Kerala

അന്തര്‍ സംസ്ഥാന സ്വകാര്യബസുകളിലെ യാത്രക്കാരുടെ പരാതികള്‍ പരിഹരിക്കാനായി പാസഞ്ചര്‍ റിഡ്രസല്‍ഫോറവുമായി ബസുടമകള്‍. കല്ലട സംഭവത്തിന്റെ പശ്ചാത്തലത്തില്‍ ബസുകള്‍ക്കെതിരെ സര്‍ക്കാര്‍ നടപടികള്‍ കര്‍ശമാക്കിയപ്പോഴാണ് ബസുടമകളുടെ നേതൃത്വത്തില്‍ പരാതി പരിഹാര ഫോറത്തിന് രൂപം നല്‍കിയത്. കേരളത്തിലേക്ക് സര്‍വ്വീസ് നടത്തുന്ന ബസുകളിലെ ജീവനക്കാരുടെ മോശമായ പെരുമാറ്റത്തെക്കുറിച്ചും, സര്‍വ്വീസിലെ പോരായ്മകളെയും, അമിതയാത്രാ നിരക്കുകളെ കുറിച്ചും യാത്രക്കാര്‍ക്ക് പരാതി പെടാനാണ് ബസുടമകളുടെ നേതൃത്വത്തില്‍ പരാതി പരിഹാര ഫോറത്തിന് രൂപം നല്‍കിയത്. ഇത് സംബന്ധിച്ച പരാതികള്‍ ഇ മെയില്‍ വഴി പരാതികള്‍ അയക്കാം. പരാതികള്‍ അതത് […]

ലോകബാങ്ക് വികസന പങ്കാളിത്തം നല്‍കുന്ന ഇന്ത്യന്‍ സംസ്ഥാനമായി കേരളം മാറുകയാണെന്ന് മുഖ്യമന്ത്രി പിണറായി വിജയന്‍. പ്രോജക്ട് പങ്കാളി എന്നതിലുപരിയായി വികസന പങ്കാളി ആയിട്ടാണ് ലോകബാങ്ക് കേരളത്തിന്റെ പുനര്‍ നിര്‍മാണ പ്രവര്‍ത്തനങ്ങളില്‍ സഹകരിക്കുന്നത്. കേരളത്തിന്റെ പുനര്‍നിര്‍മ്മാണം ലക്ഷ്യമിട്ടു നടത്തിയ രാജ്യാന്തര വികസന പങ്കാളിസംഗമം പ്രതീക്ഷകളേക്കാള്‍ വലിയ വിജയമായിരുന്നുവെന്ന് മുഖ്യമന്ത്രി പിണറായി വിജയന്‍ പറഞ്ഞു. ലോകബാങ്ക്, എ.ഡി.ബി, ജെയ്ക്ക, കെ.എഫ്.ഡബ്ല്യു, ന്യൂ ഡവലപ്പ്‌മെന്റ് ബാങ്ക് എന്നിവര്‍ കേരളത്തിന്റെ പുനര്‍നിര്‍മാണത്തിനുള്ള സഹായവും പങ്കാളിത്തവും വാഗ്ദാനം ചെയ്തതായി മുഖ്യമന്ത്രി വ്യക്തമാക്കി. നഗരങ്ങളിലെ ജലവിതരണത്തിനും […]

വരുന്ന നിയമസഭാ തെരഞ്ഞെടുപ്പില്‍ അഞ്ച് അധിക സീറ്റുകള്‍ ആവശ്യപ്പെടാന്‍ മുസ്ലീംലീഗ് നേതൃതലത്തില്‍ ധാരണ. വയനാട്, കോഴിക്കോട്, ആലപ്പുഴ, കോട്ടയം ജില്ലകളിലെ സീറ്റുകളാണ് കൂടുതലായി ആവശ്യപ്പെടുക. ഇതുമായി ബന്ധപ്പെട്ടുള്ള പ്രാഥമിക ചര്‍ച്ചകള്‍ കോണ്‍ഗ്രസ് നേതൃത്വവുമായി നടത്തിക്കഴിഞ്ഞു. കഴിഞ്ഞ നിയമസഭ തെരഞ്ഞെടുപ്പ് സമയത്ത് യു.ഡി.എഫിലുണ്ടായിരുന്ന എം.പി വീരേന്ദ്രകുമാറിന്റെ പാര്‍ട്ടി ഏഴ് സീറ്റുകളിലാണ് മത്സരിച്ചത്. അവര്‍ എല്‍.ഡി.എഫിലേക്ക് പോയ സാഹചര്യത്തില്‍ ഏഴില്‍ അഞ്ച് സീറ്റും ചോദിക്കാനാണ് ലീഗില്‍ ഉണ്ടായിരിക്കുന്ന ധാരണ. വയനാട്ടിലെ കല്‍പ്പറ്റയും കോഴിക്കോട്ടെ നാദാപുരവും, കുന്ദമംഗലവുമാണ് വടക്കന്‍ കേരളത്തില്‍ ചോദിക്കുക. […]

