Kerala

പി.ജെ ജോസഫിനെ പാർലമെന്ററി പാർട്ടി നേതാവായി അംഗീകരിക്കണമെന്ന എന്ന മോൻസ് ജോസഫിന്റെ ആവശ്യത്തില്‍ തര്‍ക്കം തുടരുന്നു. മോൻസ് ജോസഫ് സ്പീക്കര്‍ക്ക് നല്‍കിയ കത്ത് തെറ്റിധാരണയുണ്ടാക്കിയതായി റോഷി അഗസ്റ്റിൻ. പാർട്ടിയിൽ ആലോചിക്കാതെയാണ് മോൻസ് കത്ത് നൽകിയതെന്നും റോഷി ആരോപിച്ചു. കത്ത് നൽകുന്നതിന് മുൻപ് പാർട്ടിയിൽ ചർച്ച ചെയ്യണമായിരുന്നുവെന്നും മോന്‍സ് ജോസഫിന്റെ നടപടി ശരിയായില്ലെന്നും ജോസ് കെ.മാണിയും പ്രതികരിച്ചു. അതേസമയം കേരള കോണ്‍ഗ്രസില്‍ ചെയര്‍മാന്‍ സ്ഥാനത്തിന്റെ മാനദണ്ഡം സീനിയോറിറ്റിയാണെന്ന സൂചന നല്‍കി പി.ജെ ജോസഫ്, ലയനസമയത്ത് മുതിര്‍ന്ന നേതാവെന്ന പരിഗണന […]

ശാരദ ചിട്ടി ഫണ്ട് തട്ടിപ്പ് കേസില്‍ മുന്‍ കൊല്‍ക്കത്ത പൊലീസ് കമ്മിഷണര്‍ രാജീവ് കുമാറിനെ ഇന്ന് സി.ബി.ഐ അറസ്റ്റ് ചെയ്തേക്കും. കൊല്‍ക്കത്ത സി.ബി.ഐ ഓഫീസില്‍ ഹാജരാകാനാവശ്യപ്പെട്ട് രാജീവ് കുമാറിന് സി.ബി.ഐ നോട്ടീസ് നല്‍കി. അറസ്റ്റില്‍ നിന്ന് സംരക്ഷണം തേടിയുള്ള രാജീവ് കുമാറിന്റെ അപേക്ഷ സുപ്രീം കോടതി പരിഗണിക്കാന്‍ വിസമ്മതിച്ചതിന് പിന്നാലെ ഇന്നലെ സി.ബി.ഐ ഉദ്യോഗസ്ഥര്‍ രാജീവ് കുമാറിന്റെ വസതിയിലെത്തിയെങ്കിലും കണ്ടെത്താനായിരുന്നില്ല. ഇതെത്തുടര്‍ന്ന് അദ്ദേഹത്തിനായി ലുക്കൌട്ട് നോട്ടീസ് പുറപ്പെടുവിച്ചിട്ടുണ്ട്. വിദേശത്തേക്ക് കടക്കാതിരിക്കാന്‍ വിമാനത്താവളങ്ങളിലും ജാഗ്രത നിര്‍ദേശം നല്‍കി. ചിട്ടി […]

ശബരിമല സ്ട്രോംഗ് റൂം ഇന്ന് തുറന്ന് പരിശോധിച്ചേക്കും. 2017 മുതൽ വഴിപാടായി ലഭിച്ച സ്വർണ്ണം, വെള്ളി എന്നിവ സ്ട്രോംഗ് റൂമിലേക്ക് മാറ്റിയതിന് രേഖകളില്ലാത്ത സാഹചര്യത്തിലാണ് പരിശോധന. ഹൈക്കോടതി ഓഡിറ്റ്‌ വിഭാഗത്തിന്റെ നേതൃത്വത്തിലായിരിക്കും ഇന്ന് പരിശോധന നടത്തുക. 40 കിലോ സ്വർണ്ണം, നൂറിലേറെ കിലോ വെള്ളി എന്നിവ സ്ട്രോഗ് റൂമിലേക്ക് മാറ്റിയതിന്റെ വിവരങ്ങൾ ഇല്ലന്നൊണ് ഓഡിറ്റിംഗിൽ കണ്ടെത്തിയത് ഇവ സ്ട്രോംഗ് റൂമിൽ എത്തിയിട്ടുണ്ടോ എന്നാണ് പരിശോധിക്കുക. 2017 ന് ശേഷമുള്ള മൂന്ന് വർഷത്തെ വഴിപാടായി ലഭിച്ച സ്വർണ്ണവും വെള്ളിയുമാണ് […]

