 | |  |
കേരളത്തെ നടുക്കിയ കെവിന് കേസില് വിധി പറയുന്നത് കോടതി ഈ മാസം 22ലേക്ക് മാറ്റി. കോട്ടയം പ്രിന്സിപ്പല് സെഷന്സ് കോടതിയാണ് വിധി പറയുക. മൂന്ന് മാസം കൊണ്ട് വിചാരണ നടപടികള് പൂര്ത്തിയാക്കിയാണ് കോടതി വിധി പറയുന്നത്. കോട്ടയം നട്ടാശേരി സ്വദേശിയായ കെവിനെ ദുരഭിമാനത്തിന്റെ പേരില് നീനുവിന്റെ സഹോദരനും കൂട്ടുകാരും ചേര്ന്ന് തട്ടിക്കൊണ്ട് പോയി ചാലിയക്കരയിലെ പുഴയില് മുക്കി കൊന്നുവെന്നായിരുന്നു പ്രോസിക്യൂഷന്റെ വാദം. മൂന്ന് മാസം നീണ്ട വിചാരണ വേളയില് ഇത് തെളിയിക്കാന് 240 പ്രമാണങ്ങളും 55 രേഖകളും […]
ശ്രീറാം വെങ്കിട്ടരാമന്റെ കാറിടിച്ച് മരിച്ച മാധ്യമപ്രവര്ത്തകന് കെ.എം ബഷീറിന്റെ കുടുംബത്തിന് അടിയന്തര സഹായമായി നാല് ലക്ഷം രൂപയും ഭാര്യക്ക് മലയാളം സര്വകലാശാലയില് ജോലി നല്കാനും ഇന്നത്തെ മന്ത്രിസഭാ യോഗം തീരുമാനിച്ചു.
മധ്യകേരളത്തിലും മലബാറിലെ പലയിടങ്ങളിലും ശക്തമായ മഴ. കോഴിക്കോടും മലപ്പുറത്തും ഇന്ന് റെഡ് അലര്ട്ട് പ്രഖ്യാപിച്ചിട്ടുണ്ട്. വിഴിഞ്ഞത്ത് വള്ളം മറിഞ്ഞ് മത്സ്യത്തൊഴിലാളി മരിച്ചു. മീനച്ചിലാറ്റിലും പമ്പ , മണിമല, അച്ചന്കോവിലാറിലും ജലനിരപ്പ് ഉയര്ന്നു. എ.സി റോഡിൽ വെള്ളം കയറിയതിനെ തുടർന്ന് തുടർച്ചയായ നാലാം ദിവസവും ആലപ്പുഴ -ചങ്ങനാശേരി റൂട്ടിൽ ഗതാഗതം തടസപ്പെട്ടു. കനത്ത മഴയെ തുടര്ന്ന് പതിനൊന്ന് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയാണ്. അതേസമയം ഉരുള്പൊട്ടലുണ്ടായ കവളപ്പാറയിലും പുത്തുമലയിലും തെരച്ചില് തുടരുകയാണ്. കവളപ്പാറയില് നിന്നും ഒരു മൃതദേഹം […]
കോട്ടയം ജില്ലയിൽ ശക്തമായ മഴ തുടരുന്നു. കിഴക്കൻ മേഖലയിലാണ് കൂടുതൽ മഴ പെയ്തത്. ഇതേ തുടർന്ന് മീനച്ചിലാറ്റിൽ വീണ്ടും ജലനിരപ്പ് ഉയർന്നു. ഉരുൾപൊട്ടലും മണ്ണിടിച്ചിലും ഉണ്ടാകാനുള്ള സാധ്യത കണക്കിലെടുത്ത് ആളുകളെ മാറ്റി പാർപ്പിച്ചിട്ടുണ്ട്. ഈരാറ്റുപേട്ട, തലനാട്, തീക്കോയി, വാഗമൺ, കാഞ്ഞിരപ്പള്ളി ,മുണ്ടക്കയം എന്നീ കിഴക്കൻ മേഖലയിലാണ് മഴ ശക്തമായിരിക്കുന്നത്. ഇന്നലെ പകലും രാത്രിയിലും അതിശക്തമായ മഴയാണ് ലഭിച്ചത് . ഇതേ തുടർന്ന് മീനച്ചിലാറ്റിലെ ജലനിരപ്പ് ഉയർന്നു. പാലാ നഗരത്തിലും മൂന്നാനി അമ്പാറ മേഖലയിലും മീനച്ചിലാർ കര കവിഞ്ഞു. […]