ആന്തൂരിലെ പ്രവാസി വ്യവസായി സാജന്‍ ആത്മഹത്യ ചെയ്ത കേസ് സി.ബി.ഐക്ക് കൈമാറണമെന്നാവശ്യപ്പെട്ട് സാജന്റെ ഭാര്യ മുഖ്യമന്ത്രിക്കും ഡി.ജി.പിക്കും പരാതി നല്‍കി നിലവിലെ അന്വഷണത്തില്‍ വിശ്വാസമില്ലെന്നും യഥാര്‍ഥ കുറ്റക്കാരെ രക്ഷപെടുത്താന്‍ അന്വേഷണ സംഘം തെറ്റായ വിവരങ്ങള്‍ പ്രചരിപ്പിക്കുകയാണന്നും പരാതിയില്‍ പറയുന്നു. ഇതിനിടെ അന്വേഷണ വിവരങ്ങള്‍ ചോരുന്നതില്‍ അതൃപ്തി പ്രകടിപ്പിച്ച് അന്വേഷണ ഉദ്യോഗസ്ഥനായ ഡി.വൈ.എസ്.പി ഇന്ന് എസ്.പിക്ക് പരാതി നല്കി. കുറ്റക്കാരായ നഗരസഭാ അധികൃതരെ രക്ഷപെടുത്താന്‍ പോലീസ് അന്വേക്ഷണത്തിന്റെ ഗതി തിരിച്ചുവിടുന്നു എന്നാരോപിച്ചാണ് സാജന്റെഷ ഭാര്യ ബീന കേസില്‍ സി.ബി.ഐ […]

യൂണിവേഴ്സിറ്റി കോളേജ് വധശ്രമക്കേസിലെ പ്രതികള്‍ പൊലീസ് റാങ്ക് ലിസ്റ്റില്‍ ഉള്‍പ്പെട്ടതിനെ കുറിച്ച് ഇന്ന് അന്വേഷണം തുടങ്ങും. ആഭ്യന്തര വിജിലന്‍സിനാണ് അന്വേഷണ ചുമതല. അതേസമയം വിഷയത്തില്‍ ജുഡീഷ്യൽ അന്വേഷണം ആവശ്യപ്പെട്ട് കെ.എസ്.യു നടത്തുന്ന നിരാഹര സമരം രണ്ടാം ദിവസത്തിലേക്ക് കടന്നു. കെ.എ.പി നാലാം ബറ്റാലിയന്റെ റാങ്ക് ലിസ്റ്റില്‍ യൂണിവേഴ്സിറ്റി അക്രമക്കേസിലെ പ്രതികള്‍ ഉയര്‍ന്ന റാങ്കുകളിലെത്തിയത് കഴിഞ്ഞ ദിവസം ചേര്‍ന്ന പി എസ് സി യോഗം ചര്‍ച്ച ചെയ്തിരുന്നു. നടപടിയെന്നോണം പ്രതിപ്പട്ടികയില്‍ ഉള്‍പ്പെട്ട മൂന്ന് വിദ്യാര്‍ഥികളുടെ അഡ്വൈസ് മെമ്മോ റദ്ദാക്കാനും […]

നെടുങ്കണ്ടം കസ്റ്റഡി കൊലപാതകത്തില്‍ രാജ്കുമാറിന് മര്‍ദ്ദനമേറ്റത് ജയിലില്‍ നിന്നല്ലെന്ന് റിപ്പോര്‍ട്ട്. ജയില്‍ മേധാവി ഋഷിരാജ് സംഗിന്റെ നിര്‍ദേശ പ്രകാരം ഡി.ഐ.ജി സാം തങ്കയ്യനാണ് റിപ്പോര്‍ട്ട് തയ്യാറാക്കിയത്. റിപ്പോര്‍ട്ട് ഉടന്‍ സംസ്ഥാന പൊലീസ് മേധാവിക്ക് കൈമാറും.