ശബരിമല വിഷയം പത്തനംതിട്ടയിലെ എല്‍.ഡി.എഫ് തോൽവിയെ ബാധിച്ചില്ലെന്ന് വീണ ജോര്‍ജ്. യു. ഡി. എഫ് സ്ഥാനാർത്ഥിയുടെ ഭുരിപക്ഷം കുറക്കാനായി. മോദി വിരുദ്ധതയുടെ പേരിലാണ് ആറൻമുളയിലെ ഉൾപ്പടെ വോട്ടുകൾ യു .ഡി .എഫിന് ലഭിച്ചതെന്ന് വീണ ജോർജ്. ശബരിമല വിഷയത്തിൽ ഉൾപ്പടെ തനിക്ക് മേൽ നടന്ന കുപ്രചാരണങ്ങൾ തെരഞ്ഞെടുപ്പിൽ വില പോയില്ലെന്ന് എൽ.ഡി.എഫ് സ്ഥാനാർത്ഥിയായിരുന്ന വീണ ജോർജ്. ഒരു ഘട്ടത്തിൽ താൻ മൂന്നാം സ്ഥാനത്തേയ്ക്ക് പിന്തള്ളപ്പെടുമെന്നു പോലും പ്രചാരണങ്ങൾ ഉണ്ടായി എന്നാൽ, യു.ഡി.ഫ് സ്ഥാനാർത്ഥിയുടെ ഭൂരിപക്ഷം കുറയ്ക്കാനായെന്നും മികച്ച […]

ആലുവ ഇടയാറിലെ സ്വര്‍ണ്ണ ശുദ്ധീകരണശാലയിലേക്ക് കൊണ്ടു വന്ന സ്വര്‍ണം കവര്‍ന്ന സംഭവത്തിന് പിന്നില്‍ വന്‍ ഗൂ‍ഢാലോചന നടന്നതായി പൊലീസ്. സ്ഥാപനത്തിലെ മുന്‍ ജീവനക്കാരന്‍ ഉള്‍പ്പെടെ അഞ്ച് പ്രതികള്‍ പിടിയിലായി‍. സ്വര്‍ണവുമായി എത്തിയ വാഹനത്തില്‍ ഉണ്ടായിരുന്നവര്‍ക്കടക്കം ഗൂഢാലോചനയില്‍ പങ്കുണ്ടെന്ന സംശയവും ബലപ്പെട്ടിട്ടുണ്ട്. സ്വര്‍ണശുദ്ധീകരണശാലയിലെ മുന്‍ ഡ്രൈവര്‍ സതീഷ് കൂട്ടുപ്രതികളായ സനീഷ്, നസീബ്, രാജേഷ് എന്നിവരാണ് കഴിഞ്ഞ ദിവസം പൊലീസ് പിടിയിലായത്. മൂന്നാറിലെ വനത്തില്‍ ഒളിവില്‍ കഴിഞ്ഞിരുന്ന ഇവരെ ഏറ്റുമുട്ടലിലൂടെയാണ് പിടികൂടിയത്. ഇവരുടെ പക്കല്‍ നിന്ന് ആയുധങ്ങളടക്കം കണ്ടെത്തുകയും ചെയ്തു. […]

യാക്കോബായ സഭയുടെ നിര്‍ണായക സിനഡ് യോഗം ഇന്ന് കൊച്ചി, പുത്തന്‍ കുരിശ് പാത്രിയാക്കീസ് സെന്ററില്‍ ചേരും. മെത്രാപൊലീത്തന്‍ ട്രസ്റ്റി സ്ഥാനത്തേക്ക് ശ്രേഷ്ഠ കത്തോലിക ബാവക്ക് പകരക്കാരനെ കണ്ടെത്തുകയാണ് സിനഡിന്റെ പ്രധാന അജണ്ട. സഭയുടെ പരമാധ്യക്ഷന്‍ ഇഗ്‌നാത്തിയോസ് അഫ്രേം പാത്രീയാക്കീസ് ബാവയുടെ അധ്യക്ഷതയിലാണ് പ്രത്യേക സിനഡ് ചേരുന്നത്. സഭാ ഭരണത്തെ ചൊല്ലിയുള്ള തര്‍ക്കങ്ങള്‍ രൂക്ഷമായ സാഹചര്യത്തിലാണ് പാത്രീയാക്കീസ് ബാവയുടെ അധ്യക്ഷതയില്‍ സിനഡ് ചേരുന്നത്. അല്‍മായ ട്രസ്റ്റിമാരും വൈദികരുമായുള്ള അഭിപ്രായ ഭിന്നതകളെ തുടര്‍ന്ന് ശ്രേഷ്ഠ കാതോലിക്ക ബസേലിയോസ് തോമസ് പ്രഥമന്‍ […]

സിറോ മലബാര്‍സഭ വ്യാജരേഖാ കേസ് സി.ബി.ഐ അന്വേഷിക്കണമെന്ന് എറണാകുളം – അങ്കമാലി അതിരൂപത. വ്യാജരേഖ ചമച്ചതില്‍ വൈദികര്‍ക്ക് പങ്കില്ല. അറസ്റ്റിലായ ആദിത്യനെ മര്‍ദിച്ചാണ് വൈദികര്‍ക്കെതിരെ മൊഴി കൊടുപ്പിച്ചത്. അതിരൂപത ഇറക്കിയ സര്‍ക്കുലറില്‍ കര്‍ദിനാള്‍ ജോര്‍ജ് ആലഞ്ചേരിക്കും വിമര്‍ശമുണ്ട്. സര്‍ക്കുലര്‍ നാളെ പള്ളികളില്‍ വായിച്ചേക്കും.

