പാലായില് രാഷ്ട്രീയ വിഷയങ്ങള് ഉന്നയിച്ച് തന്നെ അവസാനഘട്ട പ്രചരണ പരിപാടികള് തുടരുമെന്ന് മുന് മുഖ്യമന്ത്രി ഉമ്മന് ചാണ്ടി. തെരഞ്ഞെടുപ്പ് ഫലം സർക്കാര് വിലയിരുത്തലാകുമെന്ന് പറഞ്ഞ മുഖ്യമന്ത്രിക്ക് പാലായിലെ വോട്ടർമാർ ഉചിതമായ മറുപടി നല്കുമെന്നും ഉമ്മന്ചാണ്ടി പറഞ്ഞു. യു.ഡി.എഫിലെ തർക്കങ്ങളില് തട്ടിനില്ക്കാതെ സംസ്ഥാന,കേന്ദ്ര സർക്കാരിനെതിരായി ജനവികാരം തിരിച്ച് വോട്ടുതേടാനുള്ള ശ്രമമാണ് യു.ഡി.എഫ് അവസാന ലാപ്പില് നടത്തുന്നത്. വരും ദിവസങ്ങളിലെ പ്രചരണം രാഷ്ട്രീയ വിഷയങ്ങള് ഉന്നയിച്ചാകുമെന്ന് പ്രതിപക്ഷനേതാവിന് പിന്നാലെ മുന് മുഖ്യമന്ത്രി ഉമ്മന് ചാണ്ടിയും വ്യക്തമാക്കുന്നു. പത്തിലേറെ കുടുംബയോഗങ്ങളിലും പഞ്ചായത്ത് […]