യൂണിവേഴ്‌സറ്റി കോളജിലെ സംഘര്‍ഷത്തില്‍ അഖിലിനെ കൊല്ലാനുള്ള ഉദ്ദേശത്തോടെയാണ് പ്രതികളെത്തിയതെന്ന് റിമാന്‍ഡ് റിപ്പോര്‍ട്ട്. പ്രതികള്‍ക്ക് ജാമ്യം നല്‍കിയാല്‍ കോളജിലെത്തി കലാപം നടത്തും. പുറത്തിറങ്ങിയാല്‍ സാക്ഷികളെ പ്രതികള്‍ ഭീഷണിപ്പെടുത്തുമെന്നും റിമാന്റ് റിപ്പോര്‍ട്ടില്‍ പറയുന്നു. അതേസമയം ശിവരഞ്ജിത്തിന്റെ വീട്ടില്‍ നിന്നും കണ്ടെത്തിയ ഫിസിക്കല്‍ എജ്യുക്കേഷന്‍ ഡയറക്ടറുടെ പേരിലുള്ള സീല്‍ വ്യാജമെന്ന് പൊലീസ് സ്ഥിരീകരിച്ചു. യൂണിവേഴ്‌സിറ്റി പരീക്ഷാ പേപ്പറും സീലും ലബോറട്ടറിയില്‍ വെച്ച് അസ്വാഭാവികമായി കണ്ടെത്തിയതാണെന്ന് ശിവരഞ്ജിത്ത് പൊലീസിന് മൊഴി നല്‍കി. യൂണിറ്റ് കമ്മിറ്റിയുടെ തീരുമാനപ്രകാരമാണ് പരീക്ഷപേപ്പര്‍ വീട്ടില്‍ കൊണ്ടുപോയതെന്നും ശിവരഞ്ജിത്ത് മൊഴി […]

യൂണിവേഴ്‌സിറ്റി കോളജിലെ അക്രമത്തില്‍ പ്രതികളായവര്‍ പി.എസ്.സി പരീക്ഷയില്‍ ക്രമക്കേട് നടത്തിയിട്ടുണ്ടോ എന്ന് കമ്മീഷന്‍ വിശദമായി പരിശോധിക്കും. ഇന്ന് ചേര്‍ന്ന കമ്മീഷന്‍ യോഗത്തിന്റേതാണ് തീരുമാനം. അതേസമയം സി.പി.ഒ പരീക്ഷയില്‍ ക്രമക്കേടില്ലെന്നാണ് പ്രാഥമിക വിലയിരുത്തലെന്നും പി.എസ്.സി ചെയര്‍മാന്‍ വാര്‍ത്താസമ്മേളനത്തില്‍ പറഞ്ഞു.

യൂണിവേഴ്‌സിറ്റി കോളജിലെ അക്രമത്തില്‍ പ്രതികളായ മൂന്നു പേരുടെ നിയമന ശിപാര്‍ശ മരവിപ്പിച്ചു. ശിവരഞ്ജിത്ത്, നസീം, പ്രണവ് എന്നിവരുടെ നിയമന ശിപാര്‍ശയാണ് മരവിപ്പിച്ചത്. ഇവര്‍ക്കെതിരായ ആരോപണങ്ങള്‍ പി.എസ്.സി ആഭ്യന്തര വിജിലന്‍സ് അന്വേഷിക്കുമെന്ന് പി.എസ്.സി ചെയര്‍മാന്‍ അറിയിച്ചു. ശിവരഞ്ജിത് ആറ്റിങ്ങല്‍ ഗവ. യു.പി സ്‌കൂളിലും പ്രണവ് മാമം ശ്രീ ഗോകുലം സ്‌കൂളിലും നസീം തൈക്കാടുമാണ് പരീക്ഷയെഴുതിയത്. കെ.എ.പി നാലാം ബറ്റാലിയന് അപേക്ഷിച്ച 2989 പേര്‍ തിരുവനന്തപുരത്ത് പരീക്ഷ എഴുതിയെന്നും പി.എസ്.സി ചെയര്‍മാന്‍ വ്യക്തമാക്കി.

എസ്.എഫ്.ഐ പ്രവര്‍ത്തകരുടെ വീടുകള്‍ സമാന്തര പി.എസ്‍.സി ഓഫീസുകളായി പ്രവര്‍‌ത്തിക്കുന്നുവെന്ന് കെ.പി.സി.സി പ്രസിഡന്‍റ് മുല്ലപ്പള്ളി രാമചന്ദ്രന്‍. ക്രിമിനല്‍ പശ്ചാത്തലമുള്ളയാള്‍ മുഖ്യമന്ത്രിയായി ഇരിക്കുന്നതു കൊണ്ടാണ് നടപടിയെടുക്കാത്തതെന്നും മുല്ലപ്പള്ളി പറഞ്ഞു. തിരുവനന്തപുരം യൂണിവേഴ്സിറ്റി കോളജ് സംഘര്‍ഷത്തിലെ പ്രതികൾ പി.എസ്.സി റാങ്ക് ലിസ്റ്റിൽ വന്നതോടെ പി.എസ്.സിയുടെ വിശ്വാസ്യത ചോദ്യം ചെയ്യപ്പെടുകയാണെന്ന് വി.എം സുധീരനും പറഞ്ഞു.