 | |  |
ജമ്മു കശ്മീരില് ഭൂചലനം. റിക്ടര് സ്കെയിലില് 4.2 തീവ്രത രേഖപ്പെടുത്തിയ ഭൂചലനം വൈകുന്നേരം 4.20നാണ് കശ്മീര് താഴ്വര നടുക്കിയത്. ലേക്ക് സമീപത്തുള്ള പര്വതമാണ് ഭൂകമ്പത്തിന്റെ പ്രഭവ കേന്ദ്രമെന്നാണ് വിലയിരുത്തല്. പരിക്കോ നാശനഷ്ടമോ റിപ്പോര്ട്ട് ചെയ്തിട്ടില്ല. 2019ന്റെ തുടക്കം മുതല് ജമ്മു കശ്മീരില് നിരവധി ചെറിയ ചലനങ്ങള് അനുഭവപ്പെട്ടിരുന്നു. കഴിഞ്ഞ ഫെബ്രുവരിയിലുണ്ടായ ഭൂചലനത്തില് റിക്ടര് സ്കെയില് 5.6 തീവ്രത രേഖപ്പെടുത്തിയിരുന്നു.
മധ്യകേരളത്തിലും മലബാറിലെ പലയിടങ്ങളിലും ശക്തമായ മഴ. കോഴിക്കോടും മലപ്പുറത്തും ഇന്ന് റെഡ് അലര്ട്ട് പ്രഖ്യാപിച്ചിട്ടുണ്ട്. വിഴിഞ്ഞത്ത് വള്ളം മറിഞ്ഞ് മത്സ്യത്തൊഴിലാളി മരിച്ചു. മീനച്ചിലാറ്റിലും പമ്പ , മണിമല, അച്ചന്കോവിലാറിലും ജലനിരപ്പ് ഉയര്ന്നു. എ.സി റോഡിൽ വെള്ളം കയറിയതിനെ തുടർന്ന് തുടർച്ചയായ നാലാം ദിവസവും ആലപ്പുഴ -ചങ്ങനാശേരി റൂട്ടിൽ ഗതാഗതം തടസപ്പെട്ടു. കനത്ത മഴയെ തുടര്ന്ന് പതിനൊന്ന് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയാണ്. അതേസമയം ഉരുള്പൊട്ടലുണ്ടായ കവളപ്പാറയിലും പുത്തുമലയിലും തെരച്ചില് തുടരുകയാണ്. കവളപ്പാറയില് നിന്നും ഒരു മൃതദേഹം […]
കോട്ടയം ജില്ലയിൽ ശക്തമായ മഴ തുടരുന്നു. കിഴക്കൻ മേഖലയിലാണ് കൂടുതൽ മഴ പെയ്തത്. ഇതേ തുടർന്ന് മീനച്ചിലാറ്റിൽ വീണ്ടും ജലനിരപ്പ് ഉയർന്നു. ഉരുൾപൊട്ടലും മണ്ണിടിച്ചിലും ഉണ്ടാകാനുള്ള സാധ്യത കണക്കിലെടുത്ത് ആളുകളെ മാറ്റി പാർപ്പിച്ചിട്ടുണ്ട്. ഈരാറ്റുപേട്ട, തലനാട്, തീക്കോയി, വാഗമൺ, കാഞ്ഞിരപ്പള്ളി ,മുണ്ടക്കയം എന്നീ കിഴക്കൻ മേഖലയിലാണ് മഴ ശക്തമായിരിക്കുന്നത്. ഇന്നലെ പകലും രാത്രിയിലും അതിശക്തമായ മഴയാണ് ലഭിച്ചത് . ഇതേ തുടർന്ന് മീനച്ചിലാറ്റിലെ ജലനിരപ്പ് ഉയർന്നു. പാലാ നഗരത്തിലും മൂന്നാനി അമ്പാറ മേഖലയിലും മീനച്ചിലാർ കര കവിഞ്ഞു. […]
കോഴിക്കോട് പാറമ്മലില് ചാലിയാറിന്റെ തീരം വന് തോതില് ഇടിയുന്നു. ചാലിയാറില് നിന്നും കയറിയ ചെളി നിറഞ്ഞതിനാല് പല വീടുകളിലേക്കും ആളുകള്ക്ക് എത്താനാവാത്ത സ്ഥിതിയിലാണ്. തീരമിടിയുന്നത് തടയാന് അടിയന്തിരമായി സംരക്ഷണ ഭിത്തി കെട്ടണമെന്ന് നാട്ടുകാര് ആവശ്യപ്പെടുന്നു. ചാലിയാറിന്റെ തീരത്തുള്ള വീടുകളാണ് ഇവയെല്ലാം. പ്രളയ ജലം കുതിച്ചെത്തുമ്പോള് ഭാഗ്യം കൊണ്ടാണ് പലരും രക്ഷപ്പെട്ടത്. ക്യാമ്പില് നിന്നും മടങ്ങിയെത്തുമ്പോള് പലയിടത്തും തീരം ഇടിഞ്ഞ് ചാലിയാറിലേക്ക് താഴ്ന്നു,. ഇതെല്ലാം ആധിയോടെ നോക്കിനില്ക്കാനേ ഇവര്ക്ക് സാധിക്കുന്നുള്ളൂ. ചാലിയാറില് നിന്നും കയറിയ വെള്ളം ഇറങ്ങിയെങ്കിലും പല […]
