിനിര്‍ത്തല്‍ കരാര്‍ ലംഘനമുണ്ടായി. രണ്ട് വയസ്സുള്ള സോപോര്‍ സ്വദേശി ഉസ്മ ജാന്‍ എന്ന കുട്ടിക്കും മറ്റ് മൂന്ന്പേര്‍ക്കുമാണ് ഭീകരരുടെ ആക്രമണത്തില്‍ പരിക്കേറ്റത്. ഇവരെ ആശുപത്രിയിലേക്ക് മാറ്റിയെന്നും ആരോഗ്യനിലയില്‍ ആശങ്കപ്പെടാനുള്ള സാഹചര്യമില്ലെന്നും ജമ്മു കശ്മീര്‍ പൊലീസ് അറിയിച്ചു. സ്ഥലത്ത് കനത്ത സുരക്ഷ ഏര്‍പ്പെടുത്തിയിട്ടുണ്ട്. ഭീകരാക്രമണം സംബന്ധിച്ച് അന്വേഷണവും ആരംഭിച്ചു. ആളുകളെ […]

സാമ്പത്തിക പ്രതിസന്ധിയില്‍ പ്രയാസപ്പെടുന്ന വാഹന വിപണിക്ക് ആശ്വാസകരമായ നികുതി ഇളവ് അടുത്ത ജി.എസ്.ടി കൌണ്‍സിലില്‍ ഉണ്ടാകില്ലെന്ന് സൂചന. ജി.എസ്.ടി കൌണ്‍സിലില്‍ അംഗങ്ങളായ മഹാരാഷ്ട്ര ഉള്‍പ്പെടെയുള്ള സംസ്ഥാനങ്ങളിലെ ധനമന്ത്രിമാര്‍ തീരുമാനത്തെ എതിര്‍ക്കുന്നതാണ് കാരണം. എന്നാല്‍ നികുതി ഇളവ് വാഹനങ്ങളുടെ വിലയില്‍ കുറവ് വരുത്തുന്നതിനാല്‍ ഉപഭോക്താക്കളില്‍ പലരും വാഹനം വാങ്ങുന്നത് നീട്ടിവെച്ചിരിക്കുന്നത് വിപണിക്ക് തിരിച്ചടിയായിരിക്കുകയാണ്. ജി.എസ്.ടി നിരക്ക് 28 ശതമാനത്തില്‍ നിന്ന് 18 ആക്കണമെന്ന വാഹന വിപണിയില്‍ നിന്നുള്ള നിരന്തര ആവശ്യത്തിന് ഉടനെ ഒരു തീരുമാനം ഉണ്ടാകാനിടയില്ല. ഇന്നലെ ധനകാര്യ […]

രാജ്യത്തെ പൊതുമേഖലാ ബാങ്കുകള്‍ക്ക് കേന്ദ്ര സര്‍ക്കാര്‍ നല്‍കിയ നിര്‍ദേശം സര്‍ക്കാര്‍ തന്നെ അട്ടിമറിക്കുന്നു. കാര്‍ഷിക, ചെറുകിട ലോണുകള്‍ക്ക് പ്രാധാന്യം നല്‍കാന്‍ കൂടുതല്‍ ശാഖകള്‍ തുടങ്ങണമെന്നാണ് കേന്ദ്രം ബാങ്കുകള്‍ക്ക് നല്‍കിയ നിര്‍ദേശം. എന്നാല്‍ പൊതുമേഖലാ ബാങ്കുകളെ ലയിപ്പിക്കാനുള്ള കേന്ദ്ര ധനകാര്യ മന്ത്രാലയത്തിന്‍റെ നീക്കത്തിലൂടെ നിലവിലുള്ള ശാഖകളുടെ എണ്ണം തന്നെ കുറയുന്ന അവസ്ഥയാണ്. ചെറുകിട കാര്‍ഷിക വായ്പകള്‍ക്ക് പ്രാധാന്യം നല്‍കുന്ന കാര്യത്തെക്കുറിച്ച് ആലോചിക്കാനാണ് ബാങ്കുകള്‍ക്ക് കഴിഞ്ഞ മാസം 17ന് നല്‍കിയ നിര്‍ദേശം. ഗ്രാമീണ മേഖലകളിലടക്കം ശാഖകള്‍ തുടങ്ങണമെന്നാണ് കേന്ദ്രം ആവശ്യപ്പെടുന്നത്. […]