Kerala

ഡി.ജി.പി ജേക്കബ് തോമസിനെ എ.ഡി.ജി.പിയായി തരംതാഴ്‍ത്തി. മെയ് 31 ന് സര്‍വ്വീസില്‍ നിന്ന് വിരമിക്കാനിരിക്കെയാണ് നടപടി. ചട്ടവിരുദ്ധ പ്രവര്‍ത്തനങ്ങള്‍ നടത്തിയെന്ന് ആരോപിച്ചാണ് നടപടി. നിരന്തരം കേസുകളില്‍പ്പെടുന്നതും തരംതാഴ്ത്താന്‍ കാരണമായി. ഓള്‍ ഇന്ത്യ സര്‍വീസ് റൂള്‍ അനുസരിച്ചാണ് നടപടി. ചീഫ് സെക്രട്ടറി നല്‍കിയ ശുപാര്‍ശയിലാണ് കേരള സര്‍ക്കാര്‍ ഇപ്പോള്‍ നടപടി സ്വീകരിച്ചിരിക്കുന്നത്. സംസ്ഥാനത്ത് ഇന്ന് സര്‍വീസിലുള്ള അഞ്ച് ഡിജിപിമാരില്‍ ഏറ്റവും മുതിര്‍ന്ന ഐപിഎസ് ഉദ്യോഗസ്ഥനാണ് ജേക്കബ് തോമസ്. സ്ഥാനത്ത് തരംതാഴ്ത്തപ്പെടുന്ന ആദ്യ ഡി.ജി.പിയാണ് ജേക്കബ് തോമസ്. 1987 ബാച്ച് […]

ദേശീയപാതക്കായി ഭൂമിയേറ്റെടുക്കലിന് പണം നല്‍കാന്‍ തടസ്സങ്ങളില്ലെന്ന് ധനമന്ത്രി തോമസ് ഐസക്. നാലായിരം കോടിയുടെ പദ്ധതികള്‍ക്ക് കൂടി അംഗീകാരം നല്‍കിയതായും ഇനി പുതിയ പദ്ധതികള്‍ നിയന്ത്രിക്കുമെന്നും ധനമന്ത്രി വ്യക്തമാക്കി. 4013 കോടി രൂപയുടെ 96 പദ്ധതികള്‍ക്കാണ് കിഫ്ബി ഗവേണിങ് ബോഡി അംഗീകാരം നല്‍കിയത്. ഇതുവരെ ആകെ 35028 കോടി രൂപയുടെ അടിസ്ഥാന സൌകര്യ വികസനപദ്ധതികള്‍ കിഫ്ബി അംഗീകരിച്ചു. വ്യവസായ പാര്‍ക്കുകള്‍ക്ക് സ്ഥലമേറ്റെടുക്കാന്‍ 14275.17 കോടിയും ദേശീയ പാത ഭൂമിയേറ്റെടുക്കലിന് 5374 കോടിയും ചേരുമ്പോള്‍ ആകെ 53768 കോടിയുടെ പദ്ധതികള്‍. […]

അടുത്ത സാമ്പത്തിക വർഷത്തേക്കുള്ള സംസ്ഥാനത്തിന്റെ വാർഷിക പദ്ധതി തയാറായി. നടപ്പു വർഷത്തെക്കാൾ പദ്ധതി അടങ്കലിൽ 2000 കോടിയുടെ കുറവ് ഇത്തവണയുണ്ട്. നടപ്പു വർഷത്തെ പദ്ധതി അടങ്കൽ 30,610 കോടി രൂപയാണ്. എന്നാൽ തദ്ദേശ സ്ഥാപനങ്ങൾക്കുള്ള പദ്ധതി വിഹിതത്തിൽ കുറവ് വരുത്തിയേക്കില്ല. ഇന്നലെ ചേർന്ന ആസൂത്രണ ബോർഡിന്റെ സമ്പൂർണ യോഗം തയ്യാറാക്കിയ വാർഷിക പദ്ധതി ഇന്നത്തെ മന്ത്രിസഭ യോഗം പരിഗണിച്ചേക്കും.

