 | |  |
പെരുമ്പാവൂർ പോഞ്ഞാശ്ശേരിയിൽ രണ്ട് നിര്മാണത്തൊഴിലാളികള് കെട്ടിടത്തില് നിന്ന് വീണ് മരിച്ചു. മുർഷിദാബാദ് സ്വദേശികളായ റിപ്പൺ ഷെയ്ഖ്, സുവോ ഷെയ്ഖ് എന്നിവരാണ് മരിച്ചത്. നില കെട്ടിയിരുന്ന പൈപ്പ് തെന്നി വീണ് താഴേക്ക് പതിച്ചതാണ് അപകടമുണ്ടായത്. ഇന്ന് രാവിലെ 11 മണിയോടെയാണ് സംഭവം.
കൊല്ലം കടയ്ക്കലിൽ പൊലീസും ഡി.വൈ.എഫ്.ഐ പ്രവർത്തകരും തമ്മിൽ സംഘർഷം. സി.ഐ അടക്കം രണ്ട് പൊലീസുകാർക്കും മൂന്ന് ഡി.വൈ.എഫ്.ഐ പ്രവർത്തകർക്കും പരുക്കേറ്റു. ആക്രമണത്തിന് നേതൃത്വം നൽകിയ മൂന്നു ഡി.വൈ.എഫ്.ഐ പ്രവർത്തകരെ പൊലീസ് അറസ്റ്റ് ചെയ്തു. കഴിഞ്ഞ ദിവസം രാത്രി കടയ്ക്കൽ മിനി സിവിൽ സ്റ്റേഷനു സമീപമായിരുന്നു സംഭവം. ഓട്ടോയിൽ എത്തിയ ഡി.വൈ.എഫ്.ഐ പ്രവർത്തകര് മദ്യപിച്ചിട്ടുണ്ടെന്ന് വ്യക്തമായതോടെ പൊലീസ് ഇവരെ കസ്റ്റഡിയിലെടുത്തു ജീപ്പില് കയറ്റി. ജീപ്പിൽ നിന്ന് പുറത്തേക്ക് ഇറങ്ങിയ പ്രവർത്തകരും പൊലീസും തമ്മില് സംഘർഷമുണ്ടാവുകയായിരുന്നു. ചിതറ സ്വദേശികളായ ബിനോയ്, […]
ശബരിമല തീർത്ഥാടന കാലത്ത് സ്വകാര്യ വാഹനങ്ങൾക്ക് പമ്പയിലേക്ക് പ്രവേശനാനുമതി നൽകണമെന്ന കാര്യം ദേവസ്വം ബോർഡ് സർക്കാരിനെ അറിയിക്കും. തീർത്ഥാടകരുടെ എണ്ണം കുറയാൻ കാരണം വാഹനങ്ങൾ കടത്തിവിടാത്തതാണെന്ന നിഗമനത്തിലാണ് ബോർഡ് ഇക്കാര്യം അറിയിക്കുക. എന്നാൽ ഈ വിഷയത്തിൽ അന്തിമ തീരുമാനമെടുക്കുക പൊലീസും സർക്കാരുമായിരിക്കും. കഴിഞ്ഞ ദിവസം ചേർന്ന ദേവസ്വം ബോർഡ് യോഗത്തിലാണ് ഈ നിലപാടിൽ ബോർഡ് എത്തിയത്. ബേസ് ക്യാമ്പ് നിലയ്ക്കലിൽ തന്നെ നിലനിർത്താനാണ് ദേവസ്വം ബോർഡ് സർക്കാരിനോടും പൊലീസിനൊടും ആവശ്യപ്പെടുക. തീർത്ഥാടകർ വരുന്ന വാഹനങ്ങൾ പമ്പയിലേക്ക് കടത്തി […]
കല്ലട ബസില് യാത്രക്കാര് അക്രമിക്കപ്പെട്ട കേസില് ട്രാന്സ്പോര്ട്ട് കമ്മീഷണറും പൊലീസും റിപ്പോര്ട്ട് സമര്പ്പിച്ചില്ലെന്ന് മനുഷ്യാവകാശ കമ്മീഷന്. ഇവരോട് വീണ്ടും റിപ്പോര്ട്ട് സമര്പ്പിക്കാന് കമ്മീഷന് നിര്ദേശം നല്കി. സ്വകാര്യ ബസുകളുടെ കൊള്ളയ്ക്ക് യാത്രക്കാര് ഇരയാകുന്നത് റെയില്വെ സംവിധാനം കാര്യക്ഷമമാകാത്തതു കൊണ്ടാണെന്നും ഇക്കാര്യം ചൂണ്ടിക്കാണിച്ച് ദേശീയ മനുഷ്യാവകാശ കമ്മീഷന് റിപ്പോര്ട്ട് സമര്പ്പിക്കുമെന്നും കമ്മീഷന് അംഗം പി മോഹനദാസ് പറഞ്ഞു.
