 | |  |
ധനക്കമ്മി നേരിടാന് റിസര്വ് ബാങ്കില് നിന്ന് ഇടക്കാല ലാഭവിഹിതമായി കേന്ദ്ര സര്ക്കാര് 30000 കോടി ആവശ്യപ്പെട്ടേക്കുമെന്ന് റിപ്പോര്ട്ട്. ഈ സാമ്പത്തിക വര്ഷത്തിലെ ധനക്കമ്മി 3.3 ശതമാനത്തില് നിലനിര്ത്തുക എന്ന ലക്ഷ്യം മുന്നിര്ത്തിയാണ് റിസര്വ് ബാങ്കില് നിന്ന് കൂടുതല് തുക ആവശ്യപ്പെടാന് കേന്ദ്രസര്ക്കാര് ഒരുങ്ങുന്നതെന്ന് പി.ടി.ഐ റിപ്പോര്ട്ട് ചെയ്തു.
സംസ്ഥാനത്ത് കഴിഞ്ഞ വര്ഷമുണ്ടായ പ്രളയ ദുരന്തത്തിന്റെ നഷ്ടപരിഹാരം രണ്ടാഴ്ചക്കുള്ളിൽ വിതരണം ചെയ്യണമെന്ന് ഹൈക്കോടതി. പ്രളയ സഹായത്തിനുള്ള അപ്പീൽ നടപടി വേഗത്തിൽ പൂർത്തിയാക്കാനും കോടതി നിർദ്ദേശം നല്കി. നഷ്ടപരിഹാരത്തിന് പ്രത്യക ട്രിബ്യൂണല് സ്ഥാപിക്കുക നഷ്ടപരിഹാര വിതരണത്തിനായി സംസ്ഥാന ലീഗല് സര്വീസ് അതോറിറ്റിയെ ചുമതലപെടുത്തുക തുടങ്ങിയ ആവശ്യങ്ങളുന്നയിച്ച് യൂത്ത് ലീഗ് സംസ്ഥാന ജനറല് സെക്രട്ടറി പി.കെ ഫിറോസ് ഉള്പ്പെടെയുള്ളവര് നല്കിയ ഹരജിയാണ് കോടതി പരിഗണിച്ചത്. പ്രളയം സംസ്ഥാനത്ത് പലയിടത്തും വ്യത്യസ്തമായ രീതിയിലാണുണ്ടായത്. അതുകൊണ്ട് തന്നെ ഓരോ രീതിയില് നഷ്ടപരിഹാരം നിശ്ചയിക്കാനാവില്ലെന്ന് […]
അഞ്ച് നിയമസഭാ മണ്ഡലങ്ങളിലെ ഉപതെരഞ്ഞെടുപ്പിനുള്ള സ്ഥാനാര്ഥികളുടെ നാമനിര്ദേശ പത്രികാ സമര്പ്പണം തുടരുന്നു. ഇന്ന് വൈകുന്നേരം മൂന്ന് മണി വരെയാണ് പത്രികാ സമര്പ്പണത്തിനുള്ള സമയം. ഒക്ടോബര് മൂന്നാണ് പത്രിക പിന്വലിക്കാനുള്ള അവസാന തിയ്യതി. പ്രമുഖ സ്ഥാനാര്ഥികളെല്ലാം ഇന്നാണ് പത്രിക സമര്പ്പിച്ചത്. വട്ടിയൂർക്കാവ് മണ്ഡലത്തില് എൽഡിഎഫ് സ്ഥാനാർഥി വി കെ പ്രശാന്ത് വരണാധികാരി ജിയോ ടി മനോജിന് മുന്പാകെയാണ് പത്രിക നല്കിയത് മന്ത്രി കടകംപള്ളി സുരേന്ദ്രനും പ്രശാന്തിനൊപ്പമുണ്ടായിരുന്നു. യു.ഡി.എഫ് സ്ഥാനാര്ഥി മോഹന്കുമാറും പത്രിക സമര്പ്പിച്ചു. എറണാകുളത്തെ എൽ.ഡി.എഫ് സ്ഥാനാർത്ഥി മനു […]
അഭിമന്യു വധക്കേസിലെ പ്രധാന തെളിവായ സി.സി.ടി.വി ദൃശ്യങ്ങൾ പ്രതികൾക്ക് നൽകാൻ ഹൈക്കോടതി നിർദേശം. ദൃശ്യങ്ങളുടെ പകര്പ്പ് ആവശ്യപ്പെട്ട് രണ്ടാം പ്രതി നല്കിയ ഹര്ജിയിലാണ് ഹൈക്കോടതി ഉത്തരവ്. ദൃശ്യങ്ങള് നല്കണമെന്ന ആവശ്യം തള്ളിയ കീഴ്ക്കോടതി വിധിക്കെതിരെയാണ് പ്രതി ജിസാല് റസാഖ് കോടതിയെ സമീപിച്ചത്. അന്വേഷണത്തിന്റെ ഭാഗമായി എസ്ആര്വി ക്രോസ് റോഡിലെ സിലോണ് ബേക്ക് ഹൗസ്, തോപ്പുംപടിയിലെ പെട്രോള് പമ്പ്, വിദ്യാഭ്യാസ സ്ഥാപനമായ കോര്പറേറ്റ് എഡ്യുക്കേറ്റര് എന്നിവിടങ്ങളിലെ സി.