കോഴിക്കോട് പാറമ്മലില് ചാലിയാറിന്റെ തീരം വന് തോതില് ഇടിയുന്നു. ചാലിയാറില് നിന്നും കയറിയ ചെളി നിറഞ്ഞതിനാല് പല വീടുകളിലേക്കും ആളുകള്ക്ക് എത്താനാവാത്ത സ്ഥിതിയിലാണ്. തീരമിടിയുന്നത് തടയാന് അടിയന്തിരമായി സംരക്ഷണ ഭിത്തി കെട്ടണമെന്ന് നാട്ടുകാര് ആവശ്യപ്പെടുന്നു. ചാലിയാറിന്റെ തീരത്തുള്ള വീടുകളാണ് ഇവയെല്ലാം. പ്രളയ ജലം കുതിച്ചെത്തുമ്പോള് ഭാഗ്യം കൊണ്ടാണ് പലരും രക്ഷപ്പെട്ടത്. ക്യാമ്പില് നിന്നും മടങ്ങിയെത്തുമ്പോള് പലയിടത്തും തീരം ഇടിഞ്ഞ് ചാലിയാറിലേക്ക് താഴ്ന്നു,. ഇതെല്ലാം ആധിയോടെ നോക്കിനില്ക്കാനേ ഇവര്ക്ക് സാധിക്കുന്നുള്ളൂ. ചാലിയാറില് നിന്നും കയറിയ വെള്ളം ഇറങ്ങിയെങ്കിലും പല […]
ശ്രീറാം വെങ്കിട്ടരാമനെതിരായ സംസ്ഥാന സര്ക്കാരിന്റെ അപ്പീല് ഹൈക്കോടതി തള്ളി. അന്വേഷണത്തില് നിരവധി പാളിച്ചകളുണ്ട്. പ്രതിയെ കസ്റ്റഡിയില് ചോദ്യം ചെയ്യേണ്ട ആവശ്യം നിലവിലില്ലെന്നും കോടതി. മാധ്യമ പ്രവര്ത്തകനായ കെ.എം ബഷീറിനെ കാറിടിച്ച് കൊലപെടുത്തിയ കേസില് ശ്രീറാം വെങ്കിട്ടരാമന് ജാമ്യം നല്കിയ മജിസ്ട്രേറ്റ് കോടതി ഉത്തരവ് റദ്ദാക്കണമെന്നായിരുന്നു അപ്പീലിലെ ആവശ്യം. മാധ്യമ പ്രവര്ത്തകന് മരണപ്പെട്ട സമയത്ത് അപകടകാരണമായ വാഹനം ഓടിച്ചിരുന്നത് താനല്ലെന്ന വാദമാണ് ശ്രീറാം വെങ്കിട്ടരാമന് ഹൈകോടതിയില് ഉന്നയിച്ചിട്ടുള്ളത്. മ്യൂസിയം പബ്ലിക് ഓഫീസിന് മുന്നിലുണ്ടായ അപകടത്തില് ഇടതുവശത്തിരുന്ന ശ്രീറാമിനും പരിക്കേറ്റെന്നായിരുന്നു […]
എറണാകുളം, തൃശൂര്, കോഴിക്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി. നാളെ ശക്തമായ മഴയുണ്ടാകുമെന്നാണ് മുന്നറിയിപ്പ്. ഈ സാഹചര്യത്തില് മുൻകരുതൽ എന്ന നിലയിൽ നാളെ മൂന്ന് ജില്ലകളിലെ പ്രൊഫഷണല് കോളജുകള് അടക്കമുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും. സി.ബി.എസ്.ഇ, ഐ.സി.എസ്.ഇ, ഐ.എസ്.ഇ തുടങ്ങിയ എല്ലാ സിലബസുകളിലുമുള്ള സ്കൂളുകള്ക്കും കേന്ദ്രീയ വിദ്യാലയങ്ങള്, അങ്കണവാടികള് എന്നിവയ്ക്കും അവധി ബാധകമായിരിക്കും. അവധി ആഘോഷമാക്കാൻ കുട്ടികള് കുളത്തിലേക്കും പുഴയിലേക്കും പോകാതിരിക്കാൻ രക്ഷിതാക്കൾ പ്രത്യേകം ശ്രദ്ധിക്കണമെന്ന് എറണാകുളം ജില്ലാ കലക്ടര് മുന്നറിയിപ്പ് നല്കി. നിലവിൽ […]