കേരള കോണ്ഗ്രസ് എം പാര്ട്ടിയുടെ ചെയര്മാന് പി.ജെ ജോസഫാണെന്ന് പാര്ട്ടി ജനറല് സെക്രട്ടറി ജോയ് എബ്രഹാം തെരഞ്ഞെടുപ്പ് കമ്മീഷനില് കത്ത് നല്കി. ഇതോടെ പി.ജെ ജോസഫ് വിഭാഗം പാര്ട്ടിയിലെ ഔദ്യോഗിക പക്ഷമാകും. ജോസ് കെ.മാണി വിഭാഗത്തോട് ആലോചിക്കാതെയാണ് ജോയ് എബ്രഹാമിന്റെ കത്ത്. ചെയര്മാന് പദവിയുടെ തര്ക്കത്തെ ചൊല്ലിയുള്ള കേസ് കോടതിയില് നിലനില്ക്കുന്നതിനാല് സംസ്ഥാന കമ്മിറ്റി ഉടന് വിളിക്കില്ലെന്നാണ് ജോസഫിന്റെ നിലപാട്. കേരള കോണ്ഗ്രസ് ചെയര്മാന് ആരാകണമെന്ന തര്ക്കം തുടരുന്നതിനിടെയാണ് ജോയ് എബ്രഹാം തെരഞ്ഞെടുപ്പ് കമ്മീഷന് കത്ത് നല്കിയത്. […]
സംസ്ഥാനത്തെ തെരഞ്ഞെടുപ്പ് ഫലം ആശങ്കപ്പെടുത്തുന്നതെന്ന് നടന് വിനായകന്. ഇടതുപക്ഷത്തിന്റെ പരാജയം തന്നെ ഞെട്ടിച്ചു. എന്നാല് ആര്.എസ്.എസിന്റെ അജണ്ട കേരളത്തില് നടക്കില്ലെന്ന് തെളിഞ്ഞെന്നും വിനായകന് പറഞ്ഞു. മീഡിയവണിനനുവദിച്ച പ്രത്യേക അഭിമുഖത്തില് സംസാരിക്കുകയായിരുന്നു വിനായകന്. താനൊരു ഇടതുപക്ഷ സഹയാത്രികനാണ്. അതുകൊണ്ട് തന്നെ തെരഞ്ഞെടുപ്പ് ഫലം തന്നെ ഞെട്ടിച്ചു. എന്താണ് സംഭവിച്ചതെന്ന് ജനം ചിന്തിക്കേണ്ടിയിരിക്കുന്നു. ഇടതുപക്ഷത്തിന്റെ തകര്ച്ച ആശങ്കപ്പെടുത്തുന്നതാണ്. ബി.ജെ.പി മുന്നോട്ട് വെക്കുന്ന രാഷ്ട്രീയം കേരളത്തിലെ ജനത തള്ളിക്കളഞ്ഞതില് സന്തോഷമുണ്ടെന്നും വിനായകന് പറഞ്ഞു. തനിക്ക് വ്യക്തമായ രാഷ്ട്രീയ നിലപാടുകള് ഉണ്ടെന്നും എന്നാല് […]
സംസ്ഥാനത്തെ പൊതുവിദ്യാലയങ്ങൾ ജൂൺ മൂന്നിന് തുറക്കും. സംസ്ഥാന ചരിത്രത്തിൽ ആദ്യമായി ഒന്നു മുതൽ 12 വരെയുള്ള ക്ലാസുകൾ ഒരു ദിവസമാണ് ആരംഭിക്കുന്നത്. ഈ വർഷത്തെ പ്രവേശനോത്സവം ആവേശകരമാക്കാനാണ് സർക്കാർ തീരുമാനം. സംസ്ഥാനത്തെ വിദ്യാഭ്യാസ രംഗത്ത് സമഗ്രമായ മാറ്റങ്ങൾക്ക് തുടക്കമിടുന്ന അധ്യയന വർഷമാക്കി മാറ്റുന്ന തിരക്കിലാണ് വിദ്യാഭ്യാസ വകുപ്പ്. ആദ്യപടിയെന്ന നിലയിൽ ഹൈസ്കൂൾ ഹയർ സെക്കണ്ടറി വിഭാഗങ്ങൾക്ക് ഒരേ ദിവസം അധ്യയനം തുടങ്ങുകയാണ്. ജൂൺ മൂന്നിന് സ്കൂൾ ക്ലാസുകൾ തുടങ്ങുന്നതിനൊപ്പം പതിനൊന്നാം ക്ലാസ് തുടങ്ങുന്നതിനായ് ഹയർ സെക്കണ്ടറി പ്രവേശന […]