ലോക്സഭാ തെരഞ്ഞെടുപ്പിലെ തോല്‍വിക്ക് കാരണക്കാരന്‍ രാഹുല്‍ ഗാന്ധിയല്ലെന്ന് എ.ഐ.സി.സി ജനറൽ സെക്രട്ടറി ഉമ്മൻചാണ്ടി. രാഹുൽ ഗാന്ധിയുടെ നേതൃത്വം അനിവാര്യമായ സമയമാണിത്. തെറ്റുകൾ തിരുത്തി കോൺഗ്രസ്‌ മുന്നോട്ട് പോകും. ശബരിമല വിഷയമാണ് തെരഞ്ഞെടുപ്പിൽ തിരിച്ചടിയായതെന്ന് എൽ.ഡി.എഫ് വൈകിയാണെങ്കിലും തിരിച്ചറിഞ്ഞുവെന്നും ഉമ്മൻചാണ്ടി പറഞ്ഞു.

തെരഞ്ഞെടുപ്പിൽ തോറ്റെങ്കിലും ശബരിമലയിലെ സ്ത്രീപ്രവേശന നിലപാടിൽ പിന്നോട്ടില്ലെന്ന സൂചന നൽകി സി.പി.എം. കോടതി നിർദേശങ്ങൾ പൂർണ്ണമനസോടെ നടപ്പാക്കാൻ സജ്ജമായ സർക്കാരാണ് കേരളത്തിലേതെന്ന് മുഖ്യമന്ത്രി പിണറായി വിജയന്‍ പറഞ്ഞു. ശബരിമലയിൽ സർക്കാർ സ്വീകരിച്ച നിലപാട് ശരിയായിരുന്നെ് കോടിയേരി ബാലകൃഷ്ണനും നിലപാടിൽ മാറ്റമില്ലെന്ന് തോമസ് ഐസക്കും വ്യക്തമാക്കി. ലോക്സഭ തെരഞ്ഞെടുപ്പിലെ ദയനീയ തോൽവിക്ക് ശബരിമലയും കാരണമായിട്ടുണ്ടെന്നായിരുന്നു സി.പി.എം സെക്രട്ടറിയേറ്റിൻറെ വിലയിരുത്തൽ. എന്നാൽ തിരിച്ചടി നേരിട്ടെങ്കിലും കോടതി വിധി നടപ്പാക്കുന്നതിൽ നിന്ന് പിന്നോട്ടില്ലെന്ന സൂചനയാണ് സർക്കാരും സി.പി.എം നേതൃത്വവും നൽകുന്നത്. ശബരിമലയുടെ […]

വയനാട് പുൽപ്പള്ളി കന്നാരം പുഴയിൽ സുഹൃത്തുക്കൾ തമ്മിലുണ്ടായ വാക്കു തർക്കത്തിനെ തുടര്‍ന്ന് ഒരാൾ വെടിയേറ്റു മരിച്ചു.പുൽപ്പള്ളി കന്നാരം കാട്ടു മാക്കൽ മിഥുൻ പത്മൻ എന്ന വർക്കിയാണ് കൊല്ലപ്പെട്ടത്. സുഹൃത്തും പ്രദേശവാസിയുമായ ചാർളിയാണ് മിഥുനു നേരെ നാടന്‍ തോക്ക് ഉപയോഗിച്ച് വെടിവെച്ചത്. കൂടെയുണ്ടായിരുന്ന മിഥുന്റെ ഇളയച്ഛൻ കിഷോറിന് ഗുരുതര പരിക്കുണ്ട്. ഇയാളെ കോഴിക്കോട് മെഡിക്കൽ കോളേജിലേക്ക് കൊണ്ടുപോയി. ചാര്‍ളിയെ പൊലീസ് കസ്റ്റഡിയിലെടുത്തു. ഒരാഴ്ചയായി ഇരുവരും തമ്മിൽ വാക്കുതർക്കം രൂക്ഷമായിരുന്നു. സ്ഥലത്ത് പൊലീസ് ക്യാമ്പ് ചെയ്യുന്നുണ്ട്.