സി.ടി.വി ദൃശ്യങ്ങള് പൊലീസ് ശേഖരിച്ചിരുന്നു. ഇതില് ചിലതില് അക്രമികളുടെ ദൃശ്യങ്ങളുണ്ടെന്നും ഇതിന്റെ […]
മദ്രാസ് ഹൈക്കോടതി മുന് ചീഫ് ജസ്റ്റിസ് താഹില് രമണിക്കെതിരെ സി.ബി.ഐ അന്വേഷണത്തിന് സുപ്രിം കോടതിയുടെ അനുമതി. നിയമനടപടികളുമായി സി.ബി.ഐക്ക് മുന്നോട്ട് പോകാനാണ് സിബിഐക്ക് ചീഫ് ജസ്റ്റിസ് നിര്ദേശം നല്കിയത്. മന്ത്രിക്കെതിരായ കേസില് അനുകൂല വിധിക്കായി പണം വാങ്ങിയെന്നാണ് താഹില് രമണിക്കെതിരായ ആരോപണം. ഗുജറാത്ത് കലാപകാലത്തെ ബില്ക്കിസ് ബാനു കൂട്ടബലാല്സംഗ കേസിലെ പ്രതികളുടെ ശിക്ഷ ശരിവെച്ചത് ജസ്റ്റിസ് വിജയ ആയിരുന്നു. ബോംബെ ഹൈക്കോടതി ആക്ടിങ് ചീഫ് ജസ്റ്റിസ് ആയിരിക്കെയാണ് ശിക്ഷ ശരിവെച്ചത് .
സാമ്പത്തിക മാന്ദ്യം രൂക്ഷമായതിന്റെ പശ്ചാതലത്തില് റിസര്വ് ബാങ്കില് നിന്നും കൂടുതല് പണം ആവശ്യപ്പെടാനൊരുങ്ങി കേന്ദ്ര സര്ക്കാര്. റിസര്വ് ബാങ്കില് നിന്ന് 30,000 കോടി രൂപയാണ് സര്ക്കാര് ആവശ്യപ്പെടാനിരിക്കുന്നത്. ഇടക്കാല ലാഭവിഹിതമായിട്ടാകും 30,000 കോടി രൂപ സ്വീകരിക്കുക. മാര്ച്ചില് 28,000 കോടി ഇടക്കാല ലാഭവിഹിതം ആര്.ബി.ഐ കൈമാറിയതിന് പിന്നാലെയാണിത്. ധനക്കമ്മി ഉയരാന് സാധ്യതയുണ്ടെന്ന റിപ്പോര്ട്ടുകള്ക്കിടെയാണ് കേന്ദ്രസര്ക്കാര് തീരുമാനം.
മൂന്ന് മുന്നണികളും സ്ഥാനാര്ഥികളെ പ്രഖ്യാപിച്ചതോടെ എറണാകുളത്ത് തെരഞ്ഞെടുപ്പ് പ്രചാരണം കൂടുതല് ശക്തമായി. സ്ഥാനാര്ഥികള് ഇന്ന് നാമനിര്ദേശപത്രിക സമര്പ്പിക്കും. എല്.ഡി.എഫ് കണ്വെന്ഷനും ഇന്ന് തുടക്കമാകും. മണ്ഡലം നിലനിർത്താൻ ഡി.സി.സി പ്രസിഡന്റ് ടി.ജെ വിനോദിനെ തന്നെ കളത്തിലിറക്കിയിരിക്കുകയാണ് യു.ഡി.എഫ്. പൊതുസമ്മതനായ സ്വതന്ത്രനെ ഇറക്കി മണ്ഡലം തിരിച്ച് പിടിക്കാമെന്ന പതിവ് തന്ത്രമാണ് മനു റോയിയിലൂടെ എല്.ഡി.എഫ് പയറ്റുന്നത്. പൊതുസ്വീകാര്യനായ ഒരാളെന്ന നിലയ്ക്കാണ് എറണാകുളത്ത് മുത്തുവെന്ന സി.ജി രാജഗോപാലിനെ എന്.ഡി.എ കളത്തിലിറക്കിയത്. മൂന്ന് മുന്നണികളിലും സ്ഥാനാര്ഥി നിര്ണയം പൂര്ത്തിയായതോടെ പ്രചാരണ രംഗവും സജീവമായി. […]
