 | |  |
തെക്ക് കിഴക്കന് ബംഗാള് ഉള്ക്കടലില് ഇന്ന് ചക്രവാതച്ചുഴി രൂപപ്പെടാന് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. നാളെയോടെ ചക്രവാതച്ചുഴി ന്യൂന മര്ദമായി മാറുമെന്നാണ് പ്രവചനം. തിങ്കളാഴ്ച ബംഗാള് ഉള്ക്കടലില് ചുഴലിക്കാറ്റ് രൂപപ്പെടാനും സാധ്യതയുണ്ട്. ചുഴലിക്കാറ്റ് കേരളത്തെ നേരിട്ട് ബാധിക്കാനിടയില്ല. എന്നാല് സംസ്ഥാനത്ത് തിങ്കള്, ചൊവ്വ ദിവസങ്ങളില് മഴ കൂടുതല് ശക്തിപ്പെടും. മലയോര മേഖലകളിലാണ് കൂടുതല് മഴ സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
പെരിയാര് വന്യജീവി സങ്കേതത്തില് തുറന്നുവിട്ട അരിക്കൊമ്പന് ഇന്നലെ തമിഴ്നാട്ടിലെ ജനവാസ മേഖലയിലെത്തി. ഹൈവേസ് ഡാമിന് സമീപം കൃഷി നശിപ്പിക്കാന് ശ്രമിച്ച ആനയെ തൊഴിലാളികളും നാട്ടുകാരും ചേര്ന്ന് തിരികെ കാട്ടിലേക്ക് തുരത്തി. തമിഴ്നാട് വനമേഖലയില് തുടരുകയാണ് നിലവില് അരിക്കൊമ്പന്. മഴ മേഘങ്ങള് അടക്കമുള്ള പ്രതികൂല കാലാവസ്ഥ കാരണം ആനയുടെ ശരീരത്തില് ഘടിപ്പിച്ചിട്ടുള്ള ജിപിഎസ് കോളറില് നിന്നുള്ള സിഗ്നലുകള് കൃത്യമായി ലഭിക്കാന് വൈകുന്നുവെന്നാണ് വിവരം. ഇന്നലെ വൈകിട്ട് വരെ പെരിയാര് കടുവ സങ്കേതത്തിന് പരിസരത്തുതന്നെയായിരുന്നു അരിക്കൊമ്പന്. അതിനുശേഷമായിരിക്കാം തമിഴ്നാട് ജനവാസമേഖലയിലേക്ക് […]
കേരള സംസ്ഥാന ഭാഗ്യക്കുറി വകുപ്പിൻ്റെ കാരുണ്യ KR 600-ന്റെ നറുക്കെടുപ്പ് ഇന്ന്. തിരുവനന്തപുരം പാളയം ബേക്കറി ജംഗ്ഷനു സമീപമുള്ള ഗോർക്കി ഭവനിൽ ഉച്ചയ്ക്ക് 2.55 നാണ് നറുക്കെടുപ്പ്. 80 ലക്ഷം രൂപയാണ് ഒന്നാം സമ്മാനം. രണ്ടാം സമ്മാനം 5 ലക്ഷം രൂപയും മൂന്നാം സമ്മാനമായി 1 ലക്ഷം രൂപയും പ്രോത്സാഹന സമ്മാനമായി 8,000 രൂപയും ലഭിക്കും. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റിൽ ഫലം ലഭ്യമാണ്. സംസ്ഥാനത്തെ ഏതു ലോട്ടറിക്കടയില് നിന്നും തുക കരസ്ഥമാക്കാം. 5,000 രൂപയില് കൂടുതലാണ് […]