നേപ്പാളിലെ റിസോര്‍ട്ടില്‍ മരിച്ച മലയാളികളുടെ മൃതദേഹങ്ങള്‍ ഇന്ന് പോസ്റ്റ്മോര്‍ട്ടം ചെയ്യും. കാഠ്മണ്ഡു എച്ച്.എ.എം.എസ് ആശുപത്രിയിലാണ് പോസ്റ്റ്മോര്‍ട്ടം നടക്കുക. പോസ്റ്റ്മോര്‍ട്ടത്തിന് ശേഷം രണ്ട് വിമാനത്തിലായി മൃതദേഹങ്ങള്‍ നാട്ടിലെത്തിക്കും. ഇന്ത്യന്‍ എംബസി ഉദ്യോഗസ്ഥര്‍ എച്ച്.എ.എം.എസ് ആശുപത്രിയിലുണ്ട്. തിരുവനന്തപുരം ചെങ്കോട്ട് കോണം സ്വദേശി പ്രവീണും ഭാര്യയും മൂന്ന് മക്കളും, കോഴിക്കോട് കുന്ദമംഗലം സ്വദേശി രഞ്ജിത്, ഭാര്യ, മകന്‍ എന്നിവരുമാണ് മരിച്ചത്. ഹീറ്ററില്‍ നിന്നുള്ള വിഷവാതകം ശ്വസിച്ചതാണ് മരണ കാരണമെന്നാണ് പ്രാഥമിക നിഗമനം. തിങ്കള്‍ രാത്രി 9.30നാണ് 15 അംഗ സംഘം ധാമന്‍ […]

നിയമസഭ സമ്മേളത്തില്‍ ഗവര്‍ണര്‍ക്ക് വായിക്കാനുള്ള നയപ്രഖ്യാപനത്തിന് ഇന്നത്തെ മന്ത്രിസഭ യോഗം അംഗീകാരം നല്‍കിയേക്കും. പൌരത്വ നിയമഭേദഗതിക്കും, എന്‍പിആറിനും എതിരായ സര്‍ക്കാര്‍ നിലപാട് നയപ്രഖ്യാപനത്തില്‍ ഉള്‍പ്പെടുത്തുമോ എന്ന ആകാംക്ഷ രാഷ്ട്രീയ കേന്ദ്രങ്ങള്‍ക്കുണ്ട്. നയപ്രഖ്യാപനത്തില്‍ ഇത് ഉള്‍പ്പെടുത്തിയാലും ഗവര്‍ണര്‍ വായിക്കുമോ എന്നതാണ് സര്‍ക്കാര്‍ നേരിടുന്ന വെല്ലുവിളി. ഗവര്‍ണറുടെ നയപ്രഖ്യാപനത്തോട് കൂടിയാണ് ജനുവരി 31 ന് നിയമസഭ സമ്മേളനം ആരംഭിക്കുന്നത്. പൌരത്വ ഭേദഗതി നിയമം കേരളത്തില്‍ നടപ്പാക്കില്ലെന്നും, എന്‍പിആറുമായി ബന്ധപ്പെട്ട നടപടികളോട് സഹകരിക്കില്ലെന്നും സംസ്ഥാന സര്‍ക്കാര്‍ നേരത്തെ തന്നെ വ്യക്തമാക്കിയിരുന്നു. ഇത് […]

