വാഷിംഗ്ടണ്: അമേരിക്കന് തെരഞ്ഞെടുപ്പിലെ റഷ്യന് ഇടപെടലും അതില് ട്രംപിന്റെ പങ്കും അന്വേഷിച്ച റോബര്ട്ട് മ്യുള്ളറുടെ ഭാഗിക റിപ്പോര്ട്ട് പ്രസിദ്ധീകരിച്ചു. ട്രംപിനെ കുറ്റക്കാരനെന്ന് സ്ഥാപിക്കുന്നില്ലെങ്കിലും പ്രസിഡന്റ് തെരഞ്ഞെടുപ്പില് റഷ്യന് ഇടപെടല് സ്ഥിരീകരിക്കുന്നതാണ് റിപ്പോര്ട്ട്. റിപ്പോര്ട്ടില് ട്രംപിനെ പൂര്ണ്ണമായും കുറ്റവിമുക്തനാക്കിയിട്ടില്ല. 450 പേജുള്ള റിപ്പോര്ട്ടിന്റെ മുഴുവന് ഭാഗവും പുറത്തുവിട്ടിട്ടില്ല. റിപ്പോര്ട്ട് ട്രംപിനെതിരെയുള്ള ആയുധമാക്കാന് ഒരുങ്ങുകയാണ് ഡെമോക്രാറ്റുകള്. നിയമനടപടികളിലേക്ക് നീങ്ങുകയാണ് ഡെമോക്രാറ്റുകള് എന്നാണ് വിവരം.
