 | |  |
കൊച്ചി: വ്യാജ ലോട്ടറി തടയാന് പുതിയ പദ്ധതിയുമായി സംസ്ഥാന സര്ക്കാര്. ലോട്ടറി ടിക്കറ്റുകളില് ക്യു ആര് കോഡ് സംവിധാനം ലഭ്യമാക്കാനാണ് പദ്ധതി. ഇതിലൂടെ ടിക്കറ്റുകള് വ്യാജമാണോ എന്ന് മൊബൈല് ഫോണ് ഉപയോഗിച്ച് തിരിച്ചറിയാന് സാധിക്കുമെന്നും വ്യാജ ലോട്ടറി വില്പനകള് വ്യാപകമായ പശ്ചാത്തലത്തില് ആണ് നടപടിയെന്നും മന്ത്രി തോമസ് ഐസക് അറിയിച്ചു.
കെ.പി.സി.സി ഭാരവാഹികളുടെ എണ്ണം കുറയ്ക്കാന് നേതാക്കള്ക്കിടയില് ധാരണ. ജംബോ കമ്മിറ്റി അംഗീകരിക്കാനാവില്ലെന്ന് ഹൈക്കമാന്റ് കെ.പി.സി.സിയെ അറിയിച്ചിരുന്നു. 20 ല് താഴെ ഭാരവാഹികളെ നിശ്ചയിച്ച് പുതിയ കമ്മറ്റിയെ നിര്ദേശിക്കാനാണ് ഇപ്പോഴുണ്ടായ ധാരണ. കെ.പി.സി.സി പുനസംഘടനയുടെ ഭാഗമായി ജനറല് സെക്രട്ടറി വരെയുള്ളവരുടെ പട്ടിക തയാറാക്കിയപ്പോള് തന്നെ അമ്പതോളം പേരുടെ ജംബെ കമ്മറ്റിയാണ് രൂപം കൊണ്ടത്. ഭാരവാഹി ലിസ്റ്റ് പുറത്തു വന്നതോടെ വിമര്ശം ശക്തമായി. ഭാരവാഹികളുടെ എണ്ണക്കൂടതലും പ്രായവും ചര്ച്ചയായതോടെ നേതാക്കള് പ്രതിരോധത്തിലായി. ഇതിന് പിന്നാലെ ജംബോ കമ്മറ്റിയെ പൂര്ണമായി അനുകൂലിക്കാത്ത […]
വയനാടില് ജനവാസമേഖലയില് കടുവയിറങ്ങി. വയനാട് ചീരാൽ പണിക്കർ പടിയിൽ ജനവാസ മേഖലയിലാണ് കടുവയിറങ്ങിയത്. പ്രദേശവാസിയുടെ വളര്ത്തു നായയെ കടുവ കടിച്ചുകൊന്നു. കടുവ പ്രദേശത്തെ കൃഷിയിടത്തിൽ ഉണ്ടെന്നാണ് നാട്ടുകാർ പറയുന്നത്. പ്രദേശത്ത് പോലീസും വനംവകുപ്പും നാട്ടുകാരും ചേർന്ന് തെരച്ചിൽ തുടരുകയാണ്. പ്രദേശത്തെ ജനങ്ങൾ ജാഗ്രത പാലിക്കണമെന്ന് വനം വകുപ്പ് നിര്ദേശം നല്കി.
ജപ്പാനിലെ ഷിമാനെ സര്വകലാശാലയുമായി സഹകരിച്ച് കേരളത്തിലെ വിദ്യാര്ത്ഥികള്ക്ക് 4 + 2 സംയോജിത ഡിഗ്രി പ്രോഗ്രാമുകള് നടത്താന് ധാരണയായി. കുസാറ്റും ഷിമാനെ സര്വകലാശാലയും സഹകരിച്ചാണ് ഡിഗ്രി പ്രോഗ്രാം നടപ്പാക്കുന്നത്. കൊച്ചിയില് നാല് വര്ഷവും ഷിമാനില് രണ്ട് വര്ഷവുമാകും ഡിഗ്രി പ്രോഗ്രാം. കുസാറ്റുമായി ചേര്ന്ന് സംരംഭകത്വത്തിലും ഇന്നൊവേഷനിലും ബിരുദാനന്തര സര്ട്ടിഫിക്കറ്റ് പ്രോഗ്രാം ആരംഭിക്കാനും പദ്ധതിയുണ്ട്. മുഖ്യമന്ത്രി പിണറായി വിജയനുമായി ഷിമാനെ സര്വകലാശാല അധികൃതര് നടത്തിയ ചര്ച്ചയിലാണ് ഇതുസംബന്ധിച്ച ധാരണയായത്.
ദീർഘദൂര യാത്ര ബസായ കല്ലട ബസിൽ യാത്രക്കാരിക്ക് നേരെ പീഡനശ്രമം.സംഭവത്തില് കാസർകോട് കുടലു സ്വദേശി മുനവർ (23) പിടിയിൽ. പുലർച്ചെ 3 മണിയോടെ കോട്ടക്കൽ സ്റ്റേഷൻ പരിധിയിലാണ് സംഭവം.
