Kerala

എറണാകുളം ജില്ലയിലും മഴ ശക്തമായി തുടരുന്നു. നിലവിൽ ജില്ലയിൽ 72 ദുരിതാശ്വാസ ക്യാംപുകളിലായി 2360 പേരെ മാറ്റിപ്പാർപ്പിച്ചു. പെരിയാറിൽ ജലനിരപ്പ് ക്രമാതീതമായി ഉയരുകയാണ്. ആലുവ, നെടുമ്പാശേരി, പറവൂർ, കോതമംഗലം, പെരുമ്പാവൂർ, മൂവാറ്റുപുഴ, ഏലൂർ, കാലടി തുടങ്ങിയ സ്ഥലങ്ങളിലാണ് വെള്ളപ്പൊക്കം രൂക്ഷമായത്. നെടുമ്പാശേരി വിമാനത്താവളം ഞായർ 3 മണി വരെ അടച്ചിട്ടു. കോതമംഗലത്ത് ഉരുൾപൊട്ടലുണ്ടായി. കുട്ടമ്പുഴയിൽ മലവെള്ളപ്പാച്ചിലിൽ രണ്ട് ആനകൾ ഒലിച്ചുപോയി. ജില്ലയിലെ ഡാമുകമുടെ ജലനിരപ്പ് കഴിഞ്ഞ മൂന്ന് മണിക്കൂറായി മാറ്റമില്ലാതെ തുടരുകയാണ്. കൊച്ചി നഗരത്തിലും വെള്ളക്കെട്ട് രൂക്ഷമാണ്. […]

മഴയെ നേരിടാന്‍ എല്ലാ സജ്ജീകരണങ്ങളും ഒരുക്കിയിട്ടുണ്ടെന്ന് മുഖ്യമന്ത്രി പിണറായി വിജയന്‍. സംസ്ഥാനത്തുണ്ടായത് അതിതീവ്രമഴയാണ്. വയനാട് മേപ്പാടിയുണ്ടായത് വലിയ ദുരന്തമാണ്. മേപ്പാടിയില്‍ പ്രത്യേക മെഡിക്കല്‍ സംഘത്തെ അയക്കും. സൈന്യത്തിന്റെ കൂടുതല്‍ സേവനം ലഭ്യമാക്കും. മഴ തുടര്‍ന്നാല്‍ ബാണാസുര സാഗര്‍ ഡാം തുറക്കും. എന്നാല്‍ ഇടുക്കി പോലുള്ള അണക്കെട്ടുകള്‍ തുറക്കേണ്ട സാഹചര്യമില്ലെന്നും മുഖ്യമന്ത്രി വ്യക്തമാക്കി. പെരിയാര്‍, വളപട്ടണം പുഴ, കുതിരപ്പുഴ, കുറുമന്‍പുഴ എന്നിവയെല്ലാം കരകവിഞ്ഞൊഴുകുകയാണ്. അടുത്ത 24 മണിക്കൂര്‍ അതിശക്തമായ മഴയുണ്ടാകുമെന്നാണ് പ്രവചനം. രാത്രിയോടെ ശക്തികുറഞ്ഞാലും മലയോര മേഖലയില്‍ പ്രത്യേകം […]

കോഴിക്കോട് ജില്ലയില്‍ മഴക്കെടുതി തുടരുന്നു. താഴ്ന്ന പ്രദേശങ്ങളെല്ലാം തന്നെ വെള്ളത്താല്‍ ഒറ്റപ്പെട്ട നിലയിലാണ്. കുറ്റ്യാടിയിലും കണ്ണാടിക്കലും കൊയിലാണ്ടിയിലും വെള്ളത്തില്‍ വീണ് നാല് പേര്‍ക്ക് ജീവന്‍ നഷ്ടമായി. കക്കയം ഡാമിന്റെ ഷട്ടറുകള്‍ കൂടുതല്‍ ഉയര്‍ത്തിയതോടെ കുറ്റ്യാടി പുഴയുടെ തീരത്തുള്ളവരെ ഒഴിപ്പിച്ചു. ചാലിയാറും ഇരുവഴിഞ്ഞിയും പൂനൂര്‍പുഴയുമെല്ലാം നിറഞ്ഞ് കവിഞ്ഞതോടെ വെള്ളപ്പൊക്ക കെടുതികള്‍ രൂക്ഷമായി. ദുരന്ത നിവാരണ സംവിധാനങ്ങള്‍ പോലും എത്തിക്കാനാവാത്ത അവസ്ഥയിലാണ് കുറ്റ്യാടി. പേരാമ്പ്രയ്ക്ക് അപ്പുറത്തേക്ക് മുഴുവന്‍ വെള്ളം കയറി കിടക്കുന്നു. വളയന്നൂരില്‍ ഒഴുക്കില്‍ പെട്ട മാക്കൂല്‍ മുഹമ്മദ് ഹാജി, […]