ശ്രീറാം വെങ്കിട്ടരാമനെതിരായ സംസ്ഥാന സര്ക്കാരിന്റെ അപ്പീല് ഹൈക്കോടതി തള്ളി. അന്വേഷണത്തില് നിരവധി പാളിച്ചകളുണ്ട്. പ്രതിയെ കസ്റ്റഡിയില് ചോദ്യം ചെയ്യേണ്ട ആവശ്യം നിലവിലില്ലെന്നും കോടതി. മാധ്യമ പ്രവര്ത്തകനായ കെ.എം ബഷീറിനെ കാറിടിച്ച് കൊലപെടുത്തിയ കേസില് ശ്രീറാം വെങ്കിട്ടരാമന് ജാമ്യം നല്കിയ മജിസ്ട്രേറ്റ് കോടതി ഉത്തരവ് റദ്ദാക്കണമെന്നായിരുന്നു അപ്പീലിലെ ആവശ്യം. മാധ്യമ പ്രവര്ത്തകന് മരണപ്പെട്ട സമയത്ത് അപകടകാരണമായ വാഹനം ഓടിച്ചിരുന്നത് താനല്ലെന്ന വാദമാണ് ശ്രീറാം വെങ്കിട്ടരാമന് ഹൈകോടതിയില് ഉന്നയിച്ചിട്ടുള്ളത്. മ്യൂസിയം പബ്ലിക് ഓഫീസിന് മുന്നിലുണ്ടായ അപകടത്തില് ഇടതുവശത്തിരുന്ന ശ്രീറാമിനും പരിക്കേറ്റെന്നായിരുന്നു […]
പെരുന്നാള് തലേന്ന് എന്റെ പെരുന്നാള് ഇങ്ങനെയാ എന്നു പറഞ്ഞ് കേരളക്കരയാകെയുള്ള മനുഷ്യരുടെ മനം കവര്ന്ന ഒരാളുണ്ട്. നൌഷാദ്. പ്രളയം ബാധിച്ച സ്ഥലങ്ങളിലേക്ക് സ്വന്തം കടയില് നിന്നും പുതിയ വസ്ത്രങ്ങള് എടുത്ത് നല്കി നൌഷാദ് സാമൂഹ്യ മാധ്യമങ്ങളില് തരംഗമായിരുന്നു. വിവിധ മേഖലകളില് നിന്നുള്ള പ്രമുഖര് നൌഷാദിനെ അഭിനന്ദിച്ച് രംഗത്തെത്തി. പെരുന്നാള് ദിനത്തില് അദ്ദേഹത്തിന് പ്രാര്ത്ഥനകളും നന്മകളും നേര്ന്നുകൊണ്ട് നടന് മമ്മൂട്ടിയും രംഗത്തെത്തി. നല്ലൊരു ദിവസമായിട്ട് വലിയ കാര്യമാണ് ചെയ്തതെന്നും എല്ലാ അനുഗ്രഹങ്ങളുമുണ്ടാകട്ടെയെന്നും മമ്മൂട്ടി നൌഷാദിനോട് പറഞ്ഞു. നിങ്ങള് കടയിലുള്ള സാധനങ്ങളൊക്കെ കൊടുത്തുവെന്ന് […]
ഏകദിനത്തിലെ 42ആം സെഞ്ചുറി നേടിയ ഇന്ത്യന് ക്യാപ്റ്റന് വിരാട് കോഹ്ലിക്ക് അഭിനന്ദന പ്രവാഹമാണ്. ഏകദിന സെഞ്ചുറികളില് സച്ചിനെ കോഹ്ലി മറികടക്കുമെന്ന കാര്യത്തില് ആര്ക്കുമിനി സംശയമുണ്ടാകില്ല. സച്ചിനേയും കടന്നു പോകുന്ന കോഹ്ലി എത്ര സെഞ്ചുറി നേടുമെന്ന് പ്രവചിച്ചിരിക്കുകയാണ് മുന് ഇന്ത്യന് താരം വസിം ജാഫര്. 125 പന്തുകളില് നിന്നും 14 ബൗണ്ടറിയും ഒരു സിക്സും 120 റണ്സെടുത്ത കോലി വെസ്റ്റിന്ഡീസിനെതിരായ രണ്ടാം ഏകദിനത്തില് ഇന്ത്യന് ജയം ഉറപ്പിക്കുകയും ചെയ്തു. 11 ഇന്നിംങ്സുകള്ക്കു ശേഷമായിരുന്നു കോഹ്ലി സെഞ്ചുറി നേടിയത്.