നേപ്പാളില്‍ എട്ട് മലയാളികളെ മരിച്ച നിലയില്‍ കണ്ടെത്തിയ സംഭവത്തില്‍, മൃതദേഹങ്ങള്‍ ഉടന്‍ നാട്ടിലെത്തിക്കാന്‍ നോര്‍ക്കയ്ക്ക് നിര്‍ദ്ദേശം നല്‍കി മുഖ്യമന്ത്രി പിണറായി വിജയന്‍. നോര്‍ക്ക അധികൃതര്‍ നേപ്പാളിലെ ഇന്ത്യന്‍ എംബസിയുമായി ബന്ധപ്പെടുന്നുണ്ട്. പോസ്റ്റ്‌മോര്‍ട്ടം നടപടികള്‍ക്ക് ശേഷം നാളെ മൃതദേഹങ്ങള്‍ നാട്ടിലെത്തിക്കാനാകുമെന്നാണ് പ്രതീക്ഷ. ദാരുണമായ സംഭവത്തില്‍ മുഖ്യമന്ത്രി അഗാധമായ ദുഃഖം രേഖപ്പെടുത്തി. തിങ്കളാഴ്ച രാത്രിയോടെ ദമാനിലെ റിസോര്‍ട്ടില്‍ മുറിയെടുത്ത 15 അംഗ സംഘത്തിലെ എട്ടുപേര്‍ക്കാണ് വാതകം ശ്വസിച്ച്‌ ദാരുണാന്ത്യം സംഭവിച്ചത്. തിങ്കളാഴ്ച രാത്രി 9.30 ഓടെയാണ് 15 അംഗ സംഘം […]

കേരളത്തിന്റെ പ്രകൃതി സമ്ബത്ത് ശരിയായി വിനിയോഗിച്ചാല്‍ സാമ്ബത്തിക വികസനത്തില്‍ കേരളത്തിന് വലിയ കുതിച്ചു ചാട്ടം നടത്താനാവുമെന്ന് മുഖ്യമന്ത്രി പിണറായി വിജയന്‍ പറഞ്ഞു. നാലാഞ്ചിറ ഗിരിദീപം കണ്‍വെന്‍ഷന്‍ സെന്ററില്‍ നടന്ന തദ്ദേശസ്വയംഭരണ സ്ഥാപനതല ദുരന്ത നിവാരണ പദ്ധതിയുടെ സംസ്ഥാനതല ഉദ്ഘാടനം നിര്‍വഹിക്കുകയായിരുന്നു അദ്ദേഹം. കാര്‍ഷിക, വ്യാവസായിക വികസനമാണ് ഒരു നാടിന്റെ വികസനത്തില്‍ പ്രധാന ഘടകങ്ങള്‍. കേരളത്തിലെ കാലാവസ്ഥയും മണ്ണും ഏത് കൃഷിക്കും അനുയോജ്യമാണ്. നമുക്ക് ആവശ്യമായ പച്ചക്കറിയും ധാന്യങ്ങളും മറ്റു ഭക്ഷ്യവസ്തുക്കളും ഇവിടെത്തന്നെ ഉത്പാദിപ്പിക്കാനാവണം. തദ്ദേശസ്ഥാപനങ്ങള്‍ ശരിയായ ആസൂത്രണം […]

അഭിനയപ്രതിഭയായിരുന്ന പ്രേംനസീറിന്റെ പേരില്‍ സ്മാരകമില്ലാത്തതില്‍ കുറ്റബോധം തോന്നുന്നുണ്ടെന്നും ഇതിനായി സര്‍ക്കാര്‍ നടപടി സ്വീകരിച്ചുവരുകയാണെന്നും സാംസ്കാരിക മന്ത്രി എ.കെ. ബാലന്‍ പറഞ്ഞു . അന്താരാഷ്ട്ര നാടകോത്സവമായ ഇറ്റ്ഫോക് തൃശ്ശൂരില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ആധുനിക കേരള സൃഷ്ടിയില്‍ നാടകത്തിന് വലിയ സ്ഥാനമാണുള്ളത് . നാടകമുള്‍പ്പെടെയുള്ള കലകളുടെ വളര്‍ച്ചയ്ക്കും വികാസത്തിനുമായി 14 ജില്ലകളിലും കള്‍ച്ചറല്‍ കോംപ്ലക്സുകള്‍ സ്ഥാപിച്ച്‌ വരുകയാണ്. ജനങ്ങളിലേക്ക് നാടകം കൂടുതലായി എത്തിക്കാന്‍ കഴിയണം. ഗ്രാമങ്ങളിലേക്ക് സിനിമയും കൂടുതലായി എത്തിക്കണം. ഇതിനുള്ള പരിശ്രമത്തിലാണ് സംസ്ഥാന സര്‍ക്കാര്‍. നാടകം പോലുള്ള […]