കാലവര്‍ഷത്തില്‍ ഇടുക്കി ജില്ലയില്‍ രണ്ടാം ദിവസവും മരണം. മങ്കുവ സ്വദേശി കാല്‍വഴുതി ഒഴുക്കില്‍പ്പെട്ടാണ് മരിച്ചത്. കുമളി വെള്ളാരംകുന്നില്‍ ഉരുള്‍പൊട്ടി രണ്ട് വീടുകള്‍ തകര്‍ന്നു. മുല്ലപ്പെരിയാറില്‍ ഒറ്റ ദിവസം കൊണ്ട് ജലനിരപ്പ് ഏഴ് അടി ഉയര്‍ന്നു. ദേശീയ ദുരന്തനിവാരണ സേനയുടെ 22 പേരടങ്ങുന്ന സംഘം ദേവികുളത്ത് ക്യാമ്പ് ചെയ്യുകയാണ് ചിന്നാര്‍ മങ്കുവയില്‍ കമലവിലാസം വീട്ടില്‍ രാജന്‍പിള്ളയാണ് തോട്ടിലേക്ക് കാല്‍വഴുതി ഒഴുക്കില്‍ പെട്ട് മരിച്ചത്. ഉരുള്‍പൊട്ടല്‍ ഭീതിയെ തുടര്‍ന്ന് സുഹൃത്തിന്‍റെ വീട്ടിലേക്ക് രാജന്‍പിള്ളയും കുടുംബവും താമസം മാറ്റി. ശേഷമാണ് അപകടമുണ്ടായത്. […]

കോഴിക്കോട് വിലങ്ങാട് ആലിമലയിലുണ്ടായ ഉരുള്‍പൊട്ടലില്‍ ഒരു കുടംബത്തിലെ മൂന്ന് പേരടക്കം നാല് പേര്‍ മരിച്ചു. കുറ്റിക്കാട്ടില്‍ ബെന്നി,ഭാര്യ മേരിക്കുട്ടി, മകന്‍ അതുല്‍, മമ്പലയ്ക്കല്‍ ദാസന്റെ ഭാര്യ ലിസി എന്നിവരാണ് മരിച്ചത്. അര്‍ദ്ധരാത്രിയോടെയായിരുന്നു ഉരുള്‍പൊട്ടല്‍. ബൈന്നിയുടേയും ദാസന്റെയുമടക്കം മൂന്ന് വീടുകള്‍ മണ്ണിനടിയിലായി. ദാസനെ നാട്ടുകാര്‍ മണ്ണിനടിയില്‍ നിന്നും പരിക്കുകളോടെ രക്ഷപ്പെടുത്തി. പക്ഷേ രക്ഷാ പ്രവര്‍ത്തനം സാധ്യമാകാത്ത നിലയിലുള്ള ദുഷ്കരമായ കാലാവസ്ഥ തിരിച്ചടിയായി. ഫയര്‍ഫോഴ്സിന് ആദ്യം സ്ഥലത്തേക്ക് എത്താന്‍ പോലുമായില്ല. പിന്നീട് രാവിലെ ആറ് മണിയോടെയാണ് രക്ഷാ പ്രവര്‍ത്തനം പുനരാംരംഭിച്ചത്. […]

മൈസൂരില്‍ നിന്ന് കോഴിക്കോട്ടേക്കുള്ള 13 കെ.എസ്.ആര്‍.ടി.സി ബസുകള്‍ ഗുണ്ടല്‍പേട്ടില്‍ കുടുങ്ങിക്കിടക്കുന്നു. മുത്തങ്ങക്കടുത്ത് പൊന്‍കുഴി ക്ഷേത്രം പരിസരത്ത് വെള്ളം കയറിയതിനാലാണ് ഗതാഗതം തടസപ്പെട്ടിരിക്കുന്നത്.