അറുപതാം സംസ്ഥാന സ്കൂള് കലോത്സവത്തിന് കാഞ്ഞങ്ങാട്ട് അരങ്ങുണര്ന്നു. പൊതുവിദ്യാഭ്യാസ ഡയറക്ടർ ജീവൻ ബാബു പതാക ഉയർത്തിയതോടെ കലോത്സവത്തിന്റെ ഔദ്യോഗിക ചടങ്ങുകൾക്ക് തുടക്കമായി. അല്പസമയത്തിനകം സ്പീക്കര് പി.ശ്രീരാമകൃഷ്ണന് മേള ഉദ്ഘാടനം ചെയ്യും. നടന് ജയസൂര്യ മുഖ്യാതിഥിയാകും. 28 വേദികളിലായാണ് മത്സരം ക്രമീകരിച്ചിരിക്കുന്നത്. 239 ഇനങ്ങളിലായി പതിനായിരത്തോളം വിദ്യാര്ഥികളാണ് കലോത്സവത്തില് മാറ്റുരക്കുന്നത്.
വിദ്യാർഥിനിക്ക് പാമ്പു കടിയേറ്റ വയനാട് ബത്തേരി സർവജന സ്കൂൾ കെട്ടിടത്തിന് രണ്ട് കോടി രൂപയുടെ ഭരണാനുമതിയായി. സുൽത്താൻ ബത്തേരി നഗരസഭക്കാണ് നിർമ്മാണ ചുമതല. വൈകാതെ പഴയ കെട്ടിടം പൊളിച്ചു നീക്കും. ക്ലാസ് മുറിയിൽ വെച്ച് പാമ്പ് കടിയേറ്റ് അഞ്ചാം ക്ലാസ് വിദ്യാർഥിനി ഷെഹല ഷെറിൻ മരിച്ച് കൃത്യം ഒരാഴ്ച പിന്നിടുമ്പോഴാണ് പുതിയ കെട്ടിടം നിർമ്മിക്കാൻ രണ്ട് കോടി രൂപയുടെ ഭരണാനുമതി ലഭിക്കുന്നത്. ഇതുസംബന്ധിച്ച സർക്കാർ ഉത്തരവായി. സുൽത്താൻ ബത്തേരി നഗര സഭക്കാണ് നിർമാണ ചുമതല. രണ്ടു നിലകളിലായി […]
കോഴിക്കോട് പന്തീരങ്കാവ് യു.എ.പി.എ കേസിലെ രണ്ടാം പ്രതി താഹ ഫസലിന്റെ കയ്യക്ഷരം ഇന്ന് രേഖപ്പെടുത്തും. രാവിലെ പത്തിനും ഉച്ചക്ക് ഒരു മണി വരെയുള്ള സമയത്താണ് കയ്യക്ഷരം രേഖപ്പെടുത്താന് ജില്ലാ സെഷന്സ് കോടതി അനുമതി നല്കിയിരിക്കുന്നത്. അന്വേഷണ സംഘം ജയിലില് എത്തിയാണ് കയ്യക്ഷരം രേഖപ്പെടുത്തുക. പ്രതികളില് നിന്ന് പോലീസ് പിടിച്ചെടുത്ത കുറിപ്പുകളിലെ കയ്യക്ഷരവുമായി താരതമ്യപ്പെടുത്തി പരിശോധിക്കും. മഞ്ചിക്കണ്ടി വെടിവെപ്പിന് പകരം ചോദിക്കുമെന്ന് എഴുതിയ കുറിപ്പ് നേരത്തെ പോലീസ് പിടിച്ചെടുത്തിരുന്നു.
വടകര ടൗണിന് സമീപം പെട്രോള് ടാങ്കര് ലോറി മറിഞ്ഞു. ടാങ്കറില് നിന്ന് പെട്രോള് ചോരുന്നതിനെ തുടർന്ന് പ്രദേശത്ത് ഗതാഗത നിയന്ത്രണം ഏർപ്പെടുത്തി. ഫയര്ഫോഴ്സ് സ്ഥലത്തെത്തി. കോഴിക്കോട്ട് നിന്ന് കണ്ണൂരിലേക്ക് പോവുകയായിരുന്ന ടാങ്കർ ലോറിയാണ് അപകടത്തിൽ പെട്ടത്. ഇന്ധന ചോർച്ച നിയന്ത്രണ വിധേയമായതായി അധികൃതർ അറിയിച്ചിട്ടുണ്ട്. പ്രദേശത്തുകൂടിയുള്ള ഗതാഗതം വഴി തിരിച്ചുവിടുന്നുണ്ട്.
പത്തനംതിട്ട: ശബരിമല ദര്ശനത്തിനെത്തിയ തീര്ഥാടകന് മരിച്ചു. ആന്ധ്രാപ്രദേശിലെ വിജയനഗര് സ്വദേശിയായ കാമേശ്വരറാവു (40) വാണ് നീലിമലയില് കുഴഞ്ഞുവീണു മരിച്ചത്.