ഓണ്ലൈന് ഗെയിമായ പബ്ജിക്ക് ഗുജറാത്തിലെ പ്രൈമറി സ്കൂളുകളില് നിരോധനം. ഗെയിമിനോടു അമിതാസക്തി വിദ്യാര്ഥികളുടെ പഠനത്തെ ദോഷകരമായി ബാധിക്കുന്നുവെന്ന കണ്ടെത്തലിനെ തുടര്ന്നാണ് ഗെയിമിനു വിലക്കേര്പെടുത്തിയത്. ദേശീയ ബാലാവകാശ കമ്മീഷന് നിര്ദേശപ്രകാരമാണ് ഗെയിം നിരോധിച്ചതെന്നാണ് സംസ്ഥാന പ്രൈമറി വിദ്യാഭ്യാസ വകുപ്പിന്റെ വിശദീകരണം. വിദ്യാര്ഥികളെ വളരെ ദോഷകരമായി ബാധിക്കുന്ന പബ്ജി ഗെയിം നിരോധിക്കണം എന്നാവശ്യപ്പെട്ടു ദേശീയ ബാലാവകാശ കമ്മീഷന് എല്ലാ സംസ്ഥാനങ്ങള്ക്കും കത്തയച്ചിട്ടുണ്ട്. കത്തു ലഭിച്ചതിന് പിന്നാലെ ഗെയിം നിരോധിക്കാന് പ്രൈമറി വിദ്യാഭ്യാസ വകുപ്പിനോടു നിര്ദേശിച്ചതെന്ന് സംസ്ഥാന ബാലാവകാശ കമ്മീഷന് ചെയര്പേഴ്സണ് […]