മരം വീണ് വൈദ്യുതി ലൈനിൽ തകരാർ സംഭവിച്ചതിനാൽ എറണാകുളം – ആലപ്പുഴ സെക്ഷനിൽ ട്രെയിൻ ഗതാഗതം വൈകുന്നു. മരം മുറിച്ചു മാറ്റിയിട്ടുണ്ട്. വൈദ്യുത ലൈനിന്റെ തകരാർ പരിഹരിക്കുന്ന ജോലി പുരോഗമിക്കുന്നു. ഗുരുവായൂർ (16127), മാവേലി (16603), ധൻബാദ് (13351) രാജധാനി (12432) ട്രെയിനുകള്‍ വൈകി ഓടുന്നു. ഷൊര്‍ണൂര്‍ വഴിയുള്ള ട്രെയിനുകള്‍ മൂന്ന് മണിക്കൂറിലധികം വൈകി ഓടിക്കൊണ്ടിരിക്കുകയാണ്. ഗുരുവായൂർ – തിരുവനന്തപുരം ഇന്റർസിറ്റി (16841), ബാംഗ്ലൂർ – കൊച്ചുവേളി (16315) എന്നിവ എറണാകുളം-കോട്ടയം വഴി തിരിച്ചുവിടും. ഏറനാട് എക്സ്പ്രസ് […]

മേപ്പാടിയില്‍ ഉണ്ടായ ഉരുള്‍പൊട്ടലില്‍ നാല് മരണം. ഇന്ന് രാവിലെ മുതല്‍ നടത്തിയ രക്ഷാപ്രവര്‍ത്തനത്തിലാണ് മൃതദേഹങ്ങള്‍ കണ്ടെത്തിയത്.സൈന്യത്തിന്റെ നേതൃത്വത്തിലാണ് മേഖലയിലാണ് രക്ഷാപ്രവര്‍ത്തനം പുരോഗമിക്കുന്നത്. കൂടുതല്‍ പേര്‍ ഇനിയും കുടുങ്ങിക്കിടക്കുന്നതായാണ് വിവരം.

പാലക്കാട് പാലക്കയം അച്ചിലടിയിൽ ഉരുൾപൊട്ടൽ .3 കുടുംബങ്ങൾ ഒറ്റപ്പെട്ടു. പാലക്കാട്‌ -കോഴിക്കോട് ദേശീയ പാതയിൽ ഓരാടം പാലത്ത് ചെറുപുഴ ഗതിമാറി ഒഴുകുകയാണ്. ഗതാഗതം പൂർണ്ണമായും നിലച്ചു. രണ്ട് വാഹനങ്ങൾ കുടുങ്ങി കിടക്കുന്നു. തിരൂർക്കാട് പടിഞ്ഞാറെപാടം പ്രദേശത്തു 11 വീടുകളിൽ വെള്ളം കയറി. രക്ഷാപ്രവർത്തനങ്ങൾ തുടരുകയാണ്.

ചിപ്പിലിത്തോടിനടുത്ത് മരുതിലാവിലെ ഉരുള്‍പൊട്ടലില്‍ നിന്ന് തഹസില്‍ദാറും സംഘവും ഫയര്‍ ഫോഴ്‌സും സന്നദ്ധപ്രവര്‍ത്തകരും രക്ഷപ്പെട്ടത് തലനാരിഴക്ക്. വ്യാഴാഴ്ച വൈകിട്ട് 6.15 ഓടെയായിരുന്നു സംഭവം. മഴ കനത്തതോടെ മരുതിലാവ് ഭാഗത്തുള്ള 5 കുടുംബങ്ങളെ ബന്ധുവീടുകളിലേക്ക് മാറ്റിപാര്‍പ്പിക്കുന്നതിനായി എത്തിയതായിരുന്നു താമരശേരി തഹസില്‍ദാര്‍ സി.മുഹമ്മദ് റഫീഖിന്റെ നേതൃത്വത്തിലുള്ള നാലംഗ സംഘം. ഒപ്പം വെള്ളിമാടുകുന്നില്‍ നിന്നെത്തിയ ഫയര്‍ഫോഴ്‌സും പൂനൂര്‍ ഹെല്‍ത്ത് കെയറിലെ സന്നദ്ധ പ്രവര്‍ത്തകരുമുണ്ടായിരുന്നു. ഇവിടെയുള്ള കുടുംബങ്ങളെ മാറ്റാന്‍ ശ്രമിക്കുന്നതിനിടെയാണ് ശക്തമായ ഉരുള്‍പൊട്ടലുണ്ടായത്. ചളിയും കല്ലുകളും മരങ്ങളും ഇരച്ചെത്തിയപ്പോള്‍ രക്ഷാപ്രവര്‍ത്തനെത്തിയ സംഘം ഓടിമാറിയതു കൊണ്ടാണ് […]