ആയുധധാരികളായ മോഷ്ടാക്കളെ കസേരകൊണ്ട് നേരിട്ട് തോല്പ്പിച്ച വൃദ്ധദമ്പതികളാണ് ഇപ്പോള് സോഷ്യല് മീഡിയയില് താരം.തമിഴ് നാട്ടിലെ തിരുനെല്വേലിയിലാണ് സംഭവം. തമിഴ്നാട്ടിലെ തിരുനെല്വേലിയിലുള്ള ഈ വൃദ്ധദമ്പതികള്കളുടെ ധൈര്യത്തിന് കൈയ്യടിക്കുകയാണ് സൊഷ്യല്മീഡിയ. വീട്ടില് അതിക്രമിച്ച് കടന്ന് മോഷ്ടിക്കാന് ശ്രമിച്ച ആയുധധാരികളായ കള്ളന്മാരെ സധൈര്യം നേരിട്ടു ഇവര്. വീട്ടിലെത്തിയ മോഷ്ടാക്കള് 70കാരനായ ഷണ്മുഖവേലിനെ കഴുത്തില് കയറ് മുറുക്കി ബന്ധിച്ചു. സംഭവം കണ്ട ഭാര്യ സെന്താമര ചെരുപ്പ് കൊണ്ട് കള്ളന്മാരെ പ്രതിരോധിച്ചു. സെന്താമരയുടെ പ്രതിരോധത്തില് ഷണ്മുഖവേലിന്മേലുള്ള പിടുത്തം അയഞ്ഞു. പിന്നീട് നടന്നത് സിനിമയെ വെല്ലുന്ന […]
കശ്മീരിൽ സ്വതന്ത്ര മാധ്യമപ്രവർത്തനം പുനഃസ്ഥാപിക്കണമെന്ന ഹരജിയിൽ അടിയന്തരമായി വാദം കേൾക്കണമെന്ന ആവശ്യം പരിഗണിക്കാമെന്ന് സുപ്രിം കോടതി. കശ്മീർ ടൈംസ് എക്സിക്യൂട്ടീവ് എഡിറ്റർ അനുരാധാ ബാസിനാണ് കോടതിയെ സമീപിച്ചത്. കശ്മീരിൽ മാധ്യമപ്രവർത്തനം വെല്ലുവിളിയായി തീർന്നിരിക്കുകയാണെന്നും ഇന്റർനെറ്റ് അടക്കം സംവിധാനങ്ങൾ വിച്ഛേദിച്ചിരിക്കുകയാണെന്നും ഹരജിയിൽ ചൂണ്ടിക്കാട്ടിയിരുന്നു. അതേസമയം ജമ്മു കശ്മീരിലേക്ക് ക്ഷണിച്ച ഗവർണർക്ക് മറുപടിയുമായി രാഹുൽ ഗാന്ധി രംഗത്തെത്തി. ജമ്മുവിലേക്ക് യാത്രാവിമാനം വേണ്ടെന്നും യാത്ര ചെയ്യാനും ജനങ്ങളെ കാണാനുമുള്ള സ്വാതന്ത്ര്യമാണ് വേണ്ടതെന്നുമായിരുന്നു രാഹുലിന്റെ പ്രതികരണം.
എറണാകുളം, തൃശൂര്, കോഴിക്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി. നാളെ ശക്തമായ മഴയുണ്ടാകുമെന്നാണ് മുന്നറിയിപ്പ്. ഈ സാഹചര്യത്തില് മുൻകരുതൽ എന്ന നിലയിൽ നാളെ മൂന്ന് ജില്ലകളിലെ പ്രൊഫഷണല് കോളജുകള് അടക്കമുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും. സി.ബി.എസ്.ഇ, ഐ.സി.എസ്.ഇ, ഐ.എസ്.ഇ തുടങ്ങിയ എല്ലാ സിലബസുകളിലുമുള്ള സ്കൂളുകള്ക്കും കേന്ദ്രീയ വിദ്യാലയങ്ങള്, അങ്കണവാടികള് എന്നിവയ്ക്കും അവധി ബാധകമായിരിക്കും. അവധി ആഘോഷമാക്കാൻ കുട്ടികള് കുളത്തിലേക്കും പുഴയിലേക്കും പോകാതിരിക്കാൻ രക്ഷിതാക്കൾ പ്രത്യേകം ശ്രദ്ധിക്കണമെന്ന് എറണാകുളം ജില്ലാ കലക്ടര് മുന്നറിയിപ്പ് നല്കി. നിലവിൽ […]