പ്രവീണ് നാഥിന്റെ ആത്മഹത്യയുടെ പശ്ചാത്തലത്തില് ഉന്നത വിദ്യാഭ്യാസ മന്ത്രി ആര് ബിന്ദു ഫേസ്ബുക്കില് പങ്കുവച്ച കുറിപ്പ് ചര്ച്ചയാകുന്നു. ട്രാന്സ് വിഭാഗങ്ങളോട് നമ്മുടെ സമൂഹം പുലര്ത്തി വരുന്ന അവമതിപ്പാണ് ഇവിടെയും തെളിഞ്ഞു കണ്ടതെന്ന് മന്ത്രി ആര് ബിന്ദു പറഞ്ഞു. പ്രവീണ് നാഥിന്റേത് രക്തസാക്ഷിത്വമാണ്. സമൂഹമാധ്യമങ്ങളിലൂടെയുള്ള സൈബര് ആക്രമണങ്ങളും മാനഹത്യാ വാര്ത്തകളുമാണ് ട്രാന്സ്മാന് പ്രവീണ്നാഥിന്റെ ജീവനൊടുക്കലില് എത്തിച്ചത്. സമാനമായ സൈബര് അധിക്ഷേപങ്ങളില് മനസ് ചത്ത് ജീവിതം അവസാനിപ്പിച്ചവര് വേറെയും എത്രയോ പേരുണ്ട്. ഇനിയും ഇത്തരമൊരു ദുരന്ത വാര്ത്തയ്ക്ക് അരങ്ങൊരുക്കാന് ചോരക്കൊതിപൂണ്ട് […]
സ്കൂൾ ബസ് ഡ്രൈവർ ഭിന്നശേഷി വിദ്യാർഥിനിയെ പീഡിപ്പിച്ചു. പത്തനംതിട്ട പന്തളത്ത് ബഡ്സ് സ്ക്കൂൾ വിദ്യാർത്ഥിനിയാണ് പീഡനത്തിന് ഇരയായത്. ഈ മാസം 21 നാണ് സംഭവം. സ്കൂളിൽ ക്ലാസ് ഇല്ല എന്നറിയാതെ റോഡിൽ നിന്ന് കുട്ടിയെ ഡ്രൈവർ ബൈക്കിൽ കയറ്റി കൊണ്ടുപോയി പീഡിപ്പിച്ചു. കുട്ടിയുടെ സ്വഭാവത്തിൽ വന്ന വ്യത്യാസം ശ്രദ്ധിച്ച അധ്യാപകരാണ് വിവരം ചോദിച്ചറിഞ്ഞത്. അധ്യാപകർ വിവരം പഞ്ചായത്തിൽ അറിയിച്ചിട്ടും ഒരാഴ്ച അധികൃതർ വിവരം മറച്ചുവെച്ചു. കുട്ടിയുടെ മാതാവ് വിവരമറിഞ്ഞതോടെയാണ് സംഭവം പരാതിയായത്.
തൃശൂര് അതിരപ്പിള്ളി വനത്തില് യുവതിയുടെ ജഡം കണ്ടെത്തിയ സംഭവം കൊലപാതകം. കാലടി സ്വദേശി ആതിരയുടെ മൃതദേഹമാണ് വനത്തിനുള്ളില് നിന്ന് കണ്ടെത്തിയത്. ആതിരയുടെ സുഹൃത്ത് ഇടുക്കി സ്വദേശി അഖില് അറസ്റ്റിലായി. (Man murdered friend inside forest at athirappally) കഴിഞ്ഞ മാസം 29നാണ് ആതിരയെ കാണാതായത്. ആതിര അഖിലിനൊപ്പം ഒന്നിച്ച് കാറില് കയറി പോകുന്നത് കണ്ടതായി പോലീസിന് വിവരം ലഭിച്ചതാണ് കേസില് നിര്ണായകമായത്. ഇതിന്റെ അടിസ്ഥാനത്തില് ചോദ്യം ചെയ്തപ്പോഴാണ് കൊലപാതകത്തെക്കുറിച്ച് വ്യക്തമായത്. ഇരുവരും തമ്മില് സാമ്പത്തിക തര്ക്കങ്ങള് […]
കുസാറ്റ് സിഗ്നലിനു സമീപം ബസ് ലോറിയുടെ പിന്നിൽ ഇടിച്ചു അപകടം. 17 പേർക്ക് പരുക്ക് പറ്റി. ആരുടെയും നില ഗുരുതരമല്ല. പരുക്ക് പറ്റിയവരെ കളമശ്ശേരി കിൻഡർ ഹോസ്പിറ്റലിൽ പ്രവേശിപ്പിച്ചിട്ടുണ്ട്. പുലർച്ചെ 5 മണിക്കാണ് അപകടം നടന്നത്. കാസർഗോഡ് നിന്നും കോട്ടയത്തേക്ക് പോയ ബസാണ് അപകടത്തിൽപെട്ടത്. പരുക്കേറ്റവരിൽ 6 പുരുഷൻമാരും 8 സ്ത്രീകളും 3 കുട്ടികളും ഉൾപ്പെടുന്നു.