സംസ്ഥാനത്ത് മൂന്ന് ദിവസം കൂടി കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം. ഇന്ന് മൂന്ന് ജില്ലകളിലാണ് റെഡ് അലര്ട്ട് പ്രഖ്യാപിച്ചത്. എറണാകുളം, ആലപ്പുഴ, ഇടുക്കി ജില്ലകളില് അതിതീവ്ര മഴയുണ്ടാകുമെന്നാണ് മുന്നറിയിപ്പ്. മലപ്പുറം, കോഴിക്കോട് ജില്ലകളില് നാളെ റെഡ് അലര്ട്ട് പ്രഖ്യാപിച്ചു. ബംഗാള് ഉള്ക്കടലില് രൂപം കൊണ്ട ന്യൂനമര്ദം ശക്തിപ്രാപിച്ചതാണ് സംസ്ഥാനത്ത് കനത്ത മഴ തുടരാന് കാരണം. എറണാകുളം, ആലപ്പുഴ, ഇടുക്കി ജില്ലകളില് ഇന്ന് 20 സെന്റീമീറ്ററില് കൂടുതല് മഴയുണ്ടാകുമെന്നാണ് പ്രവചനം. നാളെ ആറ് ജില്ലകളില് ഓറഞ്ച് […]
സംസ്ഥാന സര്ക്കാരിന്റെ പ്രത്യേക പ്രതിനിധിയായി നിയമിക്കപ്പെട്ട മുന് എം.പി എ സമ്പത്ത് ചുമതലയേറ്റെടുത്തു. ക്യാബിനറ്റ് റാങ്കോടെയാണ് ഡല്ഹിയില് എ.സമ്പത്തിനെ സര്ക്കാര് നിയമിച്ചിരിക്കുന്നത്. കേന്ദ്രസര്ക്കാരിന്റെ പദ്ധതികളും സഹായങ്ങളും വേഗത്തില് നേടിയെടുക്കാനുള്ള പ്രവര്ത്തനങ്ങള്ക്കായാണ് സമ്പത്തിന്റെ നിയമനം. പ്രളയ ദുരിതാശ്വാസ പ്രവര്ത്തനങ്ങള്ക്കായുള്ള സാമ്പത്തിക സമാഹരണത്തിനായി കേരളഹൌസില് ആരംഭിച്ച കൌണ്ടറിന്റെ ഉദ്ഘാടനം സമ്പത്ത് നിര്വഹിച്ചു. പ്രളയസഹായങ്ങള്ക്കായി എല്ലാവരെയും ഒരുമിച്ച് കൊണ്ടുപോകുന്നതിനാണ് പ്രഥമ പരിഗണനയെന്നും മറ്റ് വിമര്ശനങ്ങള്ക്ക് പിന്നീട് മറുപടി പറയാമെന്നും സമ്പത്ത് വാര്ത്താസമ്മേളനത്തില് പറഞ്ഞു.
സംസ്ഥാനത്ത് മൂന്ന് ദിവസം കൂടി കനത്ത മഴ തുടരുമെന്ന് കാലാവസ്ഥാനിരീക്ഷണ കേന്ദ്രം. ഇന്ന് മൂന്ന് ജില്ലകളില് റെഡ് അലര്ട്ട് പ്രഖ്യാപിച്ചു. എറണാകുളം, ആലപ്പുഴ, ഇടുക്കി ജില്ലകളില് അതിതീവ്രമഴയുണ്ടാകുമെന്നാണ് മുന്നറിയിപ്പ്. ബംഗാള് ഉള്ക്കടലില് രൂപം കൊണ്ട ന്യൂനമര്ദം ശക്തിപ്രാപിച്ചതാണ് സംസ്ഥാനത്ത് കനത്ത മഴ തുടരാന് കാരണം. മലപ്പുറം, കോഴിക്കോട് ജില്ലകളില് നാളെ റെഡ് അലര്ട്ട് പ്രഖ്യാപിച്ചിട്ടുണ്ട്.