പ്രളയബാധിതർക്കുള്ള ദുരിതാശ്വാസ കിറ്റുകൾ വിതരണം ചെയ്യാതെ നശിക്കുന്നു. കോഴിക്കോട് ചാത്തമംഗലം ഗ്രാമ പഞ്ചായത്തിലാണ് പ്രളയം കഴിഞ്ഞ് ഒന്നര മാസമായിട്ടും കിറ്റുകൾ വിതരണം ചെയാതെ കൂട്ടിയിട്ടിരിക്കുന്നത്. കിറ്റുകള് വിതരണം ചെയ്യാത്തതില് പ്രതിഷേധിച്ച് യു.ഡി.വൈ.എഫ് പ്രവർത്തകര് പഞ്ചായത്ത് ഓഫീസിലേക്ക് മാർച്ച് നടത്തി. പ്രളയബാധിതര്ക്ക് ആശ്വാസം പകരാനായി സംസ്ഥാനത്തിന്റെ വിവിധ പ്രദേശങ്ങളില് നിന്നായി എത്തിച്ച കിറ്റുകളാണ് ചാത്തമംഗലം ഗ്രാമ പഞ്ചായത്തില് വിതരണം ചെയ്യാതെ നശിക്കുന്നത്. ഇതില് തിരുവനന്തപുരം മേയർ വി.കെ പ്രശാന്ത് ഉൾപ്പെടെയുള്ളവർ എത്തിച്ച ദുരിതാശ്വാസ കിറ്റുകളും വിതരണം ചെയ്യാതെ കിടക്കുന്നുണ്ട്. […]
അഞ്ച് നിയമസഭാ മണ്ഡലങ്ങളിലെ ഉപതെരഞ്ഞെടുപ്പിനുള്ള നാമനിര്ദേശ പത്രികാ സമര്പ്പണം ഇന്ന് അവസാനിക്കും. നാളെയാണ് സൂക്ഷ്മ പരിശോധന. ഒക്ടോബര് മൂന്നാണ് പത്രിക പിന്വലിക്കാനുള്ള അവസാന തിയ്യതി. ഇന്ന് വൈകുന്നേരം മൂന്ന് മണി വരെയാണ് പത്രികാ സമര്പ്പണത്തിനുള്ള സമയം. അരൂരിലെ എല്.ഡി.എഫ് സ്ഥാനാര്ത്ഥി മനു സി പുളിക്കന് മാത്രമാണ് മുന്നണികളില് നിന്ന് പത്രിക നല്കിയിട്ടുള്ളത്. മഞ്ചേശ്വരത്ത് രണ്ട് സ്വതന്ത്രരും പത്രിക നൽകിയിട്ടുണ്ട്. ശനിയും ഞായറും അവധിയായതിനാല് കഴിഞ്ഞ ദിവസങ്ങളില് പത്രിക സമര്പ്പിക്കാന് കഴിഞ്ഞിരുന്നില്ല. വട്ടിയൂര്ക്കാവിലെ എല്.ഡി.എഫ് സ്ഥാനാര്ത്ഥി വി.കെ പ്രശാന്തും […]
കൊല്ലം ഇരവിപുരം തീരത്തെ പുലിമുട്ട് നിര്മ്മാണം വീണ്ടും നിലച്ചു. നിര്മ്മാണം പുനരാരംഭിക്കണമെന്നാവശ്യപ്പെട്ട് പ്രതിഷേധത്തിലാണ് തീരദേശവാസികള്. കാക്കത്തോപ്പ് മുതല് താന്നി വരെയുള്ള ഭാഗത്ത് പുലിമുട്ടില്ലാത്തതിനാല് തീരദേശ റോഡ് പകുതിയിലധികം കടലെടുത്തിരുന്നു. തീരത്ത് പ്രതിഷേധം ശക്തമായതിനു പിന്നാലെ നിലച്ചുപോയ നിര്മ്മാണം പുനരാരംഭിക്കുകയും ചെയ്തു. എന്നാല് കഴിഞ്ഞ ഒരു മാസത്തോളമായി ഇവിടെ നിര്മ്മാണപ്രവര്ത്തനങ്ങള് നടക്കുന്നില്ല. 26 പുലിമുട്ടുകളാണ് ഇവിടെ നിര്മ്മിക്കേണ്ടത്. ഇതില് എട്ടെണ്ണം പൂര്ത്തിയായെങ്കിലും ചിലതിന്റ നിര്മ്മാണം പോലും ആരംഭിച്ചിട്ടില്ല. കരിങ്കല്ല് കിട്ടാനില്ലാത്തതാണ് പ്രതിസന്ധിയെന്നാണ് അധികൃതരുടെ വിശദീകരണം.