Author: Tomy Thondamkuzhy

ഇന്നലെ രാത്രിയാണ് യൂത്ത് കോണ്‍ഗ്രസ് പ്രവര്‍ത്തകരായ കൃപേഷും ശരത്തും കാസര്‍കോട് വെച്ച് കൊല്ലപ്പെടുന്നത്. യൂത്ത് കോൺഗ്രസ് പ്രവര്‍ത്തകനായ കൃപേഷിന്റെ മരണത്തിനുത്തരവാദി സി.പി.എം ആണെന്ന ആരോപണങ്ങള്‍ക്കിടയില്‍ ഇന്നാണ് കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രന്‍ കൊല്ലപ്പെട്ട കൃപേഷിന്റെ വീട്ടില്‍ ആശ്വസിപ്പിക്കാനെത്തുന്നത്. വീട്ടിലെത്തിയ മുല്ലപ്പള്ളി വികാരഭരിതനായി പോവുകയും കണ്ണീര്‍ വാര്‍ക്കുകയും ചെയ്തത് വലിയ രീതിയില്‍ വാര്‍ത്തയായിരുന്നു. അതെ സമയം മുല്ലപ്പള്ളിയുടെ കരച്ചിലിനെ വിമര്‍ശിച്ച് സോഷ്യല്‍ മീഡിയയിലെ ഇടത് അനുഭാവ പ്രൊഫൈലുകള്‍ രംഗത്ത് വന്നിരുന്നു. മുല്ലപ്പള്ളിയുടേത് നാടകമാണെന്നും കരച്ചില്‍ വ്യാജമാണെന്നുമുള്ള ആരോപണങ്ങളെ വിമര്‍ശിച്ച് […]

തിരുവനന്തപുരം സെക്രട്ടേറിയേറ്റിന് മുന്നിലെ സമരപ്പന്തലുകൾ പൊലീസ് സഹായത്തോടെ നഗരസഭ അധികൃതര്‍ പൊളിച്ചു നീക്കി . നടപ്പാത കയ്യേറി പന്തൽ കെട്ടിയത് പൊളിച്ച് നീക്കണമെന്ന മേയറുടെ നിർദ്ദേശത്തെ തുടർന്നാണ് നടപടി. രാത്രി വൈകി 11 മണിയോടെയാണ് സെക്രട്ടേറിയേറ്റിന് മുന്നിലെ സമരപ്പന്തലുകൾ പൊളിച്ച് നീക്കിയത്. സഹോദരന്റെ മരണത്തിൽ അന്വേഷണം ആവശ്യപ്പെട്ട് സമരം നടത്തുന്ന ശ്രീജിത്തിന്റെയും കെ.എസ് ആർ.ടി.സിയിലെ എംപാനൽ ജീവനക്കാരുടെയും ഉൾപ്പെടെയുള്ള പന്തലുകളാണ് പൊളിച്ച് നീക്കിയത്. പൊലീസ് സഹായത്തോടെയായിരുന്നു നഗരസഭയുടെ നടപടി. മുന്നറിയിപ്പില്ലാതെയാണ് നഗരസഭയുടെ നീക്കമെന്ന് സമരക്കാർ പറയുന്നു. എന്നാൽ […]

തിരുവനന്തപുരം സെക്രട്ടേറിയറ്റിന് മുന്നില്‍ കെ.എസ്.ആര്‍.ടി.സി എംപാനല്‍ ജീവനക്കാരിയുടെ ആത്മഹത്യ ശ്രമം. സമരപ്പന്തല്‍ പൊളിച്ച് നീക്കിയതില്‍ പ്രതിഷേധിച്ചാണ് ആത്മഹത്യ ശ്രമം. സെക്രട്ടേറിയറ്റിന് മുമ്പിലെ മരത്തില്‍ കഴുത്തിന് കുരുക്കിട്ടാണ് യുവതി ആത്മഹത്യക്ക് ശ്രമിച്ചത്. പൊലീസും ഫയര്‍ഫോഴ്സും സ്ഥലത്തെത്തി ജീവനക്കാരിയെ താഴെയിറക്കി. ആലപ്പുഴ സ്വദേശിനിയായ യുവതിയാണ് ആത്മഹത്യയ്ക്ക് ശ്രമിച്ചത്. ഇന്നലെയാണ് സെക്രട്ടേറിയറ്റിന് മുന്നിലെ സമരപ്പന്തലുകള്‍ നഗരസഭ പൊളിച്ചുനീക്കിയത്. പൊലീസ് സഹായത്തോടെ ഇന്നലെ രാത്രി 11.30 നാണ് പൊളിച്ചുനീക്കല്‍ ആരംഭിച്ചത്. ഒരു മണിക്കൂറോളം നീണ്ട പരിശ്രമത്തെ തുടര്‍ന്ന് പത്തോളം വരുന്ന സമരപ്പന്തലുകള്‍ പൊളിച്ചുമാറ്റുകയായിരുന്നു. […]

കാസർകോട് യൂത്ത് കോൺഗ്രസ് പ്രവർത്തകരുടെ കൊലപാതകവുമായി ബന്ധപ്പെട്ട് മുഖ്യ സൂത്രധാരന്‍ കസ്റ്റഡിയില്‍. സി.പി.എം പെരിയ ലോക്കൽ കമ്മിറ്റിയംഗം പീതാംബരനാണ് കസ്റ്റഡിയിലായത്. പ്രത്യേക അന്വേഷണ സംഘമാണ് ഇയാളെ കസ്റ്റഡിയിലെടുത്തത്. പുറത്ത് നിന്നുള്ള ക്വട്ടേഷന്‍ സംഘമാണ് കൊലപാതകം നടത്തിയതെന്നും പൊലീസിന് വിവരം ലഭിച്ചതായാണ് സൂചന.