മകന്റെ ടി.സി ലഭിക്കാൻ സ്കൂളിലെ പാചകക്കാരിയിൽ നിന്ന് ഒരു ലക്ഷം രൂപ ഈടാക്കി നിലമ്പൂരിലെ പാലുണ്ട ഗുഡ് ഷെപ്പേർഡ് സ്കൂൾ. സൗജന്യ വിദ്യാഭ്യാസം വാഗ്ദാനം ചെയ്ത്, വിദ്യാർത്ഥി പത്താം ക്ലാസ് കഴിഞ്ഞ് സ്കൂൾ മാറാൻ ആവശ്യപ്പെട്ടപ്പോഴാണ് പലിശ സഹിതം തുക ഈടാക്കിയത്. കടം വാങ്ങി പണമടച്ച അമ്മ ഇപ്പോഴും കടം വീട്ടാനുള്ള നെട്ടോട്ടത്തിലാണ്. മകന് മികച്ച വിദ്യാഭ്യാസം നൽകുക എന്ന ഈ അമ്മയുടെ സ്വപ്നം പക്ഷേ, കടക്കെണിയിലാണ് എത്തിച്ചത്. പാലുണ്ടയിലെ ഗുഡ്ഷെപ്പേർഡ് സ്കൂളിൽ പാചകതൊഴിലാളിയായി ചേർന്നപ്പോൾ, മകന് […]
കെവിന് കേസില് സസ്പെന്ഷനിലായിരുന്ന എസ്.ഐ ഷിബുവിനെ തിരിച്ചെടുത്തതില് രാഷ്ട്രീയ ഇടപെടലുണ്ടെന്ന് കെവിന്റെ അച്ഛന് ജോസഫ്. ഷിബുവിനെ തിരിച്ചെടുത്തതിനെതിരെ നിയമപോരാട്ടം നടത്തുമെന്നും ജോസഫ് മീഡിയവണിനോട് പറഞ്ഞു. ഇന്ന് വൈകിട്ട് തിരുവനന്തപുരത്തെത്തി മുഖ്യമന്ത്രിക്ക് പരാതി നല്കുമെന്നും ജോസഫ് പറഞ്ഞു.
കാസര്കോട് യുവാക്കള്ക്ക് നേരെ പേര് ചോദിച്ച് മര്ദനം. യാത്രക്കിടെ വഴിയില് വാഹനം നിര്ത്തിയ യുവാക്കളെ രണ്ടംഗ സംഘം പേര് ചോദിച്ച് മര്ദിച്ചെന്നാണ് പരാതി. സംഭവത്തില് ഒരാളെ പൊലീസ് അറസ്റ്റ് ചെയ്തു. കറന്തക്കാട് പെട്രോള് പമ്പില് വെച്ച് മറ്റൊരാളും സമാനമായ രീതിയില് അക്രമത്തിനിരയായി. ഗള്ഫില് നിന്നെത്തുന്ന ബന്ധുവിനെ കൂട്ടിക്കൊണ്ട് വരാനായി മംഗലാപുരം എയര്പോര്ട്ടിലേക്ക് പോവുകയായിരുന്ന കാഞ്ഞങ്ങാട് മരക്കാപ്പ് സ്വദേശികളായ ഫായിസിനും, സുഹൃത്ത് അനസിനുമാണ് മര്ദനമേറ്റത്. കാസര്കോട് കറന്തക്കാട് താളിപ്പടുപ്പ് മൈതാനത്തിന് സമീപം തിങ്കളാഴ്ച്ച പുലര്ച്ചെ 1 മണിക്കാണ് ആക്രമണമുണ്ടായത്. […]