സര്‍ക്കാറുമായുള്ള തര്‍ക്കത്തില്‍ ഗവര്‍ണര്‍ക്കും മുഖ്യമന്ത്രിക്കുമെതിരെ വിമര്‍ശനവുമായി പ്രതിപക്ഷം. ഗവര്‍ണര്‍ക്കെതിരെ കടുത്ത വിമര്‍ശമുന്നയിച്ച പ്രതിപക്ഷ നേതാക്കള്‍ ധൈര്യപൂര്‍വം നിലപാടെടുക്കാന്‍ മുഖ്യമന്ത്രിയെ വെല്ലുവിളിച്ചു. നയപ്രഖ്യാപനത്തില്‍ പൌരത്വ നിയമത്തിനെതിരായ പ്രമേയം ഉള്‍പ്പെടുത്തണമെന്നും പ്രതിപക്ഷം ആവശ്യപ്പെട്ടു. പൌരത്വ നിയത്തെച്ചൊല്ലി സംസ്ഥാന സര്‍ക്കാറും ഗവര്‍ണറും തമ്മില്‍ നടക്കുന്ന തര്‍ക്കത്തില്‍ ഇരുകൂട്ടര്‍ക്കുമെതിരായ കുടത്ത വിമര്‍ശമാണ് പ്രതിപക്ഷം ഉന്നയിക്കുന്നത്. സര്‍ സിപിയുടെ ചരിത്രം ഒര്‍മിപ്പിച്ചാണ് കോണ്‍ഗ്രസ് നേതാവ് കെ. മുരളീധരന്‍ ഗവര്‍ണര്‍ ആരിഫ് മുഹമ്മദ് ഖാനെതിരെ ആഞ്ഞടിച്ചത്. സിപിയെ വെട്ടിയ നാടാണിതെന്ന് ഗവര്‍ണര്‍ ഓര്‍ക്കണം. ഗവർണർ ആരിഫ് […]

പൗരത്വ ഭേദഗതി നിയമത്തിനെതിരെ സംസ്ഥാനം സുപ്രിംകോടതിയെ സമീപിക്കുന്നതിന് മുമ്പ് തന്നെ അറിയിച്ചില്ലെന്ന ഗവര്‍ണര്‍ ആരിഫ് മുഹമ്മദ് ഖാന്റെ വാദം തള്ളി മുന്‍ ഗവര്‍ണര്‍ പി സദാശിവം. കേന്ദ്ര സര്‍ക്കാരിന്റെ നിയമത്തിനെതിരെ സുപ്രിംകോടതിയെ സമീപിക്കുന്നതിന് മുമ്പ് ഗവര്‍ണറെ അറിയിക്കേണ്ട ഭരണ ഘടനാ ബാധ്യത സംസ്ഥാന സര്‍ക്കാരിനില്ലെന്ന് സദാശിവം മീഡിയവണിനോട് പറഞ്ഞു. സുപ്രധാന വിഷയങ്ങള്‍ ഗവര്‍ണറെ അറിയിക്കുന്നതാണ് ഉചിതം. എന്നാല്‍ കാര്യങ്ങള്‍ അറിയിക്കാതിരിക്കുന്നത് ഭരണഘടനാ വിരുദ്ധമല്ല. തന്റെ കാലത്ത് മന്ത്രിമാരോ ചീഫ് സെക്രട്ടറിയോ നേരിട്ടെത്തി അറിയിച്ചിരുന്നു. താന്‍ ഗവര്‍ണറായിരിക്കെ രാഷ്ട്രീയകാര്യങ്ങളില്‍ […]