അതിവേഗ കേബിൾ നെറ്റ്വർക്കും 5ജി സിമ്മും ഉള്ള കേരളത്തിൽ സർക്കാർ നടപ്പാക്കിയ 1531 കോടിയുടെ കെ ഫോൺ പദ്ധതി മുഖ്യമന്ത്രിക്കും അദ്ദേഹത്തിന്റെ ബന്ധുക്കൾക്കും ശതകോടികൾ കൈയിട്ടുവാരാനുള്ള തട്ടിപ്പ് പദ്ധതിയാണെന്ന് കെപിസിസി പ്രസിഡൻറ് കെ സുധാകരൻ എംപി. എഐ ക്യാമറ പദ്ധതിയേക്കാൾ വലിയ തട്ടിപ്പാണ് ഈ പദ്ധതിയിൽ അരങ്ങേറിയത് എന്ന് വാർത്താകുറിപ്പിൽ അദ്ദേഹം വ്യക്തമാക്കി. 2017ൽ ആരംഭിച്ച പദ്ധതി ഇതുവരെ ലക്ഷ്യത്തിലെത്തിയില്ലെങ്കിലും ബന്ധപ്പെട്ടവർ ശതകോടികൾ അടിച്ചുമാറ്റി അവരുടെ ലക്ഷ്യം കണ്ടു. 20 ലക്ഷം വീടുകളിൽ സൗജന്യ ഇന്റർനെറ്റ് എന്ന […]
തിരുവനന്തപുരം വര്ക്കലയില് 16 കാരിയെ യുവാവ് മര്ദിച്ചത് പ്രണയാഭ്യര്ത്ഥന നിരസിച്ചതിനല്ലെന്ന് കുടുംബം. കൃഷ്ണരാജ് കഴിഞ്ഞ രണ്ടു വര്ഷമായി പെണ്കുട്ടിയുമായി പ്രണയത്തിലായിരുന്നെന്ന് മാതാപിതാക്കള് ആരോപിക്കുന്നു. കൃഷ്ണരാജിന് മേല് ചുമത്തിയത് കള്ളക്കേസെന്നും കുടുംബം പറഞ്ഞു. തിങ്കളാഴ്ചയാണ് വര്ക്കല വെട്ടൂരില് വെച്ച് വിളഭാഗം സ്വദേശി കൃഷ്ണരാജ് പെണ്കുട്ടിയെ മര്ദ്ദിക്കുന്നത്. പ്രണയാഭ്യര്ത്ഥന നിരസിച്ചതിനാണ് പെണ്കുട്ടിയെ മര്ദ്ദിച്ചതെന്നാണ് പൊലീസ് പറയുന്നത്. ഇതില് കൃഷ്ണരാജിനെതിരെ പോക്സോ വകുപ്പും ചുമത്തി. എന്നാല് പെണ്കുട്ടിയും യുവാവും തമ്മില് പ്രണയത്തിലായിരുന്നെന് കൃഷ്ണരാജിന്റെ മാതാവ് പറഞ്ഞു. ചിലര് പെണ്കുട്ടിയെ മര്ദ്ദിക്കുന്ന ദൃശ്യം […]
ജമ്മു കശ്മീരിലുണ്ടായ ഏറ്റുമുട്ടലിൽ രണ്ട് ഭീകരരെ സൈന്യം വധിച്ചു. ബാരാമുള്ള ജില്ലയിലെ പയീന് ക്രീരി മേഖലയിലാണ് ഏറ്റുമുട്ടല് നടന്നത്. പ്രദേശത്ത് തെരച്ചിൽ നടത്തിക്കൊണ്ടിരുന്ന സുരക്ഷാ സേനാംഗങ്ങളെ ഭീകരർ ആക്രമിക്കുകയായിരുന്നു. സൈന്യം നടത്തിയ പ്രത്യാക്രമണത്തിലാണ് ഭീകരർ കൊല്ലപ്പെട്ടത്. കൊല്ലപ്പെട്ട ഭീകരരുടെ പക്കല് നിന്ന് എകെ 47 തോക്കും നിരവധി ആയുധങ്ങളും സ്ഫോടക വസ്തുക്കളും കണ്ടെടുത്തതായി പൊലീസ് അറിയിച്ചു.